1 PITRUS 5:5 - PEJANJIAN EMPAI CERITAU ILUAK

⁵ Luak itu pulau kamu diau gi mudau, tunduakla ngan jemau tuau, mangku gegalau kamu sangi tulungila ngan nganggap jemau lain lebia penting. Karnau di Injil ditulis luak ini, “Allah melawan jemau geduak, tapitu nyayangi jemau ngensian.”

1 PITRUS 5:5 ပူးပေါင်းရင်းမြစ်များ

LUKAS 22:26

Kamu jangan luak itu. Anyautu jemau diau penting sekali jak di kamu mesti njadi luak jemau diau mudau sekali, mangku pengulu mesti njadi luak anak-bua.

RUM 12:10

Kamu mesti sangi sayangi luak jemau duau beghading, simbang-cepat sangi regaui.

RUM 13:14

Enangka Tuhan Yesus Keristus njagaui kamu. Jangan nuruti serilau manusiau diau bedusau, jangan muaskanyau.

IPISUS 5:21

Kamu mesti sangi ta'ati. Ngan carau luak itula kamu meregaui Keristus.

PILIPI 2:3

Jangan bekerjau ndalak kepentingan diri kamu ngan mintak dipuji. Anyautu kamu mesti ngensian ngan nganggap pentingla jemau sangkan kamu.

KULUSI 3:12

Kamutu la njadi umat Allah. Kamu la dipilia njadi ha'Au ngan disayangiNyau. Karnau itu kamu mesti sial, iluak, ngaligh, ngensian, jangan geduak, jangan kejam.

1 TIMUTIUS 5:1

Jangan kaba marai jemau diau la tuau, tapitu tegughi diau luak bak kaba. Tegughila jemau mudau luak denga-sanak kaba,

IBRANI 13:17

Ta'ati pengulu kamu ngan tunduak ngan ughangtu, karnau ughangtu maju njagaui kamu ngan nanggung-jawabkanyau ngan Allah. Amun kamu ta'at, ughangtu pacak bekerjau ngan riang. Amun nidau, ughangtu bekerjau ngan dayi mangut, mangku carautu nidau nulung kamu.

YAKUBUS 4:6

Empuak luak itu besakla sayang Allah ngan kitau. Itula sebapau di Injil ditulis, “Allah melawan jemau diau geduak, tapitu nyialka jemau diau ngensian.”

1 PITRUS 3:8

Mangku kamu mesti suijauan ngan semegi peghasauan. Sangi sayangila kamu luak jemau duau beghading, mangku sangi sialka kamu ngan jangan sangi gedu'i.

1 PITRUS 4:1

Keristus sengsarau di kayu salip. Karnau itu kamu pulau mesti berupuak luak Diau, karnau jemau diau sengsarau di deniauni nidau endak agi ngerjauka dusau.

1 PITRUS 4:5

Ughangtu nanti mesti nanggung-jawabka kerjau ughangtu ngan Allah diau la nunggu endak ngadili jemau diau idup ngan diau mati.