1 TESALUNIKA 1:5 - PEJANJIAN EMPAI CERITAU ILUAK

⁵ Kami ngiciakka ceritau iluak itu ngan kamu ukan ngan katau ajau, tapitu pulau ngan kuasau Rua Allah. Kami percayau nian ceritau iluak itu benagh. Kamu keruan, luak manau kami idup guak kamu batan endak nulung kamu.

1 TESALUNIKA 1:5 ပူးပေါင်းရင်းမြစ်များ

MARKUS 16:20

Mangku anak-buaHautu pegi ngiciakka ceritau iluaktu ke manau-manau. Mangku Tuhan ngenjuakka kuasau ngan ughangtu ngerjauka titu. Ngan tandau nyelia Diau mbuktika, bansau setu diau dikiciakka ughangtu benagh.]

LUKAS 1:1

Tiupilus diau diregaui. Banyak jemau la nulis ceritau diau la tejadi guak kitau.

RASUL 11:21

Kuasau Tuhan adau di ughangtu, mangku banyak jemau njadi percayau ngan ta'at ngan Tuhan.

RASUL 16:14

Adau sughang jak di tinautu, namaunyau Lidia, asalau jak di Tiatira. Diautu tukang dagang kain ungu diau besak regaunyau. Diautu nyemba Allah. Tuhan mbukakka atiau, mangku diau nerimau kici'an Paulus,

RASUL 2:33

Diau diangkat Allah di sebela kananAu, mangku nerimau Rua Allah diau la dijanjika Bapak. Mangku setu diau la kapu dighi dengagh ngan kinak mbak kini, itu Rua Allah diau la dienjuakka ngan kami.

RUM 1:16

Aku percayau nian ceritau iluak itu, karnau di ceritau iluaktu adau kuasau Allah diau nyelamatka gegalau jemau diau percayau, jemau Yahudi kudai, mangku jemau bangsau lain pulau.

RUM 15:13

Allah itu bada kamu buaghap. Aku bedu'a, supayau Allah mbuat ati kamu riang ngan meghasau damai karnau kamu percayau, mangku ngan kuasau Rua Allah kamu ka tamba ngaghapka Diau.

RUM 2:16

Nurut ceritau iluak diau kukiciakkatu, gegalaunyau ka tejadi nanti masau aghi itu, amun Allah ngajung Yesus Keristus ngukum gegalaunyau diau tebuni dalam ati jemau.

1 KURINTUS 1:24

Batan endak jemau diau la dipilia Allah, empuak jemau Yahudi empuak jemau ukan Yahudi, ceritau itu nyatauka kuasau Allah ngan pengertian Allah.

1 KURINTUS 10:33

Idupla luak aku. Aku beusaha endak melemakka ati gegalau jemau ngan carau luak manau kila, ukan batan endak kepentingan akunila, tapitu supayau banyak jemau diselamatka.

1 KURINTUS 3:16

Keruan ngan kamu, bansau kamu ghuma Allah? Mangku kamu bada Rua Allah.

1 KURINTUS 3:6

Aku nanam, Apulus ngayi'inyau, anyautu Allah itu diau numbuakanyau.

1 KURINTUS 4:20

Karnau amun Allah njadi rajau dalam idup sughang jemau, titu dikeruani ngan kerjaunyau ukan ngan kici'annyau ajau.

1 KURINTUS 9:14

Luak itu pulau Tuhan la netapka, bansau jemau diau ngiciakka ceritau iluak pantas bulia pengidupan jak di kerjaunyautu.

2 KURINTUS 3:6

Diautu pulau mbuat kami sanggup bekerjau batan endak Allah nurut janji empai. Janjitu tegantung ngan Rua Allah ukan ngan ukum diau tetulis. Karnau diau ditulistu mbatak mati, tapitu Rua Allah ngenjuakka idup.

GALATIA 2:2

Aku pegi ke Yerusalim, karnau Allah la nyatauka ngan aku, bansau aku mesti pegi. Aku betemu ngan pengulu-pengulu jemau Keristen di situ, mangku aku ngiciakka ceritau iluak diau kukiciakka ngan jemau bangsau lain, supayau jangan kerjauku empuak senitu empuak mbak kini nidau bediau retiau.

GALATIA 5:5

Anyautu kaminila ngaghapka, bansau kami ka dibenaghka Allah, karnau Rua Allah nulung kami percayau ngan Keristus.

IPISUS 2:10

Kitauni buatan Allah, mangku karnau seghundak ngan Keristus, kitau dijadika endak ngerjauka setu diau iluak diau la disediaukaNyau sebelumau, supayau kitau ngerjaukanyau.

IPISUS 3:20

karnau kuasau Allah bekerjau dalam ati kitau. Banyak tegalau dikerjauka Allah sangkan diau pacak kitau du'aka ngan rupuakka.

PILIPI 2:13

Allahtu maju bekerjau dalam ati kamu, mangku kamu sukau ngan pacak ngerjauka kenda'Au.

PILIPI 4:9

Kerjaukala setu diau la kamu pelajaghi ngan terimau jak di aku, diau kamu dengagh ngan diau kamu kinak di aku. Mangku Allah diau ngenjuakka damai ka adau guak kamu.

KULUSI 2:2

Aku ngerjauka titu, supayau ughangtu diteguaka ngan sangi sayangi, mangku ughangtu besatu. Ngan carau luak itu ughangtu ngerti nian ngan yakin ngan ngeruani resiau Allah, diautu Keristus.

1 TESALUNIKA 2:13

Adau semecam agi diau mbuat kami beterimau-kasia ngan Allah. Masau kami ngiciakka ngan kamu ceritau jak di Allah, kamu ndengagh ngan nerimau ceritautu, ukan luak kici'an manusiau, tapitu luak ceritau jak di Allah. La nyela nian katau Allah. Diautu dang bekerjau dalam ati kamu diau percayau.

2 TESALUNIKA 2:14

Batan endak itula kamu diajak karnau ceritau iluak diau la kami kiciakka ngan kamu, mangku kamu ngikut meghasauka keagungan Yesus Keristus, Tuhan kitau.

2 TIMUTIUS 2:10

Itula sebapau aku nanggungka gegalaunyautu ngan ngaligh batan endak jemau diau dipilia Allah, mangku ughangtu pulau pacak diselamatka Yesus Keristus ngan meghasauka keagunganNyau selelamaunyau.

2 TIMUTIUS 2:8

Ingatkala ceritau Yesus Keristus, pengadau Daud, diau la idup agi jak di mati luak ceritau iluak diau kukiciakkatu.

IBRANI 10:22

Karnau itu mela kitau ngadap Allah ngan ati diau sebenagh-benaghau ngan maju percayau, karnau ati kitau la diberesiaka jak di sala kitau, badan kitau la dibasua ngan ayiak diau beresia.

IBRANI 6:11

Kami endak supayau bilang kamu maju ngerjaukanyau nian enggut mati, mangku kamu ka nerimau setu diau kamu aghapkatu.

1 PITRUS 1:12

Ngan nabi-nabi itu la dikiciakka, bansau setu diau ughangtu kerjauka ukan batan endak kepentingan ughangtula, tapitu batan endak kamu. Setu diau kamu dengagh mbak kini jak di jemau diau ngiciakka ceritau iluak nceritauka Yesus Keristus. Ughangtu ngiciakka itu ngan kamu ngan kuasau Rua Allah diau dienjuakka jak di sergau. Malaikat-malaikat pulau endak ngeruani ceritau diau dikiciakka ughangtu.

1 PITRUS 1:3

Mela kitau beterimau-kasia ngan Allah, Bapak Tuhan kitau Yesus Keristus! Diau nyayangi kitau nian. Karnau itu Diau ngenjuakka ngan kitau idup diau empai ngan carau ngidupka Yesus Keristus jak di mati, mangku kitau adau aghapan diau tetap.

1 PITRUS 5:3

Jangan pulau nguasaui jemau diau dipercayauka ngan kamu. Anyautu jadila penauan batan endak ughangtu.

2 PITRUS 1:10

Karnau itu, kantin-kantinku, beusahala nian, supayau pilian Allah di kamu tamba tegua. Amun kamu ngerjauka titu, kamu nidau ka ngelipat.

2 PITRUS 1:19

Itula sebapau kami tamba percayau nian ngan katau Allah diau la diceritauka nabi. Alaka ilu'au, amun kamu meratika katau itu, karnau katautu luak lampu diau besinagh di bada diau keleman enggut aghi siang ngan luak bintang timur besinagh dalam ati kamu.