1 PITRUS 3:11 - PEJANJIAN EMPAI CERITAU ILUAK

¹¹ Jemautu mesti njawuhi setu diau ja'at ngan ngerjauka setu diau iluak. Jemautu mesti beusaha nian endak idup ngan damai.

1 PITRUS 3:11 ပူးပေါင်းရင်းမြစ်များ

MATIUS 5:45

Ngan carau luak itu kamu njadi anak-anak Bapak kamu diau di sergau. Diautu numbuaka matauaghi batan endak jemau iluak ngan jemau diau ja'at pulau, ngan nughunka ujan batan endak jemau diau benagh ngan jemau diau nidau benagh pulau.

MATIUS 5:9

Riangla jemau diau ndamaika jemau, karnau diau ka dikiciakka anak Allah.

MATIUS 6:13

Jangan enangka kami dicubaui, anyautu ilakkala kami jak di diau ja'at. [Karnau Dighila rajau diau bekuasau ngan agung selelamaunyau. Amin.’]

MARKUS 14:7

Jemau serik maju guak kamu, mangku kamu pacak nulung ughangtu, amun endak. Anyautu Akuni nidau maju guak kamu.

LUKAS 1:79

Luak itula Diau endak ngenjuak terang ngan jemau diau idup dalam keleman ngan takut ka mati. Diau endak mbimbing kitau ke jalan damai.”

LUKAS 6:35

Anyautu kamu, sayangila musua kamu, iluakla ngan ughangtu. Pinjamkala ngan jangan ngaghapka dibaliakkanyau. Amun luak itu, upa kamu ka besak, mangku kamu ka njadi anak-anak Allah diau Mahatinggi. Karnau Allah iluak ngan jemau diau nidau tau beterimau-kasia, ngan jemau diau ja'at pulau.

LUKAS 6:9

Mangku Yesus ngiciak ngan ughangtu, katauNyau, “Aku betanyau ngan kapu dighi, nurut agamau kitau tuapau diau bulia dikerjauka masau aghi Sabat, kerjau iluak apu kerjau ja'at, nyelamatka jemau apu ncelakaukanyau?”

YUHANIS 17:15

Aku nidau mintak, supayau Dighi ngambiak ughangtu jak di deniauni, anyautu Aku mintak, supayau Dighi njagaui ughangtu jak di diau ja'at.

RUM 12:18

Kamu mesti beusaha idup damai ngan gegalau jemau.

RUM 14:17

Amun Allah njadi rajau dalam idup jemau, makan diau aram ngan alal nidau penting agi. Diau penting nuruti kendak Allah, idup tenang ngan riang. Titu dienjuakka Rua Allah.

RUM 14:19

Itula sebapau kitau mesti beusaha, supayau idup suijauan ngan sangi teguaka.

RUM 5:1

Mbak kini kitau la seilu'an agi ngan Allah karnau percayau, mangku kitau idup damai ngan Allah karnau Tuhan kitau Yesus Keristus.

RUM 7:19

Aku nidau ngerjauka setu diau iluak diau endak kukerjauka. Aku ngerjauka setu diau ja'at diau enggup kukerjauka.

RUM 7:21

Mangku adau carau ini di aku: amun aku, endak ngerjauka setu diau iluak, anyautu diau adau di aku cuman diau ja'at.

RUM 8:6

Amun kitau idup nurut serilau manusiau, kitau mati. Amun kitau idup nurut Rua Allah, kitau idup damai ngan Allah.

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

GALATIA 6:10

Empungan gi adau masaunyau, mela kitau iluak ngan gegalau jemau, apau agi ngan kantin-kantin seagamau.

KULUSI 3:15

Damai jak di Keristus diau adau di ati kamu mesti netapka gegalau kerjau kamu, karnau kamu la dipilia Allah batan endak damai, mangku njadi sutiak badan. Kamu mesti beterimau-kasia.

1 TIMUTIUS 6:18

Ingatkala jemau, supayau kayau ngan kerjau iluak, mura nulung jemau ngan galak ngenjuak.

IBRANI 12:14

Beusahala idup damai ngan gegalau jemau. Idup kamu mesti beresia batan endak Tuhan. Nidau sughang kiala pacak nginak Tuhan, amun idupau nidau luak itu.

IBRANI 13:16

Mangku majula kerjauka diau iluak ngan sangi tulungi, karnau itula kerban diau melemakka ati Allah.

YAKUBUS 4:17

Karnau itu jemau diau keruan setu diau iluak diau mesti dikerjaukanyau, anyautu nidau ngerjaukanyau, jemautu bedusau.

1 PITRUS 3:12

Karnau Tuhan maju njagaui jemau diau nuruti kenda'Au. Tuhan maju ndengagh du'a ughangtu. Anyautu Tuhan maju melawan jemau diau ngerjauka setu diau ja'at.”

3 YUHANIS 1:11

Kantinku diau kusayangi. Jangan menau diau ja'at. Penaula diau iluak. Jemau diau bebuat iluak asalau jak di Allah. Jemau diau bebuat ja'at nidau ngeruani Allah.