1 TESALUNIKA 1:6 - PEJANJIAN EMPAI CERITAU ILUAK

⁶ Kamu la menau idup kami ngan idup Tuhan. Empuak kamu sengsarau nian, kamu nerimau ceritau iluak diau kami kiciakkatu ngan riang. Riang itu jak di Rua Allah.

1 TESALUNIKA 1:6 ပူးပေါင်းရင်းမြစ်များ

MATIUS 16:24

Mangku Yesus ngiciak ngan anak-buaHau, katauNyau, “Bilang jemau diau endak ngikut Aku jangan ndalak jalan idup batan endak diau sughang. Diau mesti mikul salipau, mangku maju ngikut Aku.

YUHANIS 8:12

Mangku Yesus bekiciak agi ngan jemau banyaktu, katauNyau, “Akunila terang deniau. Jemau diau ngikut Aku, nidau ka bejalan di keleman, anyautu diau la bulia terang diau ngenjuakka idup.”

RASUL 13:52

Jemau percayau di Antiukia riang nianan ngan dikuasaui Rua Allah.

RASUL 5:41

Rasul itu pegi jak di pengadilantu ngan riang, karnau pantas sengsarau karnau namau Yesus.

RASUL 9:31

Mangku jemau percayau di gegalau Yudia, Galilia ngan Samaria njadi tenang. Rua Allah nulung ughangtu njadi kuat ngan tamba banyak, karnau ughangtu idup takut ngan Tuhan.

RUM 15:13

Allah itu bada kamu buaghap. Aku bedu'a, supayau Allah mbuat ati kamu riang ngan meghasau damai karnau kamu percayau, mangku ngan kuasau Rua Allah kamu ka tamba ngaghapka Diau.

1 KURINTUS 11:1

Penaula aku, luak aku pulau menau Keristus.

1 KURINTUS 11:2

Aku endak muji kamu, karnau kamu maju ngingatka ngan nuruti ajaghan diau la kuajaghka ngan kamu.

1 KURINTUS 4:16

Karnau itu aku ngajung kamu menau aku.

2 KURINTUS 6:10

Empuak dimadakka, kami maju riang. Empuak kami serik, kami mbuat banyak jemau kayau. Empuak kami nidau bediau tuapau-apau, kami adau gegalaunyau.

2 KURINTUS 8:5

Ughangtu ngenjuak lebia jak di kami aghapka. Ughangtu nyeraka diriau kudai ngan Allah, mangku pulau ngan kami karnau kendak Allah.

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

IPISUS 5:1

Kamu la njadi anak Allah diau disayangiNyau. Karnau itu penaula Diau.

PILIPI 3:17

Kantin-kantinku, penaula aku. Kami la ngenjuakka penauan diau iluak. Karnau itu ikutkala jemau diau menau kami.

2 TESALUNIKA 1:4

Itula sebapau kami muji kamu di guak jemau Keristen. Riang nian kami nceritauka kamu, karnau kamu maju percayau ngan tekun ngan Keristus, empuak kamu diluatka ngan dianiayau.

2 TESALUNIKA 3:7

Kamutu keruan, kamu mesti menau carau kami. Kami nidau malas, masau kami adau di guak kamu.

2 TESALUNIKA 3:9

ukanau karnau kami nidau behak mintak tulung ngan kamu, anyautu kami endak njadi penauan batan endak kamu.

2 TIMUTIUS 4:2

kiciakkala katau Allah. Kaba maju ngerjaukanyau, empuak masau iluak empuak masau nidau iluak. Yakinkala jemau, tunjuakkala setu diau sala, tegughila ngan ngajaghila jemau ngan ngaligh.

IBRANI 10:34

Kamu ngikut meghasauka kemada'an jemau diau dijilka. Masau gegalau retau kamu diambiak jemau, kamu maju riang, karnau kamu keruan, kamu adau setu diau lebia iluak agi diau ka ta'an selelamaunyau.

1 PITRUS 1:6

Itula sebapau kamu mesti riang, empuak mbak kini kamu madak karnau banyak cubauan.

1 PITRUS 1:8

Empuak kamu nidau kekela ngina'Au, kamu nyayangiNyau. Empuak mbak kini pulau kamu nidau ngina'Au, kamu percayau ngan Diau. Mangku kamu riang ngan injiak nianan, nidau pacak dikiciakka agi.

1 PITRUS 3:13

Sapau diau endak mbuat ja'at ngan kamu, amun kamu maju mbuat diau iluak?

3 YUHANIS 1:11

Kantinku diau kusayangi. Jangan menau diau ja'at. Penaula diau iluak. Jemau diau bebuat iluak asalau jak di Allah. Jemau diau bebuat ja'at nidau ngeruani Allah.