1 PITRUS 2:7 - PEJANJIAN EMPAI CERITAU ILUAK

⁷ Batu itu beregau nian batan endak kamu diau percayau. Anyautu batan endak jemau diau nidau percayau katau Injil ini benagh, “Batu diau la dicapakka tukang negakka ghuma, la njadi batu pelapiak.”

1 PITRUS 2:7 ပူးပေါင်းရင်းမြစ်များ

MATIUS 21:42

Mangku Yesus bekatau ngan ughangtu, “Apu kapu dighi lum kekela mbacau ayat ini, ‘Batu diau dicapakka tukang negak ghuma, la njadi pelapiak tiang. Inila kerjau Tuhan, setu diau nyelia batan endak kitau.’ ”

LUKAS 2:32

Diautu terang diau nerangi bangsau lain diau nidau keruan Allah. Jemau Israil ka dipuji karnau Diau.”

LUKAS 2:34

Mangku Simiun du'aka ughang duautu mangku ngiciak ngan Maria, enduak Budak keciak itu, kataunyau, “Budak keciak ini dipilia Allah, endak mbenasauka ngan nyelamatka banyak jemau Israil. Diauni njadi tandau diau dilawan banyak jemau,

LUKAS 20:17

Yesus ngina'i ughangtu ngan bekatau, “Amun luak itu, tuapau retiau katau ini diau ditulis di Injil? ‘Batu diau dicapakka tukang negak ghuma la njadi pelapiak tiang.’

YUHANIS 4:42

Ughangtu ngiciak ngan tinautu, kataunyau: “Mbak kini kami percayau, ukanau karnau kici'an kaba ajau, anyautu karnau kami la ndengagh ngan la keruan, Diau inila nian Penyelamat deniau.”

RASUL 26:19

“Itula sebapau, rajau Agripa, aku maju ta'at ngan pengina'an diau la kuterimau jak di Allah.

RUM 10:21

Ceritau jemau Israil dikiciakka Yesaya luak ini, “Luak ini katau Allah, ‘Aku maju endak bedamai ngan ughangtu, anyautu ughangtu maju melawan ngan enggup ta'at.’ ”

RUM 15:31

Bedu'ala, supayau jemau di Yudia diau nidau percayau nidau ngancam aku, supayau kerjauku batan endak Yerusalim diterimau jemau Keristen di situ ngan riang.

2 KURINTUS 2:16

Ngan jemau diau ka benasau kami luak embau busuak diau mbunua. Ngan jemau diau diselamatka kami luak embau ghum diau ngenjuakka idup. Sapau diau pacak ngerjauka tugas ini?

KULUSI 2:10

Mangku karnau kamu idup seghundak ngan Keristus, kamu dienju'i idup ngenianau. Keristusla kepalak gegalau rua diau bekuasau ngan merinta.

TITUS 3:3

Karnau senitu kitau pulau idup bigal, nidau ta'at, sesat. Kitau dibudakka bemecam serilau ngan kendak. Idup kitau ja'at, sengit, sangi luatka.

IBRANI 11:31

Karnau percayau, mangku Rahab, pelacurtu, nerimau mematau jemau Israil ngan iluak, mangku nidau ngikut tebunua ngan jemau diau melawan Allah.

IBRANI 4:11

Karnau itu mela kitau beusaha bulia bada gheghadutu. Jangan adau diau urung luak ughang senitu ikak nidau ta'at.

1 PITRUS 1:8

Empuak kamu nidau kekela ngina'Au, kamu nyayangiNyau. Empuak mbak kini pulau kamu nidau ngina'Au, kamu percayau ngan Diau. Mangku kamu riang ngan injiak nianan, nidau pacak dikiciakka agi.

1 PITRUS 2:4

Datangla njenguak Tuhan. Diau umpamau batu idup diau dicapakka manusiau, karnau dianggap nidau begati. Anyautu Diautu dipilia Allah, mangku nyatau Diau batu diau beregau.

1 PITRUS 2:8

Ngan pulau, “Itula batu diau mbuat jemau tuantuak, batu diau mbuat jemau telabua.” Ughangtu tuantuak, karnau nidau ta'at ngan kici'an Allah. Luak itula ditetapka Allah batan endak ughangtu.