1 PITRUS 4:7 - PEJANJIAN EMPAI CERITAU ILUAK

⁷ Gegalaunyau laka bekesudiman. Karnau itu kamu mesti nguasaui diri kamu ngan sepepadau, supayau kamu pacak bedu'a.

1 PITRUS 4:7 ပူးပေါင်းရင်းမြစ်များ

MATIUS 24:42

Sepepadaula, karnau kamu nidau keruan, kebilau Tuhan datang.

MATIUS 25:13

Mangku Yesus ngudimi ceritauNyau luak ini, “Karnau itu, kamu mesti bejagau-jagau, karnau kamu nidau keruan aghiau ngan masaunyau.”

LUKAS 21:34

“Sepepadaula, jangan kamu banyak merupuakka kerjau deniauni, jamu-jamuan ngan memabu'an, mangku aghi Tuhan jangan ndatangi kamu endiak keruan. Karnau luak kenau perangkap,

LUKAS 21:36

Sepepadaula ngan maju bedu'a, mangku kamu kuat ngadapi gegalaunyau diau ka tejaditu, mangku kamu pacak ngadap Anak Manusiau.”

LUKAS 22:46

Mangku Yesus ngiciak ngan ughangtu, katauNyau, “Ngapau kamu tiduak? Bangunla, bedu'ala, supayau kamu jangan bedusau, amun dicubaui.”

RUM 12:12

Aghapkala Tuhan ngan riang. Amun adau penanggungan, ngalighla ngan maju bedu'a.

1 KURINTUS 15:24

La udim itu kiamat. Masau itu Keristus ka nunduakka gegalau pemerintahan ngan kuasau ngan kekuatan, mangku Diau ka nyeraka kuasauNyau njadi rajau ngan Allah Bapak.

1 KURINTUS 7:29

Maksudku luak ini: Masaunyau la pandak. Mangku mulai mbak kini jemau diau bebunting mesti idup luak nidau bebunting.

IPISUS 6:18

Kerjaukala gegalaunyautu sampai bedu'a mintak tulung ngan Allah. Di gegalau kerjau kamu bedu'ala luak Rua Allah mimpin kamu. Kamu mesti maju siagau ngan jangan nyera. Du'akala maju gegalau umat Allah.

PILIPI 4:5

Keilu'an kamu mesti dikeruani gegalau jemau. Tuhan la damping.

KULUSI 4:2

Bedu'ala maju ngan sepepadau penarau bedu'a ngan beterimau-kasia ngan Allah.

2 TIMUTIUS 4:5

Empuak luak itu kaba mesti nguasaui diri, empuak luak manau kila. Tanggungkala ngan ngaligh. Kerjaukala tugas kaba endak ngiciakka ceritau iluak jak di Allah. Kerjaukala titu iluak-iluak batan endak Allah.

TITUS 2:12

Keilu'antu ngajagh kitau, supayau kitau nidau agi idup belawanan ngan Allah ngan nidau agi nuruti serilau deniau. Kitau diajagh, supayau kitau idup di deniau ini na'an diri, jujur ngan takut ngan Allah.

IBRANI 10:25

Mela kitau rajin betunggal endak sembayang, jangan kitau malas luak bebeghapau jemau. Mela kitau sangi ingatka ngan tamba rajin ngerjaukanyau, karnau nidau lamau agi Tuhan ka datang.

IBRANI 9:26

Misalau Keristus semegi ngan imam besak tadi, bereti jak deniau dijadika Diau mesti rajin sengsarau. Anyautu tenyatau mbak kini masau pengabisan ini Diau datang sekali ajau endak ngabiska dusau ngan carau ngerbanka diriAu.

1 PITRUS 1:13

Karnau itu kamu mesti rupuakka kudai setu diau endak dikerjauka. Sepepadaula ngan aghapkala nian setu diau ka dienjuakka ngan kamu, masau Yesus Keristus datang nanti.

1 PITRUS 3:7

Mangku kamu pulau diau njadi laki, kamu semestiau idup ngan bini kamu ngan jagau, bansau diautu jemau nidau kuat. Regauila diau, karnau diau pulau luak kamu ka dienjuakka Allah idup selelamaunyau. Kerjaukala itu, mangku nidau bediau diau ngalangi du'a kamu.

1 PITRUS 5:8

Sepepadaula ngan maju siap-siagau, karnau Iblis musua kamu. Diau luak setuau bejalan ghatau sampai ngaum endak ndalak mangsaunyau.

PENGINA'AN 16:15

“Kina'ila, aku datang luak pemaling. Riangla jemau diau maju siagau ngan maju meratika kain bajuau, mangku jangan bejalan telanjang ngan nidau maluan di mukau jemau.”