1 TESALUNIKA 1:10 - PEJANJIAN EMPAI CERITAU ILUAK

¹⁰ Ughangtu ngiciakka pulau ceritau kamu ngaghapka Anak Allah datang jak di sergau, diautu Yesus diau la diidupka Allah jak di mati. Yesus itula diau nyelamatka kitau jak di mara Allah diau ka datangtu.

1 TESALUNIKA 1:10 ပူးပေါင်းရင်းမြစ်များ

MATIUS 1:21

Diau ka melahirka sughang anak lanang. Budak keciak itu mesti kaba namauka Yesus, karnau Diau ka nyelamatka umatAu jak di dusaunyau.”

MATIUS 16:27

Karnau Anak Manusiau ka datang agi nanti ngan kuasau Bapa'Au, dikantini malaikat-malaikatAu. Masau itu Diau ka mbalas bilang jemau nurut kerjaunyau.

MATIUS 16:28

Keruanila, jak di kamuni di sini adau diau nidau ka mati, amun lum nginak Anak Manusiau datang luak rajau.”

MATIUS 3:7

Banyak pulau jemau Parisi ngan jemau Saduki datang endak dibaptis. Anyautu satu nginak ughangtu datang, Yuhanis bekatau, “Ui, kamutu jemau ja'at luak ulagh. Sapau diau ngiciakka, bansau kamu pacak lepas jak di ukuman Allah diau ka datangtu?

LUKAS 2:25

Di Yerusalim adau sughang diau benamau Simiun. Diau jemau iluak lagi ta'at ngan Allah. Diau dang nungguka masaunyau Allah endak nyelamatka jemau Israil. Rua Allah nyertaui diau.

LUKAS 3:7

Banyak jemau datang mintak dibaptiska, mangku Yuhanis ngiciak ngan ughangtu, kataunyau, “Ui, kamuni jemau ja'at luak ulagh! Sapau ngiciak ngan kamu pacak ngilakka jak di ukuman Allah nanti?

RASUL 1:11

sampai bekatau, “Ui jemau Galilia, ngapau kamu ncungak ke langit? Yesus ini diau kamu kina'i tuangkat ke sergautu, ka ngulang agi ngan carau luak diau la kamu kina'i tadi.”

RASUL 17:31

Diau la netapka aghi endak ngadili deniau ini ngan adil. Titu ka dikerjauka Sughang diau dipilia Allah. Mangku Allah la mbuktika titu ngan ngidupka Jemau itu jak di mati.”

RASUL 2:24

Anyautu Allah ngidupka Diau jak di mati, dilepaskaNyau jak di sengsarau maut, karnau nidau ka adau Diau maju dalam kuasau mauttu.

RASUL 2:32

Yesus itula diau Allah idupka agi jak di mati. Kami gegalaunyau la ngina'au nian ngan ngiciakkanyau.

RASUL 3:15

Luak itula kapu dighi mbunua Diau, awuak Diautu pacak ngenjuakka idup nian ngan jemau. Allah la ngidupka Diau jak di mati. Kamini la ngina'Au mangku ngiciakkanyau.

RASUL 3:21

Diau mesti mendam di sergau, enggut gegalaunyau dijadika empai, luak la dikiciakka Allah ngan nabiAu diau beresia senitu.

RASUL 4:10

Kapu dighi ngan bangsau kitau pulau mesti keruan galau, bansau jemau ini ghadu karnau kuasau Yesus Keristus, jemau Nasarit itu. Yesus itu diau la kapu dighi pakuka di kayu salip la diidupka Allah jak di mati.

RUM 2:7

Jemau diau maju ngerjauka diau iluak ngan ndalak setu diau dipuji ngan diregaui ngan ta'an selelamaunyau ka dienjuakkaNyau idup selelamaunyau.

RUM 4:25

Yesustu diseraka ngan dibunua karnau dusau kitau, mangku Diau diidupka agi, supayau kitau pacak ngulang seilu'an ngan Allah.

RUM 8:34

Apu adau diau pacak nyalaka ughangtu? Nidau bediau! Yesus Keristus la mati, tapitu la diidupka agi jak di mati, la duduak di sebela kanan Allah, mangku Diautu ka mbenaghka ughangtu.

1 KURINTUS 1:7

Mangku kamu nidau kurang tuapau-apau pengenjuak Rua Allah, penarau kamu nunggu Tuhan kitau Yesus Keristus datang agi.

GALATIA 3:13

Keristus mbibaska kitau jak di dawaian ukum Taurattu. Diau ngerjauka titu ngan ngenangka diriAu didawaika karnau kitau. Karnau di Injil ditulis, “Jemau diau mati digerintungka di kayu didawaika.”

PILIPI 3:20

Anyautu kitauni jemau diau behak di sergau. Jak di situla pulau kitau nantika ngan ghindu nian ngan Tuhan Yesus Keristus, Rajau Penyelamat kitau.

KULUSI 1:18

Diautu kepalak jemau Keristen. Diautu anak tuau diau dulu sekali ngulang idup jak di mati, mangku pentingla Diau sangkan gegalaunyautu.

1 TESALUNIKA 1:7

Ngan carau itu kamu njadi penauan batan endak gegalau jemau Keristen di Makedunia ngan Akaya.

1 TESALUNIKA 2:16

Lagi ughangtu endak ngalang-ngalangi kami ngiciakka ngan jemau ukan Yahudi ceritau diau pacak nyelamatka ughangtu. Ngan carau luak itu jemau Yahuditu maju namba dusaunyau enggut genap mecamau. Mangku mbak kini ughangtu ditimpau mara Allah.

1 TESALUNIKA 2:7

Anyautu ati kami iluak, masau kami guak kamu, luak enduak ngasua ana'au.

1 TESALUNIKA 5:9

Karnau Allah milia kitau ukan batan endak ditimpau mara, tapitu batan endak diselamatka karnau Tuhan kitau Yesus Keristus.

2 TIMUTIUS 4:1

Yesus Keristus ka datang agi ke deniau endak ngadili jemau diau idup ngan diau mati. Diau ka datang endak merinta luak rajau. Karnau itu aku mintak nian ngan kaba di adapan Allah ngan Yesus Keristus,

TITUS 2:13

Mbak kini kitau dang nungguka aghi diau meriangka diau kitau ngaghapka itu. Aghitu deniau ka nginak keagungan Allah diau Mahabesak ngan Yesus Keristus, Rajau Penyelamat kitau.

IBRANI 10:27

Diau adau batan endak jemau itu ukuman Allah diau nakutka ngan api besak kematila diau mutungka jemau diau melawan Allah.

IBRANI 9:28

Luak itu pulau Keristus ngerbanka diriAu cuman sekali ajau endak ngabiska dusau banyak jemau. Mangku Diau ka datang agi ukan endak nanggungka dusau agi, tapitu endak nyelamatka jemau diau nunggu Diau datang.

1 PITRUS 1:21

Karnau Diau kamu percayau ngan Allah diau la ngidupkaNyau jak di mati ngan ngagungkaNyau, mangku kamu percayau ngan ngaghapka Allah itula.

1 PITRUS 1:3

Mela kitau beterimau-kasia ngan Allah, Bapak Tuhan kitau Yesus Keristus! Diau nyayangi kitau nian. Karnau itu Diau ngenjuakka ngan kitau idup diau empai ngan carau ngidupka Yesus Keristus jak di mati, mangku kitau adau aghapan diau tetap.

1 PITRUS 2:21

Batan endak itula kamu la dipilia Allah, karnau Keristus la sengsarau batan endak kamu mangku njadi penauan batan endak kamu, supayau kamu ngikut carauNyau.

1 PITRUS 3:18

Keristustu mati sekali batan endak dusau manusiau, jemau diau nidau besala batan endak jemau besala. Keristus ngerjauka titu, supayau Diau pacak mbimbing kamu njenguak Allah. Diautu la dibunua masau njadi manusiau, tapitu la diidupka agi nurut rua.

2 PITRUS 3:12

semasau kamu nunggu ngan beusaha Tuhan cepat datang. Masau itu langit ka abis mutung, deniau ka ancur karnau angatau.

2 PITRUS 3:14

Karnau itu, kantin-kantinku diau kusayangi, penarau nantika gegalaunyautu, beusahala nian, supayau kamu idup beresia ngan nidau becacat di adapan Allah ngan maju idup damai ngan Allah.

PENGINA'AN 1:18

Akunila idup. Aku la mati, anyautu kina'ila akuni idup selelamaunyau. Akuni megang kunci kematian ngan bada rua jemau mati.

PENGINA'AN 1:7

Kina'ila, Diau datang ngan aban! Gegalau matau ka nginak Diau ngan pulau jemau diau la nuja ngan mbunua Diau ngan gegalau bangsau diau adau di deniauni ka nangis berandaian karnau Diau. Nyela nian, amin!