1 PITRUS 1:4 - PEJANJIAN EMPAI CERITAU ILUAK

⁴ Mangku kitau ngaghapka bulia bagian diau disediauka Allah batan endak umatAu. Bagiantu diimpani di sergau, mangku nidau pacak ghemas, busuak ngan luntur.

1 PITRUS 1:4 ပူးပေါင်းရင်းမြစ်များ

MATIUS 25:34

Mangku Rajau itu ka bekatau ngan ughang di sebela kananAu, ‘Mela, kamu diau disayangi BapakKu. Masuakla ke bada diau disediauka batan endak kamu jak deniau adau.

MARKUS 10:17

Yesus endak bejalan agi, mangku adau jemau diau belaghi njenguak Diau. Jemautu nunduak di adapanNyau, mangku betanyau ngan Diau, “Pak Guru diau iluak, tuapau diau mesti kukerjauka, mangku aku bulia idup selelamaunyau?”

RASUL 20:32

Mangku mbak kini aku nyeraka kapu dighi ngan Allah, supayau Diau njagaui kapu dighi ngan kapu dighi na'ati ceritau keilu'an Allah. Allahtu bekuasau nguatka kapu dighi ngan ngenjuakka setu diau iluak diau la disediauka batan endak gegalau umatAu.

RASUL 26:18

endak mbukakka matau ughangtu, supayau ughangtu ngeluagh jak di keleman masuak terang, supayau ughangtu lepas jak di kuasau iblis mangku dikuasaui Allah. Mangku dusaunyau ka diabiska, karnau ughangtu percayau ngan Aku, mangku ughangtu njadi angguta umat Allah diau dipilia itu.’ ”

RUM 8:17

Mangku karnau kitau ana'Au, kitau pulau behak nerimau setu diau dijanjika Allah batan endak ana'Au. Kitau ka nerimau pulau luak Keristus setu diau la disediauka Allah batan endak Diau. Karnau, amun kitau sengsarau ngan Diau, kitau pulau ka diagungka ngan Diau.

1 KURINTUS 9:25

Bilang tukang main diau ngikut betanding mesti maju na'an diriau. Jemautu ngerjauka titu endak bulia adia diau nidau ka lamau. Anyautu kitau na'an diri, karnau endak bulia adia diau ta'an lamau.

GALATIA 3:18

Amun pengenjuak Allah bepaut ngan ukum Taurat, itu ukan agi pengenjuak diau dijanjikatu. Tapitu karnau Allah la njanjikanyau ngan Abraham, mangku dienjuakkaNyau ngan diau.

IPISUS 1:11

Allah ngerjauka gegalaunyautu nurut kenda'Au diau ditetapka jak di senitu. Jak di penembai Diau la milia kitau njadi umatAu, karnau seghundak ngan Keristus.

IPISUS 1:14

Rua itula njamin kitau ka nerimau setu diau la dijanjika Allah ngan umatAu. Mangku kitau yakin, bansau kitau ka ditebus nian ngan dijadikaNyau umatAu, supayau Allah dipuji karnau keagunganNyau.

IPISUS 1:18

Aku mintak, supayau Diau mbukakka rupu'an kamu, mangku kamu ngerti setu diau kamu aghapka jak di Allah diau milia kamu. Mangku kamu keruan, bansau Allah kayau nian ngan serbau diau iluak diau disediaukaNyau batan endak umatAu.

KULUSI 1:12

Mangku kamu beterimau-kasia ngan Allah Bapak, karnau Allahtu njadika kamu pantas nerimau setu diau disediaukaNyau batan endak umatAu di bada diau terang.

KULUSI 1:5

Kamu ngerjauka titu, karnau kamu ngaghapka setu diau disediauka Allah batan endak kamu di sergau. Kamu la ndengagh titu, masau ceritau iluak diau benagh dikiciakka ngan kamu.

KULUSI 3:24

Ingatkala bansau kamu ka nerimau upa jak di Tuhan diau dijanjikaNyau, karnau Keristus Tuhan kamu ngan kamu bekerjau batan endak Diau.

2 TIMUTIUS 4:8

Mbak kini adia menang la nunggu aku, karnau idupku la dibenaghka Allah. Masau aghi kiamat, Tuhan akim diau adil ka nyeraka adiatu ngan aku. Ukan aku ajau diau ka nerimau adiatu, tapitu gegalau jemau diau nungguka nian Tuhan datang.

IBRANI 10:34

Kamu ngikut meghasauka kemada'an jemau diau dijilka. Masau gegalau retau kamu diambiak jemau, kamu maju riang, karnau kamu keruan, kamu adau setu diau lebia iluak agi diau ka ta'an selelamaunyau.

IBRANI 9:15

Karnau kerjau Keristustu Allah mbuat pejanjian diau empai, mangku jemau diau la dipilia Allah pacak nerimau setu diau la dijanjikaNyautu. Keristus la mati endak mbibaska jemau jak di salahau diau dibuat masau pejanjian diau dulu masia dipakai.

YAKUBUS 1:11

Matau-aghi tumbua, mangku masau dang angat ghumputtu ka layu, bungaunyau runtuan, alapau abis. Luak itu pulau jemau kayau; diau ka abis, masau dang beusaha.

1 PITRUS 3:9

Jangan mbalas setu diau ja'at ngan ja'at, apu maki ngan maki. Anyautu balaskala ngan mintak setu diau iluak jak di Allah. Karnau batan endak itula kamu dipilia Allah, supayau kamu nerimau setu diau iluak jak di Diau.

1 PITRUS 5:4

Mangku amun Keristus, tukang sayia bebiri diau agungtu, datang nanti, kamu ka nerimau adia menang diau alap nianan diau nidau ka beghuba.

PENGINA'AN 21:27

Anyautu jemau diau ngerjauka setu diau meghegingka ngan penipu ngan tuapau kila diau najis nidau ka masuak ke dalamau. Diau masuak cuman jemau diau namaunyau ditulis dalam kitab jemau idup diau adau di Anak Bebiritu.