1 PITRUS 1:5 - PEJANJIAN EMPAI CERITAU ILUAK

⁵ Gegalaunyautu batan endak kamu, karnau kamu percayau ngan Allah, mangku kamu dijagaui kuasau Allah, supayau kamu nerimau keselamatan diau dinyatauka masau pengabisan saman.

1 PITRUS 1:5 ပူးပေါင်းရင်းမြစ်များ

YUHANIS 12:48

Jemau diau nidau nerimau Aku ngan nidau nuruti kici'anKu, akimau la adau. Kici'anKu diau la Kukiciakka, itula diau ka ngukumau masau aghi kiamat.

YUHANIS 17:15

Aku nidau mintak, supayau Dighi ngambiak ughangtu jak di deniauni, anyautu Aku mintak, supayau Dighi njagaui ughangtu jak di diau ja'at.

YUHANIS 4:14

Jemau diau minum ayiak diau ka Kuenjuakka nidau ka aus agi selelamaunyau. Ayiak diau Kuenjuakkatu ka njadi matau-ayiak dalam idupau diau maju mancagh, mangku ngenjuakka idup selelamaunyau ngan jemau itu.”

YUHANIS 5:24

Kici'anKu ini benagh: Jemau diau ndengagh ngan nuruti kici'anKu, mangku percayau ngan Allah diau ngajung Aku, jemautu la ngempu idup empai selelamaunyau. Diau nidau ka diukum. Diau la ngalia jak di mati ke idup.

RUM 11:20

Nyela nian. Ughangtu dicapakka karnau nidau percayau. Kamu diterimau karnau percayau. Jangan kamu geduak. Kamu mesti takut,

RUM 8:18

Aku keruan, bansau penanggungan kitau mbak kini nidau pacak dibandingka ngan keagungan diau ka diancakka ngan kitau nanti.

1 KURINTUS 1:21

Luak manau kila pintar manusiau, diau nidau ka pacak keruan Allah ngan kepintarannyautu. Anyautu karnau Allah bepengertian, Diau endak nyelamatka jemau diau percayau ngan Diau karnau ceritau iluak diau dianggap deniau kici'an bigal.

2 KURINTUS 1:24

Kami nidau endak masau kamu ngan setu diau mesti kamu percayaui, karnau kamu la percayau nian ngan Keristus. Kami cuman endak sesamau bekerjau ngan kamu batan endak meriangka kamu.

GALATIA 2:20

Mbak kini ukan agi aku diau idup, tapitu Keristus idup dalam diriku. Mangku mbak kini aku idup karnau percayau ngan Anak Allah diau la nyayangi aku ngan nyeraka nyawauNyau batan endak aku.

IPISUS 2:8

Allah sayang nian ngan kamu. Karnau itu Diau nyelamatka kamu, karnau kamu percayau ngan Yesus. Keselamatan kamutu ukan karnau usaha kamu. Itu pengenjuak Allah,

IPISUS 3:17

Mangku ati kamu njadi bada Keristus karnau kamu percayau ngan Diau, mangku gegalau kerjau kamu dikerjauka karnau nyayangi.

PILIPI 1:6

Allah la mulai ngerjauka diau iluak di ati kamu. Mangku aku percayau nian, Diau ka neruska kerjauNyau diau iluaktu enggut udim, masau Yesus Keristus datang.

PILIPI 4:7

Mangku damai jak di Allah diau nidau pacak manusiau terti ka njagaui ati ngan rupu'an kamu karnau la seghundak ngan Yesus Keristus.

2 TIMUTIUS 3:15

Ingatkala, bansau jak di keciak kaba la keruan Injil. Injiltu pacak ngenjuakka ngan kaba pengertian endak ngajaghka jalan selamat, amun percayau ngan Yesus Keristus.

TITUS 2:13

Mbak kini kitau dang nungguka aghi diau meriangka diau kitau ngaghapka itu. Aghitu deniau ka nginak keagungan Allah diau Mahabesak ngan Yesus Keristus, Rajau Penyelamat kitau.

IBRANI 6:12

Kami enggup kamu njadi malas. Kami endak, supayau kamu idup luak jemau diau nunggu ngan ngaligh endak nerimau setu diau dijanjika Allah, karnau percayau ngan Diau.

IBRANI 9:28

Luak itu pulau Keristus ngerbanka diriAu cuman sekali ajau endak ngabiska dusau banyak jemau. Mangku Diau ka datang agi ukan endak nanggungka dusau agi, tapitu endak nyelamatka jemau diau nunggu Diau datang.

1 PITRUS 1:13

Karnau itu kamu mesti rupuakka kudai setu diau endak dikerjauka. Sepepadaula ngan aghapkala nian setu diau ka dienjuakka ngan kamu, masau Yesus Keristus datang nanti.

1 PITRUS 4:13

Anyautu kamu mesti riang, karnau kamu ngikut sengsarau ngan Keristus. Mangku kamu pulau ngikut riang nian, amun keagunganNyau diancakka nanti.

1 PITRUS 5:1

Aku mintak pengulu-pengulu jemau Keristen peratikala. Karnau aku sughang pengulu pulau ngan la nginak Keristus sengsarau ngan ngikut diagungka, amun keagungan Keristus dinyatauka nanti, mangku aku mintak nian,

2 PITRUS 1:3

Allah la makai kuasauNyau endak ngenjuakka ngan kitau gegalaunyau diau kitau enda'au, mangku pacak idup alim. Titu dikerjaukaNyau, karnau kitau keruan Keristus diau la milia kitau endak ngikut meghasauka keilu'an ngan keagunganNyau.

1 YUHANIS 3:2

Kantin-kantinku diau kusayangi. Mbak kini kitau anak Allah. Anyautu lum kina'an, luak manau kitau nanti. Mangku kitau keruan, amun Keristus datang, kitau ka njadi luak Diau, karnau kitau ka nginak Diau luak manau Diau sebenaghau.

YUDAS 1:1

Jak di aku, Yudas, ading Yakubus, diau njadi budak Yesus Keristus. Aku nulis ini batan endak jemau diau dipilia ngan disayangi Allah Bapak ngan dijagaui batan endak Yesus Keristus.

YUDAS 1:24

Allah pacak njagaui kamu, supayau jangan bebuat dusau. Diau pacak mbata'i kamu ngan riang ngan nidau becacat ke badaHau diau agung.