1 PITRUS 1:20 - PEJANJIAN EMPAI CERITAU ILUAK

²⁰ Keristustu la dipilia antak ka deniau dijadika. Mangku masau pengabisan ini Diau datang ke deniau batan endak kamu.

1 PITRUS 1:20 ပူးပေါင်းရင်းမြစ်များ

MATIUS 25:34

Mangku Rajau itu ka bekatau ngan ughang di sebela kananAu, ‘Mela, kamu diau disayangi BapakKu. Masuakla ke bada diau disediauka batan endak kamu jak deniau adau.

RASUL 2:23

Nurut rencanauNyau Allah la nyeraka Diau, la kapu dighi bunua ngan ngajung jemau ja'at makuka Diau di kayu salip.

RUM 3:25

Yesus Keristus itula la ditetapka Allah batan endak mati, mangku manusiau pacak seilu'an ngan Allah, amun percayau. Allah ngerjauka titu endak nyatauka, bansau Diautu adil. Senitu Allah ngaligh ngan jemau bedusau, mangku lum diukum.

RUM 8:29

Karnau bilang jemau diau la dipilia Allah jak di senitu pulau la ditetapka endak njadi semegi ngan Ana'Au Yesus Keristus, mangku Ana'Autu njadi diau tuau jak di ading-beghadingAu.

GALATIA 4:4

Anyautu la sampai masaunyau diau ditetapka Allah, mangku Diau ngajung ana'Au ke deniau. Diautu dilahirka sughang jemau tinau, mangku idup ta'at ngan ukum Taurat.

IPISUS 1:10

RencanauNyautu supayau gegalaunyau, empuak di sergau empuak di deniauni, njadi seghundak, mangku Keristus njadi kepala'au. Titu ka dikerjauka Allah, amun la sampai masaunyau.

IPISUS 1:4

Antak ka deniauni dijadika, Allah la milia kitau, supayau kitau beresia ngan nidau becacat di adapanNyau. Karnau Diau nyayangi kitau,

IPISUS 3:11

RencanauNyau la adau jak di penembai, mangku diajungAu Yesus Keristus, Tuhan kitau, ngerjaukanyau.

IPISUS 3:9

Diau pulau nugaska aku ngiciakka ngan gegalau jemau, luak manau Allah diau njadika gegalau deniauni ngerjauka rencanauNyau diau diresiauka senitu.

KULUSI 1:26

Ceritautu diresiauka Allah buabad-abad, mbak kini la dinyatauka ngan umatAu.

1 TIMUTIUS 3:16

Agung nianan resiau agamau kitau, Diau ngancakka diriAu ngan rupau manusiau, dibenaghka Rua Allah, dikinak malaikat-malaikat, dikiciakka ngan bangsau-bangsau diau nidau keruan Allah, dipercayaui di gegalau deniau, diangkat ke sergau bada diau agung.

IBRANI 1:2

Masau pengabisan ini Diau la ngajung Ana'Au ngiciak ngan kitau. Diau ngajung Ana'Autu njadika langit ngan deniau ngan gegalau isiau, mangku ditetapkaNyau behak nerimau gegalaunyau.

IBRANI 2:14

Jemau diau dikiciakka anak-buaHautu manusiau diau ka mati. Mangku Yesus njadi semegi ngan jemau, idup luak jemau, mangku karnau Diau matitu Iblis diau nguasaui mauttu la dikalaka.

IBRANI 9:26

Misalau Keristus semegi ngan imam besak tadi, bereti jak deniau dijadika Diau mesti rajin sengsarau. Anyautu tenyatau mbak kini masau pengabisan ini Diau datang sekali ajau endak ngabiska dusau ngan carau ngerbanka diriAu.

1 PITRUS 1:2

Kamu dipilia luak diau la direncanauka Allah Bapak. Kamu la diberesiaka Rua Allah, supayau kamu idup ta'at ngan Yesus Keristus ngan dibasua ngan daghaHau. Aku bedu'a, supayau Allah iluak nianan ngan kamu, maju ngenjuakka damai.

1 YUHANIS 1:2

Idup itu la diancakka, kamini la ngina'au, mangku mbak kini kami ngiciakka ceritaunyau. Kami ngiciakka ngan kamu idup ngenianau diau selelamaunyau diau adau ngan Allah Bapak. Idup itu la diancakka ngan kami.

1 YUHANIS 3:5

Kamu keruan, bansau Keristus datang endak ngabiska dusau manusiau, mangku Diau nidau bediau dusau.

1 YUHANIS 3:8

Jemau diau maju bedusau asalau jak di Iblis, karnau Iblis bedusau jak di penembai. Batan inila Anak Allah datang, endak ngancurka kerjau Iblis itu.

PENGINA'AN 13:8

Mangku gegalau jemau di deniau nyemba diau, gegalau jemau diau namaunyau nidau ditulis jak deniau la adau. Namaunyautu nidau ditulis di kitab jemau idup diau adau di Anak Bebiri diau la disembeliatu.