1 PITRUS 1:11 - PEJANJIAN EMPAI CERITAU ILUAK

¹¹ Ughangtu endak ngeruani, kebilau ngan luak manau titu ka tejadi diau dikiciakka Rua Keristus diau adau dalam ughangtu. Rua itu la ngiciakka sebelumau gegalau penanggungan diau mesti dighasauka Keristus ngan keagunganNyau diau ka dienjuakka ngan Diau udim itu.

1 PITRUS 1:11 ပူးပေါင်းရင်းမြစ်များ

MATIUS 26:24

Nyela, Anak Manusiau ka mati nendiau, luak la ditulis dalam Injil. Anyautu celakaula jemau diau njualka Anak Manusiautu. Iluakla diau nidau dilahirka.”

LUKAS 24:44

Udim itu Yesus bekatau ngan ughangtu, “Inila kici'anKu diau la Kukiciakka ngan kamu, timpau Aku gi seghundak ngan kamu, bansau gegalaunyau diau tetulis dalam kitab Taurat, kitab Nabi ngan kitab Masmur mesti tejadi.”

YUHANIS 12:41

Yesaya la ngiciak luak itu, karnau la nginak kuasau Yesus, mangku dikiciakkanyau.

RASUL 16:7

La sampai di Misia ughangtu ncubau masuak ke daira Bitinia, anyautu Rua Yesus nidau ngajung ughangtu ke situ.

RUM 8:9

Anyautu kamu nidau idup nurut serilau manusiau. Kamuni idup nurut Rua Allah, amun ngenian Ruatu adau dalam kamu. Jemau diau nidau bediau Rua Allah ukan hak Keristus.

GALATIA 4:6

Karnau kamu anak Allah, mangku Diau ngajung Rua Ana'Au nguasaui ati kitau diau ngiciakka, “Bak, bakku!”

2 PITRUS 1:21

karnau nidau kekela nabi ngiciakka titu ngan kenda'au sendighi. Anyautu ughangtu dikuasaui Rua Allah mangku ngiciakka katau jak di Allah.

PENGINA'AN 19:10

Mangku aku nunduak nyemba diau, anyautu diau bekatau, “Jangan luak ini! Jangan nyemba aku! Aku pulau budak semegi ngan kaba ngan kantin-kantin kaba diau maju percayau ngan Yesus. Sembala Allah!” Karnau ceritau diau dikiciakka nabi ceritau benagh diau dinyatauka Yesustu.