1 PITRUS 5:9 - PEJANJIAN EMPAI CERITAU ILUAK

⁹ Lawanla diau ngan percayau nian ngan Keristus, karnau kamu keruan kantin kamu diau percayau di gegalau deniau sengsarau semegi ngan kamu.

1 PITRUS 5:9 ပူးပေါင်းရင်းမြစ်များ

LUKAS 22:32

Anyautu Aku la bedu'a batan endak kaba, supayau kaba jangan ninggalka Aku. Mangku amun kaba la ngulang ngikut Aku, kaba mesti nguatka kantin-kantin kaba.”

YUHANIS 16:33

Gegalaunyautu Kukiciakka ngan kamu, mangku kamu tenang sempernau, karnau seghundak ngan Aku. Di deniau kamu ka sengsarau, anyautu beghanikala ati kamu. Aku la ngalaka deniau.”

RASUL 14:22

Di kuta itu duau rasultu neguaka ati jemau diau percayau ngan Yesus ngan ngajung ughangtu, supayau maju percayau. Rasultu bekatau, “Kitau mesti sengsarau kudai, mangku kitau pacak njadi angguta umat Allah.”

1 KURINTUS 10:13

Amun kamu dicubaui, ingatkala, bansau jemau lain pulau meghasaukanyau luak itu. Allah nepati janjiau. Diau nidau ngenangka kamu dicubaui lebia jak di kekuatan kamu. Masau kamu dicubaui, masau itu pulau Diau ngenjuakka jalan keluagh ngan kamu ngan neguaka kamu mangku pacak ta'an.

IPISUS 4:27

mangku iblis nidau pacak mbuat kamu bedusau.

IPISUS 6:16

Pakaila iman kamu njadi penangkis. Ngan imantu kamu pacak madamka pana buapi jak di iblis.

KULUSI 2:5

Empuak aku jawua ngan kamu, rupu'anku guak kamu. Aku riang nginak kamu suati ngan tegua percayau ngan Keristus.

1 TESALUNIKA 3:3

supayau nidau sughang kia jak di kamu ngelipat karnau sengsarau kitau ini. Kamu la keruan, bansau sengsarautu adau dalam rencanau Allah batan endak kitau.

1 TIMUTIUS 6:12

Bejuangla nian batan endak setu diau kaba percayaui, mangku kaba dapat upa idup selelamaunyau. Batan endak itula Allah milia kaba, masau kaba ngaku'i di mukau jemau banyak, bansau kaba percayau nian.

2 TIMUTIUS 3:12

Nyela, bilang jemau diau endak idup ta'at ngan Allah ngan idup seghundak ngan Yesus Keristus ka dianiayau.

2 TIMUTIUS 4:7

Aku la ngikut tandingan ngan iluak, la sampai ke batasau. Aku maju percayau ngan Keristus.

IBRANI 11:33

Karnau percayau, mangku ughangtu la ngalaka rajau-rajau. Ughangtu ngerjauka setu diau benagh, mangku nerimau setu diau dijanjika. Adau diau nukup mulut setuau.

IBRANI 12:8

Amun kamu nidau diajagh luak gegalau anak lain, bereti kamu ukan ana'Au nian, tapitu luak anak kampang.

YAKUBUS 4:7

Karnau itu tunduakla ngan Allah ngan lawanla Iblis, mangku diau ka larat jak di guak kamu.

1 PITRUS 1:6

Itula sebapau kamu mesti riang, empuak mbak kini kamu madak karnau banyak cubauan.

1 PITRUS 2:21

Batan endak itula kamu la dipilia Allah, karnau Keristus la sengsarau batan endak kamu mangku njadi penauan batan endak kamu, supayau kamu ngikut carauNyau.

1 PITRUS 3:14

Anyautu amun nyela kamu sengsarau karnau ngerjauka setu diau iluak, riangla kamu. Jangan kamu takut ngan sapau kila, jangan ghegak.

1 PITRUS 4:13

Anyautu kamu mesti riang, karnau kamu ngikut sengsarau ngan Keristus. Mangku kamu pulau ngikut riang nian, amun keagunganNyau diancakka nanti.

PENGINA'AN 1:9

Aku Yuhanis, kantin kamu diau semegi nanggungau luak diau dighasauka bilang anak-bua Keristus. Kitauni maju ta'an sengsarau karnau njadi umatAu. Aku dicapakka ke pulau Patmus, karnau aku ngiciakka katau Allah ngan ngiciakka Yesus Keristus.

PENGINA'AN 6:11

Ughangtu padau sughang dienju'i selambagh baju putia mangku dikiciakka ngan ughangtu, bansau ughangtu mesti gheghadu dikit agi, enggut genap itungan kantinau sekerjau diau ka dibunua pulau luak ughangtu.

PENGINA'AN 7:14

Katauku, “Tuan, aku nidau keruan. Dighitu ngeruaninyau.” Mangku diau bekiciak agi, “Ughangni jemau diau la beta'an di masau penanggungan diau beghat nian. Ughangni la nesa bajuau njadi putia ngan dagha Anak Bebiritu.