1 PITRUS 2:16 - PEJANJIAN EMPAI CERITAU ILUAK

¹⁶ Idupla luak jemau bibas. Jangan makai kebibasan kamutu batan endak nukupi keja'atan. Anyautu idupla luak budak Allah.

1 PITRUS 2:16 ပူးပေါင်းရင်းမြစ်များ

MATIUS 23:13

“Celakaula kapu dighi, ai guru-guru ukum Taurat ngan jemau Parisi, kapu dighi jemau cak alim. Kapu dighi ngalangi jemau njadi umat Allah. Kapu dighitu nidau ka njadi umat Allah, mangku jemau lain diau endak nidau kapu dighi ajung.

YUHANIS 15:22

Misalau Aku nidau datang ngan nidau ngiciakka gegalaunyau ngan ughangtu, ughangtu nidau besala. Anyautu mbak kini nidau bediau tapakan agi batan dusau ughangtu.

RUM 6:18

Kamu la dilepaska jak di dusau, mangku njadi budak Allah.

RUM 6:22

Anyautu mbak kini kamu la dilepaska jak di dusau mangku njadi budak Allah. Untungau kamu la idup batan endak Allah mangku bulia idup sejati selelamaunyau.

1 KURINTUS 7:22

Karnau budak diau percayau ngan Tuhan njadi jemau bibas karnau Tuhan. Mangku jemau bibas diau percayau ngan Keristus njadi buda'Au.

GALATIA 5:1

Kitau mbak kini bibas, karnau Keristus la mbibaska kitau. Karnau itu ta'ankala kebibasan kamu, jangan endak dibudakka agi.

GALATIA 5:13

Kantin-kantinku, nyela kamutu la diajung njadi jemau diau bibas. Anyautu jangan kebibasantu njadi tapakan endak idup nuruti kendak dusau. Tapitu kamu mesti sangi sayangi ngan sangi tulungi.

IPISUS 6:6

Jangan ajau, amun dikinak, endak dipuji manusiau, tapitu luak budak Keristus diau na'ati kendak Allah ngan riang.

KULUSI 3:24

Ingatkala bansau kamu ka nerimau upa jak di Tuhan diau dijanjikaNyau, karnau Keristus Tuhan kamu ngan kamu bekerjau batan endak Diau.

1 TESALUNIKA 2:5

Kamu keruan, kami nidau kekela iluak di mulut, nipuka kamu endak nyemunika kesela'an kami. Allah keruan!

YAKUBUS 1:25

Ukum Allah sempernau, adau kuasau endak nyelamatka manusiau. Jemau diau melajaghi, meratikanyau iluak-iluak ngan ngerjauka ukumtu nian, jemautu ka disayangi Allah, mangku gegalaunyau diau dikerjaukanyau ka buasil, karnau ukan cuman ndengagh ajau, mangku nidau teghingat agi,

YAKUBUS 2:12

Ngiciakla ngan kerjaula luak jemau diau diadili nurut ukum Allah diau mbibaska manusiau.

2 PITRUS 2:19

Guru tadi njanjika kebibasan ngan jemau, awuak ughang itula dibudakka kerjau diau merusakka manusiau, karnau amun jemau dikalaka, mangku diau njadi budak setu diau ngalakanyautu.

YUDAS 1:4

Adau jemau diau masuak di guak kamu ngan nidau dikeruani. Ughangtu jemau ja'at, nyala-gunauka ceritau keilu'an Allah endak nuruti serilau ngan nidau ngaku'i Yesus Keristus, awuak Diau sughang itula Penguasau ngan Tuhan kitau. Jak di senitu ukuman ughangtu la ditetapka.