1 PITRUS 3:9 - PEJANJIAN EMPAI CERITAU ILUAK

⁹ Jangan mbalas setu diau ja'at ngan ja'at, apu maki ngan maki. Anyautu balaskala ngan mintak setu diau iluak jak di Allah. Karnau batan endak itula kamu dipilia Allah, supayau kamu nerimau setu diau iluak jak di Diau.

1 PITRUS 3:9 ပူးပေါင်းရင်းမြစ်များ

MATIUS 19:29

Jemau diau ninggalka ghumahau, ading-beghadingau, pejadiau, anak-ana'au ngan umaunyau karnau Aku, jemautu ka nerimau agi lipat gandau, mangku diau ka nerimau idup selelamaunyau.

MATIUS 25:34

Mangku Rajau itu ka bekatau ngan ughang di sebela kananAu, ‘Mela, kamu diau disayangi BapakKu. Masuakla ke bada diau disediauka batan endak kamu jak deniau adau.

MATIUS 5:39

Anyautu mbak kini Aku bekatau ngan kamu: Jangan mbalas jemau diau bebuat ja'at ngan kamu. Amun jemau nampagh pelipisan kanan kamu, ngenjuakka pulau pelipisan kidau.

MATIUS 5:44

Anyautu mbak kini Aku bekatau ngan kamu: Sayangila musua kamu ngan du'akala jemau diau meluatka kamu.

MARKUS 10:17

Yesus endak bejalan agi, mangku adau jemau diau belaghi njenguak Diau. Jemautu nunduak di adapanNyau, mangku betanyau ngan Diau, “Pak Guru diau iluak, tuapau diau mesti kukerjauka, mangku aku bulia idup selelamaunyau?”

LUKAS 10:25

Mangku adau sughang guru ukum Taurat datang endak nguji Yesus ngan betanyau, “Guru, tuapau diau mesti kukerjauka, mangku bulia idup selelamaunyau?”

LUKAS 18:18

Adau sughang pengulu jemau Yahudi, diau betanyau ngan Yesus, kataunyau, “Pak Guru diau iluak, tuapau diau mesti kukerjauka, mangku bulia idup selelamaunyau?”

RUM 12:14

Mintak ngan Allah setu diau iluak batan endak jemau diau meluatka kamu, du'akala, jangan didawaika.

RUM 12:17

Jangan balaska ja'at ngan ja'at. Kerjaukala diau dianggap gegalau jemau iluak.

RUM 8:28

Kitau keruan, bansau Allah ngatur gegalaunyau, mangku ngasilka diau iluak batan endak jemau diau nyayangi Diau, jemau diau la dipilia nurut kenda'Au.

RUM 8:30

Luak itula Allah milia ughangtu diau la dulu ditetapkaNyau, mangku ughang diau la dipiliatu pulau la seilu'an ngan Diau. Mangku ughang diau la seilu'antu ka diagungka pulau.

GALATIA 3:14

Yesus Keristus ngerjauka titu, supayau keilu'an Allah diau dijanjikaNyau ngan Abrahamtu dienjuakka pulau ngan jemau ukan Yahudi. Ngan carau luak itu gegalau kitau diau percayau nerimau Rua diau dijanjika Allah.

IPISUS 4:32

Anyautu kamu mesti iluak, sial, sangi sayangi ngan sangi ma'apka luak Allah ngampuni kamu karnau Keristus.

1 TESALUNIKA 5:15

Jangan enangka jemau mbalas keja'atan ngan ja'at. Anyautu beusahala maju bebuat iluak sughang ngan diau lain ngan gegalau jemau.

IBRANI 12:17

Kamu keruan, bansau udim itu diau endak didu'aka luak anak tuau, anyautu ditulak, nidau bediau agi jalan endak ngilu'i salahau, empuak mintak sampai nangis.

IBRANI 6:14

Diau bekiciak, “Aku bejanji endak iluak nianan ngan kaba ngan njadika pengadau kaba banyak nian.”

1 PITRUS 5:10

Udim kamu sengsarau jerang, mangku Allah ka ndandani kamu. Diau ka ngenjuakka pelapiak diau kuat ngan neguaka ati kamu, karnau Allahtu iluak. Diautu la milia kamu endak seghundak ngan Keristus, mangku kamu meghasauka keagunganNyau diau nidau ka udim-udim.