1 PITRUS 3:18 - PEJANJIAN EMPAI CERITAU ILUAK

¹⁸ Keristustu mati sekali batan endak dusau manusiau, jemau diau nidau besala batan endak jemau besala. Keristus ngerjauka titu, supayau Diau pacak mbimbing kamu njenguak Allah. Diautu la dibunua masau njadi manusiau, tapitu la diidupka agi nurut rua.

1 PITRUS 3:18 ပူးပေါင်းရင်းမြစ်များ

MATIUS 27:19

Pilatus dang duduak di bada pengadilan, biniau bepesan ngan diau, “Jangan kamu ncampuri pekarau Jemau diau nidau besala itu. Di malam aku adau mimpi karut mangku nanggung nian karnau Jemau itu.”

MATIUS 27:24

Mangku Pilatus nyadari, bansau diau nidau pacak agi mbuat tuapau-apau, lagi jemau banyaktu la mulai kacau. Diau ngambiak ayiak, mbasua tanganau di mukau jemau banyak ngan bekatau, “Aku nidau betanggung-jawab ngan kematian Jemau ini. Itu urusan kamu!”

YUHANIS 16:10

Diau ka nyatauka Aku benagh, karnau Aku pegi njenguak Bapak, mangku kamu nidau nginak Aku agi.

RASUL 22:14

Mangku kataunyau agi, ‘Allah niniak puyang kitau la netapka kaba, supayau kaba ngeruani kenda'Au ngan nginak Jemau diau suci diau ngerjauka kendak Allah ngan ndengagh suarauNyau,

RASUL 3:14

Diautu iluak lagi beresia. Anyautu kapu dighi enggup nerimau Diau, mangku ngajung Pilatus, supayau sughang pembunua dilepaskanyau batan endak kapu dighi.

RUM 4:25

Yesustu diseraka ngan dibunua karnau dusau kitau, mangku Diau diidupka agi, supayau kitau pacak ngulang seilu'an ngan Allah.

RUM 5:2

Karnau kitau percayau ngan Diau, mangku Diau nulung kitau ngeruani keilu'an Allah. Mbak kini kitau la meghasaukanyau. Mangku kitau riang, karnau adau aghapan kitau ka meghasauka keagungan Allah.

RUM 8:11

Amun Rua Allah diau la ngidupka Keristus jak di mati adau dalam kamu, mangku Allah diau ngidupka Keristus jak di matitu ka ngidupka badan kamu pulau, karnau RuaHau adau dalam kamu.

RUM 8:3

Setu diau nidau pacak dikerjauka ukum Taurat karnau kitau manusiau bedusau la dikerjauka Allah. Diau la ngajung Ana'Au datang ke deniau nyerupaui manusiau biasau, njadi kerban batan dusau manusiau, mangku dusau diukum ngan diabiskaNyau.

2 KURINTUS 1:24

Kami nidau endak masau kamu ngan setu diau mesti kamu percayaui, karnau kamu la percayau nian ngan Keristus. Kami cuman endak sesamau bekerjau ngan kamu batan endak meriangka kamu.

2 KURINTUS 13:4

Nyela, masau Diau dipakuka di kayu salip, Diau litak, tapitu mbak kini Diau idup karnau kuasau Allah. Nyela, kamini litak pulau karnau seghundak ngan Keristus, anyautu amun buadapan ngan kamu, kami pulau adau kuasau Allah karnau seghundak ngan Keristus.

2 KURINTUS 5:21

Keristustu nidau bedusau. Anyautu Allah ngajung Diau nanggungka dusau kitau, supayau kitau dibenaghka karnau seghundak ngan Keristus.

GALATIA 1:4

Keristus na'ati kendak Allah Bapak kitau, mangku Diau nyeraka nyawauNyau batan endak dusau-dusau kitau, supayau kitau diselamatka jak di deniau diau ja'at ini.

GALATIA 3:13

Keristus mbibaska kitau jak di dawaian ukum Taurattu. Diau ngerjauka titu ngan ngenangka diriAu didawaika karnau kitau. Karnau di Injil ditulis, “Jemau diau mati digerintungka di kayu didawaika.”

IPISUS 3:12

Karnau kitau percayau ngan Keristus ngan seghundak ngan Diau, mangku kitau beghani ngiciak ngan Allah, karnau kitau percayau nian.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

IBRANI 10:10

Yesus Keristus la ngerjauka kendak Allah ngan nyeraka diriAutula njadi kerban. Mangku kitau la diberesiaka karnau kerbantu diau dikerbanka cuman sekali ajau.

IBRANI 9:14

apau agi dagha Keristus. Karnau Rua diau selelamaunyau Keristus nyeraka diriAu njadi kerban diau nidau becacat batan endak Allah. DaghaHautu mberesiaka ati kitau jak di kerjau diau nidau begati, mangku kitau pacak nyemba Allah diau idup.

IBRANI 9:26

Misalau Keristus semegi ngan imam besak tadi, bereti jak deniau dijadika Diau mesti rajin sengsarau. Anyautu tenyatau mbak kini masau pengabisan ini Diau datang sekali ajau endak ngabiska dusau ngan carau ngerbanka diriAu.

IBRANI 9:28

Luak itu pulau Keristus ngerbanka diriAu cuman sekali ajau endak ngabiska dusau banyak jemau. Mangku Diau ka datang agi ukan endak nanggungka dusau agi, tapitu endak nyelamatka jemau diau nunggu Diau datang.

YAKUBUS 5:6

Kamu ngukum ngan mbunua jemau diau nidau besala. Ughangtu nidau melawan kamu.

1 PITRUS 3:19

Dalam ruatu Diau pegi ngiciakka ceritau jak di Allah ngan rua-rua diau di kawalan,

1 PITRUS 4:1

Keristus sengsarau di kayu salip. Karnau itu kamu pulau mesti berupuak luak Diau, karnau jemau diau sengsarau di deniauni nidau endak agi ngerjauka dusau.

1 PITRUS 4:6

Itula sebapau ceritau iluaktu la dikiciakka pulau ngan jemau mati, mangku jemau diau la meghasauka mati, luak gegalau manusiau ka mati, bulia idup dalam rua semegi ngan Allah.

1 YUHANIS 1:9

Anyautu amun kitau ngaku'i gegalau dusau kitau ngan Allah, Diau ka nepati janjiAu ngan ngerjauka setu diau adil, mangku Diau ka ngabiska dusau kitau ngan mbasua kitau jak di gegalau perembak diau ja'at.