1 PITRUS 3:20 - PEJANJIAN EMPAI CERITAU ILUAK

²⁰ diautu rua jemau diau nidau ta'at ngan Allah timpau Nua. Masau itu Allah nunggu ngan ngaligh, masau Nua mbuat kapalau. Cuman jemau diau adau di kapaltu, gegalaunyau delapan ughang, diau diilakka karnau ayiak merampus.

1 PITRUS 3:20 ပူးပေါင်းရင်းမြစ်များ

MATIUS 7:14

Anyautu duaghau ngan jalan diau nuju idup supit ngan segau, mangku cuman dikit jemau diau ndapatkanyau.”

LUKAS 12:32

“Nidau nanti penakut, ui kamu diau dikit jemaunyau, karnau Bapak kamu riang njadika kamu rajau luak Diau.

RASUL 2:41

Banyak jemau percayau ngan kici'an Pitrus, mangku mintak dibaptis. Gegalau jemau diau percayau aghi itu kekirau tigau ribu ughang.

RUM 9:22

Luak itu pulau Allah endak nunjuakka maraHau ngan nyatauka kuasauNyau. Anyautu Diau ngaligh nian ngan jemau diau mesti diukum ikak mbuat Diau mara.

IPISUS 5:26

Diau ngerjauka titu endak mberesiaka ughangtu ngan ajaghanNyau ngan ayiak baptisan, mangku pacak diseraka ngan Allah.

IBRANI 11:7

Karnau percayau, mangku Nua nerimau petunjuak jak di Allah ceritau setu diau ka jerang agi tejadi diau lum kina'an. Nuatu ta'at ngan Allah, mangku diau mbuat sebua kapal besak endak nyelamatka diriau ngan anak-biniau. Ngan carau luak itu Nua itu dibenaghka, karnau percayau nian, tapitu deniau diukum.

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

1 PITRUS 1:9

Kamu riang, karnau tujuan iman kamu la tecapai, titu keselamatan jiwa kamu.

1 PITRUS 2:25

Senitu kamu luak bebiri diau sesat. Mbak kini kamu la ngulang ngikut tukang sayia diau njagaui jiwa kamu.

1 PITRUS 3:19

Dalam ruatu Diau pegi ngiciakka ceritau jak di Allah ngan rua-rua diau di kawalan,

1 PITRUS 4:19

Itula sebapau amun adau jemau diau sengsarau karnau Allah ngenda'i luak itu, jemau itu mesti maju ngerjauka diau iluak, mangku nyeraka diriau ngan Allah diau njadikanyau. Diau cetau nepati janjiAu.

2 PITRUS 2:5

Luak itu pulau deniau timpau senitu nidau Allah enangka bibas jak di ukuman. Allah mbuat ayiak merampus di deniau, mangku jemau diau ja'at mati galau. Cuman Nua delapan beghanak diselamatka, karnau Nua ngiciakka ceritau diau benagh.

2 PITRUS 3:15

Tuhan kitau ngaligh. Anggapla masau ini diau dienjuakka ngan kitau, supayau pacak selamat. Paulus, kantin kitau diau disayangi, la nulis pulau luak itu ngan kamu. Diau nulis titu nurut pengertian diau dienjuakka Allah ngan diau.