1 TESALUNIKA 2:13 - PEJANJIAN EMPAI CERITAU ILUAK

¹³ Adau semecam agi diau mbuat kami beterimau-kasia ngan Allah. Masau kami ngiciakka ngan kamu ceritau jak di Allah, kamu ndengagh ngan nerimau ceritautu, ukan luak kici'an manusiau, tapitu luak ceritau jak di Allah. La nyela nian katau Allah. Diautu dang bekerjau dalam ati kamu diau percayau.

1 TESALUNIKA 2:13 ပူးပေါင်းရင်းမြစ်များ

MATIUS 10:20

Karnau diau ngiciak masau itu ukan kamu, tapitu Rua Bapak diau di sergau. Diautu ka ngiciak di ati kamu.

MATIUS 10:40

Jemau diau nerimau kamu nerimau Aku. Jemau diau nerimau Aku nerimau pulau diau ngajung Aku.

LUKAS 11:28

Anyautu Yesus nimbal, “Riangla jemau diau ndengaghka katau Allah ngan na'atinyau.”

LUKAS 5:1

Yesus dang betegak di tepi danau Genesarit, jemau banyak bererincitan endak ndengaghka ceritau jak di Allah.

LUKAS 8:11

Inila retiau umpamau tadi: Benia ibarat kici'an Allah.

LUKAS 8:21

Yesus nimbali ughangtu, katauNyau, “Jemau diau ndengaghka kici'an Allah ngan na'atinyau, ughang itula makKu ngan ading-beghadingKu.”

YUHANIS 15:3

Kamu la diberesiaka karnau kici'anKu diau la Kukiciakka ngan kamu.

YUHANIS 17:17

Beresiakala ughangtu batan endak Dighi ngan Pirman Dighi diau benagh. Nyela, Pirman Dighitu benagh.

YUHANIS 17:19

Bak, batan endak ughangtu Aku nyeraka diriKu ngan Dighi, supayau ughangtu pulau nyeraka diriau nian batan endak Dighi.

RASUL 10:33

Mangku aku ngajung jemau cepat pegi njenguak dighi, mangku dighi la datang ke sini ngan riang. Mbak kini gegalau kami la betunggal galau di sini di adapan Allah endak ndengaghka gegalaunyau diau Allah ajung dighi kiciakka ngan kami.”

RASUL 13:48

Ndengagh kici'an itu gegalau jemau diau ukan Yahudi riang nian ngan ngagungka ceritau jak di Tuhan. Mangku gegalau jemau diau la ditetapka Allah batan endak idup selelamaunyau percayau ngan Tuhan Yesus.

RASUL 16:14

Adau sughang jak di tinautu, namaunyau Lidia, asalau jak di Tiatira. Diautu tukang dagang kain ungu diau besak regaunyau. Diautu nyemba Allah. Tuhan mbukakka atiau, mangku diau nerimau kici'an Paulus,

RASUL 17:11

Jemau Yahudi di kuta itu nerimau nian kici'an Paulus, ukan luak jemau Tesalunika. Ngan riang ughangtu ndengaghka ceritau Yesus. Idang aghi ughangtu melajaghi nian Injil endak ngeruani, apu gegalaunyau nyela luak itu.

RASUL 17:32

Satu ughangtu ndengagh, bansau jemau mati ka ngulang idup, adau diau nawauka Paulus. Adau pulau diau bekatau, “Nanti ajau kami ndengagh kici'an kaba agi.”

RASUL 2:41

Banyak jemau percayau ngan kici'an Pitrus, mangku mintak dibaptis. Gegalau jemau diau percayau aghi itu kekirau tigau ribu ughang.

RASUL 8:14

Rasul-rasul di Yerusalim ndengagh, mbak bansau jemau Samaria nerimau katau Allah, mangku diajungau Pitrus ngan Yuhanis ke situ.

RUM 10:17

Jadi, jemau percayau karnau ndengagh, mangku jemau ndengagh karnau adau diau ngiciakka ceritau Keristustu.

2 KURINTUS 3:18

Mangku di kitauni kina'an keagungan Tuhan, karnau rupu'an kitau nidau tetutup, mangku kitau maju diubai njadi luak Diau. Tamba lamau kitau tamba besinagh karnau keagungan diau asalau jak di Tuhan diautu Rua.

GALATIA 4:14

Masau itu kamu nidau gheging ngan aku, empuak badanku luak itu mangku njadi cubauan batan endak kamu. Anyautu kamu nerimau aku luak nerimau malaikat Allah, luak nerimau Yesus Keristus itula.

KULUSI 1:6

Ceritau iluak jak di Allahtu la tesiar di gegalau deniau, mangku ngenjuakka setu diau iluak ngan jemau. Luak itu pulau kamu, jak kamu empai ndengagh ceritautu senitu ngan nerimau keilu'an Allah ngenian.

IBRANI 4:12

Katau Allahtu bekuasau ngan ngenjuakka idup. Tajamla katautu sangkan pedang bematau duau. Diau nusuak dalam nian endak nceghaika jiwa ngan rua, sendi-sendi ngan beghesi, mangku diau ngeruani serilau ngan rupu'an ati jemau.

IBRANI 4:2

Ceritau iluak itu la dikiciakka ngan kitau luak diau la dikiciakka ngan ughangtu. Anyautu nidau bediau gatiau ceritautu dikiciakka, amun jemau diau ndengaghau nidau percayau.

YAKUBUS 1:18

Nurut kenda'Autula Diau njadika kitau ngan pirmanAu diau benagh. Diau ngerjauka titu, supayau kitau bulia bada diau iluak sekali jak di gegalaunyau diau la dijadikaNyau.

1 PITRUS 1:23

Karnau katau Allah diau idup selelamaunyau kamu la dijadika manusiau empai diau adau ukan karnau manusiau diau ka mati, tapitu karnau Bapak diau selelamaunyau.

1 PITRUS 1:25

anyautu katau Allah tetap selelamaunyau.” Katau itu ceritau iluak diau la dikiciakka ngan kamu.

1 PITRUS 2:2

Luak kupiak diau empai adau maju endak minum, kamu pulau mesti maju aus ngan katau Tuhan diau asli. Ngan carau luak itu kamu ka tumbua ngan diselamatka.

2 PITRUS 3:2

Aku endak, supayau kamu ngingatka kici'an diau la senitu dikiciakka nabi-nabi Allah ngan perinta Tuhan, Rajau Penyelamattu, diau la dikiciakka rasul-rasul ngan kamu.

1 YUHANIS 3:3

Gegalau jemau diau ngaghapka Keristus njagaui diriau, supayau beresia jak di dusau, suci luak Diau pulau.