1 PITRUS 2:1 - PEJANJIAN EMPAI CERITAU ILUAK

¹ Karnau itu capakkala jak di kamu gegalaunyau diau ja'at. Jangan agi mbu'ung, jangan cak iluak, jangan sengit, jangan ngupatka jemau.

1 PITRUS 2:1 ပူးပေါင်းရင်းမြစ်များ

MATIUS 15:7

Kapu dighi jemau cak alim! Ngenian diau dikiciakka nabi Yesaya ceritau kapu dighitu,

MATIUS 23:28

Luak itula pulau kapu dighi. Jak di luagh kapu dighi kina'an iluak ngan jemau. Anyautu di dalam kapu dighi cak alim ngan ja'at.”

MATIUS 24:51

Mangku budaktu ka diukum beghat ngan dijadika senasip ngan jemau diau nidau percayau ngan Allah. Di situ diau ka nangis ngan sengsarau.”

MATIUS 7:5

Ui, kaba cak iluak! Keluaghkala kudai baluk jak di matau kaba, mangku kaba nginak ngan terang endak ngeluaghka kempenan jak di matau kantin kaba.

MARKUS 12:15

Yesus keruan rencanau diau jedit itu, mangku Diau bekatau, “Ngapau kamu endak ncubaui Aku? Cubau kinakka ngan Aku sutiak tanci pirak.”

LUKAS 11:44

Celakaula kapu dighi, karnau kapu dighi luak kuburan nidau bediau tandau. Jemau endiak keruan, empuak mija'inyau.”

LUKAS 12:1

Beribu-ribu jemau bererincitan, sampai adau diau tepijak keting. Penarau ughangtu betunggal, Yesus ngiciak ngan anak-buaHau, katauNyau, “Sepepadaula ngan ghagi jemau Parisi, diautu cak alim.

LUKAS 6:42

Luak manau kamu pacak ngiciak ngan kantin kamu, ‘Ui kaba, nengkela aku ngeluaghka kempenan diau di matau kaba.’, anyautu baluk di matau kamu nidau kamu kina'i? Kamu cak iluak! Keluaghkala kudai baluk jak di matau kamu, mangku pengina'an kamu terang endak ngeluaghka kempenan tadi jak di matau kantin kamu.”

YUHANIS 1:47

Yesus nginak Natanail datang, mangku ngiciakka diau, katauNyau, “Kina'ila, diautu jemau Israil nian, diau nidau kekela nipu!”

RUM 1:29

Ati ughangtu penua ngan gegalaunyau diau nidau benagh, diau ja'at, selak, busuak, sengit, endak mbunua, belagau, nipu, ndendam,

1 KURINTUS 14:20

Jangan kamu berupuak luak rupu'an budak keciak. Amun ngan keja'atan nengkela kamu luak budak keciak, tapitu rupu'an kamu mesti njadi luak rupu'an jemau besak.

1 KURINTUS 5:8

Mangku jangan kitau merayauka jamuan itu ngan ghagi diau lamau, diautu ghagi keja'atan ngan kejeditan. Mela kitau merayaukanyau ngan ruti diau nidau beghagi. Rutitu mbayangka gegalaunyau diau iluak ngan benagh di adapan Allah.

2 KURINTUS 12:20

Aku ghegak, amun aku datang nanti, aku ka nemuni kamu nidau luak diau kuaghapka, mangku kamu pulau ka nemuni aku nidau luak diau kamu aghapka. Aku ghegak, kalu adau diau belagau, sengit, ati besak, mentingka diriau, sangi gelakka, sangi buruakka, geduak, becelikaian.

IPISUS 4:31

Lengitkala gegalau peghasauan purik, mara ngan dendam. Jangan tegauk-gauk ngan nggelakka. Jangan agi adau peghasauan luat ngan peghasauan diau ja'at lainau.

1 TESALUNIKA 2:3

Aja'an kamini ukan karnau kami sesat, ukan pulau karnau tujuan diau nidau iluak, ukan pulau endak nipuka.

1 TIMUTIUS 3:11

Biniau pulau mesti jemau iluak. Jangan diau galak ngupatka jemau. Diau mesti nguasaui diriau ngan pacak dipercayaui ngan gegalaunyau.

TITUS 2:3

Luak itu pulau jemau tinau diau tuau mesti idup ngan carau diau pantas ngan jemau diau percayau ngan Allah. Jangan ughangtu ngupatka jemau ngan jangan memabu'an. Ughangtu mesti ngajaghka setu diau iluak.

IBRANI 12:1

Mangku kitauni banyak nian cuntau, jemau diau percayau tadi. Karnau itu mela kitau pulau ncapakka gegalaunyau diau mbeghati kitau ngan dusau diau maju melekat ngan kitau. Mela kitau maju betanding ngan tekun petandingan diau kitau ikuti.

YAKUBUS 1:21

Karnau itu capakkala gegalaunyau diau nidau iluak ngan ja'at diau banyak nian. Terimaula ngan riang katau Allah dalam ati kamu, karnau katau itu adau kuasau nyelamatka kamu.

YAKUBUS 3:14

Anyautu amun kamu sengit, purik ngan merupuakka diriau ajau, titu nidau nanti dibanggaka, karnau ngan carau itu kamu ngubai ceritau diau benagh njadi sala.

YAKUBUS 4:11

Kantin-kantinku, jangan kamu sangi buruakka ngan sangi salaka. Jemau diau mburuakka ngan nyalaka kantinau, diau mburuakka ngan nyalaka ukum Allah. Amun kamu nyalaka ukum Allah, kamu nidau na'ati ukumtu, tapitu kamu njadi akimau.

YAKUBUS 4:5

Jangan kamu sangkau, setu diau ditulis di Injil ca'au ajau, “Rua diau dienjuakka Allah ngan kitau dikenda'iNyau ngan sengit!”

YAKUBUS 5:9

Jangan kamu bemumut ngan sangi salaka, mangku kamu nidau diukum. Ingatkala, akim diau ngadili kitau laka datang.

1 PITRUS 2:16

Idupla luak jemau bibas. Jangan makai kebibasan kamutu batan endak nukupi keja'atan. Anyautu idupla luak budak Allah.

1 PITRUS 2:22

Diau nidau kekela mbuat dusau ngan nidau sughang kia ndengagh Diau mbu'ung.

1 PITRUS 3:10

Karnau di Injil ditulis luak ini, “Jemau diau endak meghasauka idup diau lemak ngan meghasauka masau diau iluak, jemautu jangan ngiciak setu diau ja'at ngan jangan ngiciak setu diau mbu'ung.

1 PITRUS 4:2

Mangku mulai mbak kini selamau gi adau di deniau idupla nurut kendak Allah, jangan agi nurut serilau manusiau.

1 PITRUS 4:4

Mbak kini jemau diau nidau keruan Allah kemangan ngan kamu, karnau kamu nidau agi ngikut carau ughangtu idup luak anjing, mangku kamu digelakka.

PENGINA'AN 14:5

Ughangtu nidau pembu'ung, nidau nian becacat.