1 PITRUS 1:3 - PEJANJIAN EMPAI CERITAU ILUAK

³ Mela kitau beterimau-kasia ngan Allah, Bapak Tuhan kitau Yesus Keristus! Diau nyayangi kitau nian. Karnau itu Diau ngenjuakka ngan kitau idup diau empai ngan carau ngidupka Yesus Keristus jak di mati, mangku kitau adau aghapan diau tetap.

1 PITRUS 1:3 ပူးပေါင်းရင်းမြစ်များ

YUHANIS 1:13

Ughangtu njadi anak Allah ukan ngan carau manusiau, ukan pulau karnau dikenda'i sughang jemau lanang, anyautu idup itu asalau jak di Allah.

RUM 12:12

Aghapkala Tuhan ngan riang. Amun adau penanggungan, ngalighla ngan maju bedu'a.

RUM 15:13

Allah itu bada kamu buaghap. Aku bedu'a, supayau Allah mbuat ati kamu riang ngan meghasau damai karnau kamu percayau, mangku ngan kuasau Rua Allah kamu ka tamba ngaghapka Diau.

RUM 4:25

Yesustu diseraka ngan dibunua karnau dusau kitau, mangku Diau diidupka agi, supayau kitau pacak ngulang seilu'an ngan Allah.

RUM 5:10

Masau kitau gi bemusuan ngan Allah, kitau la didamaika karnau Ana'Au mati batan endak kitau, apau agi mbak kini kitau diau la seilu'an ngan Allah, cengki kitau ka diselamatka karnau Keristus idup.

RUM 8:11

Amun Rua Allah diau la ngidupka Keristus jak di mati adau dalam kamu, mangku Allah diau ngidupka Keristus jak di matitu ka ngidupka badan kamu pulau, karnau RuaHau adau dalam kamu.

RUM 8:24

Kitau diselamatka karnau ngaghapka Allah. Anyautu amun setu diau kitau aghapka la kina'an, titu ukan diaghapka agi. Sapau masia ngaghapka setu diau la kina'an?

1 KURINTUS 13:13

Mangku penarau ini adau tigau mecam diau mesti kitau kerjauka: percayau, ngaghapka ngan nyayangi jemau. Mangku diau penting sekali jak di tigau itu nyayangi jemau.

1 KURINTUS 15:20

Anyautu nyela, Keristus idup agi jak di mati. Mangku adau aghapan, bansau jemau diau la mati ka idup agi.

2 KURINTUS 1:3

Tepujila Allah, Bapak Tuhan kitau Yesus Keristus. Diaula Bapak diau iluak nianan ngan maju nulung ngan neguaka kitau.

GALATIA 6:16

Mangku ngan jemau diau idup nurut pendirian ini aku bedu'a, supayau Allah iluak nian ngan ngenjuakka damai. Luak itu pulau ngan gegalau umat Allah.

IPISUS 1:17

Aku mintak, supayau Allah Tuhan kitau Yesus Keristus, Bapak diau agungtu, ngenjuakka RuaHau ngan kamu, mangku Ruatu ka ngenjuakka ngan kamu pengertian ngan nyatauka Allah diau benagh ngan kamu, mangku kamu ka keruan Diau.

IPISUS 1:3

Tepujila Allah, Bapak Tuhan kitau Yesus Keristus! Diau la ngenjuakka ngan kitau gegalau keilu'an jak di sergau, karnau kitau seghundak ngan Keristus.

IPISUS 1:7

Karnau Keristus la mati njadi kerban, mangku kitau dibibaska, retiau dusau kitau diabiska, karnau Diau nyayangi kitau nianan.

IPISUS 2:4

Anyautu Allah iluak nianan ngan kitau. Karnau Diau sayang tegalau,

IPISUS 3:20

karnau kuasau Allah bekerjau dalam ati kitau. Banyak tegalau dikerjauka Allah sangkan diau pacak kitau du'aka ngan rupuakka.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

1 TESALUNIKA 1:3

Kami maju teghingat ngan kamu di adapan Allah Bapak kitau, bansau dalam kerjau kamu kina'an kamu percayau nian, kamu iluak ngan jemau ngan galak bekerjau nulung jemau. Kami teghingat pulau, bansau kamu tekun ngaghapka Tuhan kitau Yesus Keristus.

1 TESALUNIKA 4:13

Mangku, kantin-kantinku, kami endak, supayau kamu ngeruani diau sebenaghau ceritau jemau diau la mati, mangku kamu nidau bingung luak jemau diau nidau bediau aghapan.

2 TESALUNIKA 2:16

Kami bedu'a, supayau Tuhan kitau Yesus Keristus ngan Allah Bapak kitau melemakka ngan neguaka ati kamu, mangku kamu pacak ngerjauka ngan ngiciakka setu diau iluak. Allah nyayangi kitau. Diau maju neguaka nian ngan ngenjuakka aghapan diau iluak ngan kitau, karnau Allahtu iluak.

1 TIMUTIUS 1:14

Anyautu aku dienju'i Tuhan keilu'an banyak kematila, mangku aku pacak percayau ngan nyayangi Yesus Keristus, karnau seghundak ngan Diau.

TITUS 2:13

Mbak kini kitau dang nungguka aghi diau meriangka diau kitau ngaghapka itu. Aghitu deniau ka nginak keagungan Allah diau Mahabesak ngan Yesus Keristus, Rajau Penyelamat kitau.

IBRANI 3:6

Tapi Keristus itu Anak diau ngepala'i ghuma Allahtu ngan ta'at. Mangku kitau inila ghuma Allah, amun kitau tegua ngan maju percayau ka bulia setu diau kitau aghapka.

YAKUBUS 1:18

Nurut kenda'Autula Diau njadika kitau ngan pirmanAu diau benagh. Diau ngerjauka titu, supayau kitau bulia bada diau iluak sekali jak di gegalaunyau diau la dijadikaNyau.

1 PITRUS 1:13

Karnau itu kamu mesti rupuakka kudai setu diau endak dikerjauka. Sepepadaula ngan aghapkala nian setu diau ka dienjuakka ngan kamu, masau Yesus Keristus datang nanti.

1 PITRUS 1:21

Karnau Diau kamu percayau ngan Allah diau la ngidupkaNyau jak di mati ngan ngagungkaNyau, mangku kamu percayau ngan ngaghapka Allah itula.

1 PITRUS 1:23

Karnau katau Allah diau idup selelamaunyau kamu la dijadika manusiau empai diau adau ukan karnau manusiau diau ka mati, tapitu karnau Bapak diau selelamaunyau.

1 PITRUS 2:2

Luak kupiak diau empai adau maju endak minum, kamu pulau mesti maju aus ngan katau Tuhan diau asli. Ngan carau luak itu kamu ka tumbua ngan diselamatka.

1 PITRUS 3:15

Dalam ati kamu regauila Keristus, karnau Diau Tuhan. Mangku kamu mesti maju siap-siagau nimbali jemau diau betanyau nanyauka aghapan diau adau di kamu.

1 PITRUS 3:21

Gegalaunyautu umpamau baptisan diau mbak kini nyelamatka kamu. Baptisantu ukan batan endak mberesiaka badan jak di gegalaunyau diau kumua, anyautu njadi janji ngan Allah jak di ati keciak diau iluak. Baptisantu nyelamatka kamu, karnau Yesus Keristus la idup jak di mati

1 PITRUS 3:5

Ngan carau luak itula tinau-tinau senitu diau buagamau ngan ngaghapka Allah meriasi diriau ngan carau tunduak ngan lakiau.

1 YUHANIS 2:29

Kamu la keruan, bansau Keristus idup nurut kendak Allah, mangku kamu mesti keruan pulau, bansau bilang jemau diau idup nurut kendak Allah asalau jak di Allah.

1 YUHANIS 3:3

Gegalau jemau diau ngaghapka Keristus njagaui diriau, supayau beresia jak di dusau, suci luak Diau pulau.

1 YUHANIS 3:9

Jemau diau la njadi anak Allah nidau agi bebuat dusau. Sipat Allah itula adau di diau, mangku diau nidau agi bedusau, karnau la njadi anak Allah.

1 YUHANIS 4:7

Kantin-kantinku diau kusayangi. Mela kitau sangi sayangi, karnau sayang asalau jak di Allah. Jemau diau nyayangi, jemautu anak Allah ngan keruan Allah.

1 YUHANIS 5:1

Jemau diau percayau, bansau Yesusla Rajau Penyelamat diau dijanjika Allah, jemautu anak Allah. Mangku jemau diau nyayangi Bapak, nyayangi anak-ana'Au pulau.

1 YUHANIS 5:18

Kitau keruan, bansau gegalau jemau diau la njadi anak Allah nidau agi bebuat dusau, karnau Anak Allah njagauinyau, mangku Iblis nidau pacak mbuat tuapau-apau ngan diau.

1 YUHANIS 5:4

karnau bilang anak Allah pacak ngalaka deniau diau ja'at ini. Ngan iman kitau ngalakanyau.