1 PITRUS 1:8 - PEJANJIAN EMPAI CERITAU ILUAK

⁸ Empuak kamu nidau kekela ngina'Au, kamu nyayangiNyau. Empuak mbak kini pulau kamu nidau ngina'Au, kamu percayau ngan Diau. Mangku kamu riang ngan injiak nianan, nidau pacak dikiciakka agi.

1 PITRUS 1:8 ပူးပေါင်းရင်းမြစ်များ

MATIUS 10:37

Jemau diau lebia nyayangi pejadiau jak di Aku nidau pantas njadi anak-buaKu. Luak itu pulau jemau diau lebia nyayangi ana'au empuak tinau empuak lanang jak di Aku nidau pantas njadi anak-buaKu.

YUHANIS 14:15

“Amun kamu nyayangi Allah, kamu ka nuruti gegalau perintaKu.

YUHANIS 14:21

Jemau diau nerimau perintaKu ngan nurutinyau, jemau itula nyayangi Aku. Mangku jemau diau nyayangi Aku ka disayangi BapakKu. Aku pulau ka nyayangi jemautu ngan nyatauka diriKu ngan diau.”

YUHANIS 14:24

Jemau diau nidau nyayangi Aku nidau nuruti kici'anKu. Kici'an diau kamu dengaghtu ukan jak di Aku, tapitu jak di Bapak diau ngajung Aku.

YUHANIS 16:22

Luak itula pulau ngan kamu: Mbak kini kamu dukau, anyautu Aku ka betemu agi ngan kamu, mangku ati kamu ka riang, mangku nidau sughang kia pacak ngambiak keriangan kamu.

YUHANIS 20:29

Katau Yesus, “Kaba percayau, karnau la nginak Aku. Riangla jemau diau percayau empuak nidau nginak Aku.”

YUHANIS 8:42

Mangku Yesus bekatau ngan ughangtu, “Amun Allahtu bak kapu dighi, kapu dighi ka nyayangi Aku, karnau asalKu jak di Allah. Aku datang ukan karnau kendakKunila, tapitu Allah ngajung Aku.

RASUL 16:34

La udim dibaptis, Paulus ngan Silas dibata'inyau ke ghumahau, ditepiakka makanan batan endak ughang duautu. Ughang seghuma riang nian, karnau la percayau ngan Allah.

RUM 14:17

Amun Allah njadi rajau dalam idup jemau, makan diau aram ngan alal nidau penting agi. Diau penting nuruti kendak Allah, idup tenang ngan riang. Titu dienjuakka Rua Allah.

RUM 15:13

Allah itu bada kamu buaghap. Aku bedu'a, supayau Allah mbuat ati kamu riang ngan meghasau damai karnau kamu percayau, mangku ngan kuasau Rua Allah kamu ka tamba ngaghapka Diau.

1 KURINTUS 16:22

Jemau diau nidau nyayangi Tuhan Yesus nengkela diukum Allah. Maranata – Tuhan datangla!

2 KURINTUS 1:22

Diau la nandaui kitau njadi ha'Au ngan ngenjuakka RuaHau dalam ati kitau. Titu jaminan, bansau Diau ka ngenjuakka gegalaunyau diau la dijanjikaNyau batan endak kitau.

2 KURINTUS 12:4

jemautu tuangkat ke sergau. Di situ diau ndengagh katau diau nidau pacak dikiciakka manusiau ngan nidau diajung dikiciakka manusiau.

2 KURINTUS 4:18

Kami nidau nyanauka setu diau kina'an, tapitu setu diau nidau kina'an, karnau diau kina'an jerang ajau, diau nidau kina'an selelamaunyau.

2 KURINTUS 5:7

Kami idup karnau percayau, ukan karnau nginak.

2 KURINTUS 9:15

Terimau-kasia ngan Allah, karnau enju'anNyau diau iluak nianantu.

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

GALATIA 5:6

Karnau amun kitau la idup seghundak ngan Keristus, apu besunat apu nidau besunat, itu nidau bediau retiau. Diau penting, percayau ngan Keristus, mangku itu nyatau ngan sayang kitau ngan jemau.

IPISUS 3:19

Mangku kamu meghasauka sayang itu, empuak nidau pacak dikeruani rupu'an manusiau. Mangku kamu dibimbingAu idup menau carau Allah,

IPISUS 6:24

Aku bedu'a, supayau Allah iluak ngan gegalau kamu diau nyayangi Tuhan kitau Yesus Keristus ngan sayang diau nidau ka abis-abis.

PILIPI 1:25

Aku percayau ngan titu, mangku aku keruan aku ka idup ngan seghundak agi ngan gegalau kamu, nulung kamu mangku tamba riang tamba tegua percayau ngan Keristus.

PILIPI 3:3

awuak kitaula diau besunat nian, ukan ughangtu. Kitauni nyemba Allah, dibimbing Rua Allah. Kitauni beterimau-kasia nian karnau la seghundak ngan Yesus Keristus. Kitauni nidau tepaut ngan setu diau dikerjauka di badan manusiau.

PILIPI 4:4

Luak manau kila kamu mesti riang karnau seghundak ngan Tuhan. Sekali agi aku ngiciakka: Riangla kamu!

IBRANI 11:1

Amun percayau nian, kitau yakin nian ngan setu diau kitau aghapka, kitau yakin nian ngan setu diau nidau kitau kinak.

IBRANI 11:27

Karnau percayau, mangku Musa ninggalka Mesir, nidau takut dimarai rajau. Diau maju ajau luak nginak Allah diau nidau kina'antu.

1 PITRUS 1:6

Itula sebapau kamu mesti riang, empuak mbak kini kamu madak karnau banyak cubauan.

1 PITRUS 2:7

Batu itu beregau nian batan endak kamu diau percayau. Anyautu batan endak jemau diau nidau percayau katau Injil ini benagh, “Batu diau la dicapakka tukang negakka ghuma, la njadi batu pelapiak.”

1 PITRUS 5:4

Mangku amun Keristus, tukang sayia bebiri diau agungtu, datang nanti, kamu ka nerimau adia menang diau alap nianan diau nidau ka beghuba.