1 PITRUS 2:9 - PEJANJIAN EMPAI CERITAU ILUAK

⁹ Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

1 PITRUS 2:9 ပူးပေါင်းရင်းမြစ်များ

MATIUS 4:16

Jemau diau idup di keleman la nginak terang diau besinagh. Ngan jemau diau idup di nenggeri maut la tumbua sinagh terang.”

MATIUS 5:16

Luak itu pulau terang kamu mesti besinagh di guak jemau, supayau ughangtu nginak perembak kamu diau iluak, mangku ngagungka Bapak kamu di sergau.”

LUKAS 1:79

Luak itula Diau endak ngenjuak terang ngan jemau diau idup dalam keleman ngan takut ka mati. Diau endak mbimbing kitau ke jalan damai.”

YUHANIS 17:19

Bak, batan endak ughangtu Aku nyeraka diriKu ngan Dighi, supayau ughangtu pulau nyeraka diriau nian batan endak Dighi.

RASUL 20:28

Jagauila diri kapu dighi ngan jagauila pulau gegalau jemau Keristen diau la dipercayauka Rua Allah ngan kapu dighi, supayau dijagaui, karnau kapu dighi la dijadika tukang sayia jemau Keristen. Allahtu diau njadika ughangtu hak Allah, karnau Ana'Autu la mati batan endak ughangtu.

RASUL 26:18

endak mbukakka matau ughangtu, supayau ughangtu ngeluagh jak di keleman masuak terang, supayau ughangtu lepas jak di kuasau iblis mangku dikuasaui Allah. Mangku dusaunyau ka diabiska, karnau ughangtu percayau ngan Aku, mangku ughangtu njadi angguta umat Allah diau dipilia itu.’ ”

RASUL 26:28

Katau Agripa, “Kaba kirau gampang njadika aku jemau Keristen ngan jangkau luak ini?”

RUM 9:24

kitau diau la dipilia ukan cuman jak di jemau Yahudi, tapitu jak di jemau bangsau lain pulau.

1 KURINTUS 3:17

Amun adau jemau diau merusakka ghuma Allah, Allah pulau ka merusakka jemautu, karnau ghuma Allah itu suci. Kamunila ghuma Allahtu.

IPISUS 1:14

Rua itula njamin kitau ka nerimau setu diau la dijanjika Allah ngan umatAu. Mangku kitau yakin, bansau kitau ka ditebus nian ngan dijadikaNyau umatAu, supayau Allah dipuji karnau keagunganNyau.

IPISUS 1:6

Mangku Allah dipuji karnau keilu'anNyau diau agungtu diau dienjuakka ngan kitau karnau Ana'Au Yesus Keristus diau disayangiNyau.

IPISUS 3:21

Allah mesti maju diagungka jemau Keristen karnau Yesus Keristus. Tepujila Allah enggut selelamaunyau. Nyela nian. Amin.

PILIPI 3:14

Mangku aku maju beusaha endak sampai ke tujuan endak bulia adia, diautu idup di sergau. Batan endak itula kitau dipilia Allah karnau Yesus Keristus.

KULUSI 1:13

Diautu la ngilakka kitau jak di kuasau iblis mangku ngaliaka kitau dalam kuasau Ana'Au diau disayangi.

2 TIMUTIUS 1:9

Allahtu nyelamatka kitau ngan milia kitau, supayau njadi umatAu. Titu dikerjaukaNyau ukan karnau setu diau kitau kerjauka, tapitu karnau rencanauNyau ngan keilu'anNyau itula. Keilu'anNyautu dienjuakka ngan kitau karnau Yesus Keristus, antak ka deniauni dijadika.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

1 PITRUS 1:2

Kamu dipilia luak diau la direncanauka Allah Bapak. Kamu la diberesiaka Rua Allah, supayau kamu idup ta'at ngan Yesus Keristus ngan dibasua ngan daghaHau. Aku bedu'a, supayau Allah iluak nianan ngan kamu, maju ngenjuakka damai.

1 PITRUS 2:5

Kamu umpamau batu-batu diau idup. Karnau itu enangka kamu dipakai batan endak negakka ghuma Allah diau ruhani. Ngan carau luak itu kamu njadi imam-imam diau idup beresia batan endak Allah, mangku ngerbanka ngan Allah kerban diau ruhani diau melemakka ati Allah karnau Keristus.

1 PITRUS 4:11

Jemau diau beketuba mesti ngiciakka katau Allah. Jemau diau nulungi jemau mesti ngerjaukanyau ngan kekuatan jak di Allah, mangku Allah maju diregaui karnau Yesus Keristus. KuasauNyau ngan keagunganNyau nidau ka udim-udim selelamaunyau. Nyela nian.

PENGINA'AN 1:6

mangku njadika kitau sebangsau, njadi imam diau bekerjau batan endak Allah, Bapa'Au. Yesus Keristustu agung ngan bekuasau selelamaunyau. Amin.

PENGINA'AN 20:6

Mujurla ngan riangla jemau diau ngikut diidupka dulu sekali. Kematian diau keduau nidau bekuasau di ughangtu. Ughangtu ka njadi imam Allah ngan imam Keristus, mangku merinta luak rajau serempak ngan Diau selamau seribu taun.

PENGINA'AN 5:10

Dighi la njadika ughangtu sutiak bangsau, njadi imam endak bekerjau batan endak Allah. Mangku ughangtu ka merinta luak rajau di deniau.”