1 TESALUNIKA 2:12 - PEJANJIAN EMPAI CERITAU ILUAK

¹² Kami ngajagh kamu, neguaka ati kamu ngan ngajung kamu, supayau kamu idup melemakka ati Allah. Karnau Allah ngajak kamu njadi angguta umat Allah ngan ngikut meghasauka keagunganNyau.

1 TESALUNIKA 2:12 ပူးပေါင်းရင်းမြစ်များ

RUM 8:28

Kitau keruan, bansau Allah ngatur gegalaunyau, mangku ngasilka diau iluak batan endak jemau diau nyayangi Diau, jemau diau la dipilia nurut kenda'Au.

RUM 8:30

Luak itula Allah milia ughangtu diau la dulu ditetapkaNyau, mangku ughang diau la dipiliatu pulau la seilu'an ngan Diau. Mangku ughang diau la seilu'antu ka diagungka pulau.

1 KURINTUS 1:9

Allah ka ngerjaukanyau. Diautu pacak dipercayaui nian. Diaula milia kamu njadi seghundak ngan Ana'Au Yesus Keristus, Tuhan kitau.

2 KURINTUS 4:6

Allah la bekatau, “Jak di keleman ka nimbul terang.” Allah itu pulau nimbulka terang di ati kitau, supayau rupu'an kitau njadi terang mangku ngeruani keagungan Allah diau kina'an di dayi Keristus.

GALATIA 5:16

Diau endak kukiciakka ini: Idupla dibimbing Rua Allah, mangku kamu nidau ka nuruti serilau manusiau.

IPISUS 4:1

Itula sebapau, aku sughang kawalan diau dikawalka karnau bekerjau batan endak Tuhan. Mangku aku mintak nian, supayau kamu diau la dipilia Allah idup sesuai ngan piliantu.

IPISUS 5:2

Idupla sangi sayangi luak Keristus nyayangi kitau. Diau la nyeraka nyawauNyau batan endak kitau njadi kerban diau iluak ngan melemakka ati Allah.

IPISUS 5:8

Nyela, senitu kamu idup bekeleman. Mbak kini kamu adau di terang, karnau la njadi umat Tuhan. Karnau itu kamu mesti idup dalam terang.

PILIPI 1:27

Diau penting mbak kini, supayau idup kamu nurut ceritau Keristus itu. Mangku amun aku pacak datang, aku nginak, amun nidau pacak datang, aku ka ndengagh, bansau kamu tegua ngan sesamau bekerjau batan endak sutiak tujuan, diautu batan endak percayau nurut ceritau iluak.

KULUSI 1:10

Mangku kamu pacak idup nurut kendak Allah ngan maju melemakka atiAu, mangku ngan tuapau kila kamu pacak ngerjauka diau iluak ngan tamba ngeruani setu diau benagh ceritau Allah.

KULUSI 2:6

Kamu la nerimau Yesus Keristus njadi Tuhan kamu. Karnau itu kamu mesti idup seghundak ngan Diau

1 TESALUNIKA 4:1

Mangku mbak kini, kantin-kantinku, kami ngajung kamu idup melemakka ati Allah, semegi ngan diau la kami kiciakka ngan kamu senitu. Nyela, kamu la ngerjaukanyau. Anyautu mbak kini ngan kuasau Tuhan Yesus kami ngajung kamu tamba beusaha agi melemakka ati Allah.

1 TESALUNIKA 4:12

Amun kamu ngerjauka titu, kamu nidau tegantung ngan jemau, mangku kamu diregaui jemau diau nidau percayau pulau.

1 TESALUNIKA 5:24

Allah itu setia, Diau milia kamu, mangku Diau pulau ka ngerjaukanyau.

2 TESALUNIKA 1:10

Gegalaunyautu ka tejadi, amun Diau datang nanti endak diagungka umatAu ngan diregaui bilang jemau diau percayau. Kamuni pulau ka temasuak umatAu, karnau kamu percayau ngan ceritau diau kami kiciakka ngan kamu.

2 TIMUTIUS 1:9

Allahtu nyelamatka kitau ngan milia kitau, supayau njadi umatAu. Titu dikerjaukaNyau ukan karnau setu diau kitau kerjauka, tapitu karnau rencanauNyau ngan keilu'anNyau itula. Keilu'anNyautu dienjuakka ngan kitau karnau Yesus Keristus, antak ka deniauni dijadika.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

1 PITRUS 3:9

Jangan mbalas setu diau ja'at ngan ja'at, apu maki ngan maki. Anyautu balaskala ngan mintak setu diau iluak jak di Allah. Karnau batan endak itula kamu dipilia Allah, supayau kamu nerimau setu diau iluak jak di Diau.

1 PITRUS 5:10

Udim kamu sengsarau jerang, mangku Allah ka ndandani kamu. Diau ka ngenjuakka pelapiak diau kuat ngan neguaka ati kamu, karnau Allahtu iluak. Diautu la milia kamu endak seghundak ngan Keristus, mangku kamu meghasauka keagunganNyau diau nidau ka udim-udim.

2 PITRUS 1:3

Allah la makai kuasauNyau endak ngenjuakka ngan kitau gegalaunyau diau kitau enda'au, mangku pacak idup alim. Titu dikerjaukaNyau, karnau kitau keruan Keristus diau la milia kitau endak ngikut meghasauka keilu'an ngan keagunganNyau.

1 YUHANIS 2:6

Jemau diau bekatau, bansau diau idup seghundak ngan Allah, jemautu mesti menau Keristus.

3 YUHANIS 1:6

Ughangtu la ngiciakka ngan jemau Keristen di sini, bansau kaba iluak ngan ughangtu. Tulungla jemau luak itu, mangku diau pacak melajuka pejalanannyau. Ngan carau luak itu kaba melemakka ati Allah.