1 PITRUS 2:21 - PEJANJIAN EMPAI CERITAU ILUAK

²¹ Batan endak itula kamu la dipilia Allah, karnau Keristus la sengsarau batan endak kamu mangku njadi penauan batan endak kamu, supayau kamu ngikut carauNyau.

1 PITRUS 2:21 ပူးပေါင်းရင်းမြစ်များ

MATIUS 10:38

Jemau diau nidau mikul salipau mangku ngikut Aku, nidau pantas njadi anak-buaKu.

MATIUS 11:29

Tanggungkala selungku diau Kukenauka ngan kamu, mangku belajaghla jak di Aku, karnau Aku ngaligh ngan nidau geduak, mangku kamu ka njadi tenang.

MATIUS 16:24

Mangku Yesus ngiciak ngan anak-buaHau, katauNyau, “Bilang jemau diau endak ngikut Aku jangan ndalak jalan idup batan endak diau sughang. Diau mesti mikul salipau, mangku maju ngikut Aku.

LUKAS 24:26

Nyela, Rajau Penyelamat mesti meghasauka sengsarau itu kudai mangku diregaui.”

YUHANIS 13:15

Aku la mbuat penauan batan endak kamu, supayau kamu mbuat semegi luak aku buat ngan kamu.

YUHANIS 16:33

Gegalaunyautu Kukiciakka ngan kamu, mangku kamu tenang sempernau, karnau seghundak ngan Aku. Di deniau kamu ka sengsarau, anyautu beghanikala ati kamu. Aku la ngalaka deniau.”

RASUL 14:22

Di kuta itu duau rasultu neguaka ati jemau diau percayau ngan Yesus ngan ngajung ughangtu, supayau maju percayau. Rasultu bekatau, “Kitau mesti sengsarau kudai, mangku kitau pacak njadi angguta umat Allah.”

RASUL 17:3

Diau nerangka ngan mbuktika, mbak bansau Mesias, Rajau Penyelamattu, mesti sengsarau mangku ngulang idup jak di mati, kataunyau, “Inila Mesias, Rajau Penyelamattu, Yesus diau kukiciakka ngan kapu dighi.”

RASUL 9:16

Akunila ka nunjuakka ngan diau banyak sengsarau diau mesti dighasaukanyau karnau Aku.”

RUM 8:29

Karnau bilang jemau diau la dipilia Allah jak di senitu pulau la ditetapka endak njadi semegi ngan Ana'Au Yesus Keristus, mangku Ana'Autu njadi diau tuau jak di ading-beghadingAu.

1 KURINTUS 11:1

Penaula aku, luak aku pulau menau Keristus.

IPISUS 5:2

Idupla sangi sayangi luak Keristus nyayangi kitau. Diau la nyeraka nyawauNyau batan endak kitau njadi kerban diau iluak ngan melemakka ati Allah.

PILIPI 2:5

Kamu mesti adau rupu'an ngan peghasauan luak Yesus Keristus.

1 TESALUNIKA 3:3

supayau nidau sughang kia jak di kamu ngelipat karnau sengsarau kitau ini. Kamu la keruan, bansau sengsarautu adau dalam rencanau Allah batan endak kitau.

1 TESALUNIKA 4:2

Nyela, kamu keruan ajaghan diau kami ajaghka ngan kamu ngan kuasau Tuhan Yesus.

2 TIMUTIUS 3:12

Nyela, bilang jemau diau endak idup ta'at ngan Allah ngan idup seghundak ngan Yesus Keristus ka dianiayau.

IBRANI 2:10

Allah itu njadika gegalaunyau batan endak diriAu. Sepantasau Diau njadika Yesus sempernau ngan carau Diau sengsarau, mangku dibata'Au banyak jemau endak diagungka. Diautu pulau mbukak jalan mangku ughangtu selamat.

1 PITRUS 1:20

Keristustu la dipilia antak ka deniau dijadika. Mangku masau pengabisan ini Diau datang ke deniau batan endak kamu.

1 PITRUS 2:24

Keristus itula diau nanggungka dusau kitau di kayu salip, supayau kitau bibas jak di kuasau dusau mangku idup nurut kendak Allah. Kamu la ghadu karnau lukau Keristustu.

1 PITRUS 3:18

Keristustu mati sekali batan endak dusau manusiau, jemau diau nidau besala batan endak jemau besala. Keristus ngerjauka titu, supayau Diau pacak mbimbing kamu njenguak Allah. Diautu la dibunua masau njadi manusiau, tapitu la diidupka agi nurut rua.

1 PITRUS 3:9

Jangan mbalas setu diau ja'at ngan ja'at, apu maki ngan maki. Anyautu balaskala ngan mintak setu diau iluak jak di Allah. Karnau batan endak itula kamu dipilia Allah, supayau kamu nerimau setu diau iluak jak di Diau.

1 PITRUS 4:1

Keristus sengsarau di kayu salip. Karnau itu kamu pulau mesti berupuak luak Diau, karnau jemau diau sengsarau di deniauni nidau endak agi ngerjauka dusau.

1 PITRUS 4:13

Anyautu kamu mesti riang, karnau kamu ngikut sengsarau ngan Keristus. Mangku kamu pulau ngikut riang nian, amun keagunganNyau diancakka nanti.

1 YUHANIS 2:6

Jemau diau bekatau, bansau diau idup seghundak ngan Allah, jemautu mesti menau Keristus.

1 YUHANIS 3:16

Kitau keruan sayang Allah ngan jalan ini: Keristus nyeraka nyawaunyau batan endak kitau. Mangku kitauni mesti pulau nyeraka nyawau kitau batan endak kantin-kantin kitau.

PENGINA'AN 12:11

Ughangtu la ngalaka diau ngan dagha Anak Bebiritu, dikalaka ngan ceritau iluak jak di Allah diau dikiciakka ughangtu. Ughangtu rila nyeraka nyawaunyau enggut mati.