1 KURINTUS 9:18 - PEJANJIAN EMPAI CERITAU ILUAK

¹⁸ Amun luak itu, tuapau upaku? Inila upaku: Aku pacak ngiciakka ceritau iluak nidau mintak diupa, karnau nidau makai hakku, amun ngiciakka ceritau iluak.

1 KURINTUS 9:18 ပူးပေါင်းရင်းမြစ်များ

YUHANIS 4:36

Mbak kini jemau diau ngetam la nerimau upahau, diau melungguakka asilau batan endak idup empai selelamaunyau, mangku jemau diau nanam ngan jemau diau ngetam semegi riangau.

RASUL 18:3

Ughang duautu tukang kima semegi ngan Paulus. Karnau itu Paulus mendam di situ ngan bekerjau ngan ughangtu.

RUM 14:15

Amun kamu nyakiti ati kantin kamu karnau makanan, kerjau kamutu nyatauka kamu nidau nyayangi diau. Jangan mbenasauka kantin kamu karnau makanan, karnau Keristus la mati batan endak diau.

1 KURINTUS 10:33

Idupla luak aku. Aku beusaha endak melemakka ati gegalau jemau ngan carau luak manau kila, ukan batan endak kepentingan akunila, tapitu supayau banyak jemau diselamatka.

1 KURINTUS 3:8

Diau nanam ngan diau ngayi'i semegi. Diau ka nerimau upa sesughangan nurut kerjaunyautula.

1 KURINTUS 7:31

Mangku jemau diau pansan ngerjauka kerjau deniau luak nidau ngerjaukanyau, karnau deniauni nidau ka lamau agi.

1 KURINTUS 8:9

Anyautu sepepadaula. Jangan tejadi jemau lain bedusau karnau kepercayauan lum tegua, karnau kamu bibas ngerjauka tuapau kila.

1 KURINTUS 9:12

Amun jemau lain behak ngaghapka titu jak di kamu, cengki kami lebia behak jak di ughangtu. Anyautu kami lum nggunauka hak itu. Iluakla aku nanggungka gegalaunyau sangkan ngengalangi ceritau iluak jak di Keristus.

1 KURINTUS 9:15

Anyautu lum kekela aku makai hakku itu. Aku nulis titu, ukan supayau titu dikerjauka ngan aku mbak kini. Iluakla aku mati sangkan kelengitan setu diau kubanggakatu.

1 KURINTUS 9:17

Misalau aku ngerjaukanyau ngan kendakku sendighi, nyela aku behak nerimau upa. Anyautu aku ngerjauka titu karnau kewajibanku. Aku diajung Allah batan endak ngerjaukanyau.

2 KURINTUS 4:5

Ceritau diau kami kiciakkatu ukan nceritauka kaminila. Ceritautu nceritauka Yesus Keristus, bansau Diautu Tuhan, mangku kamini njadi budak kamu karnau Keristus.

1 TESALUNIKA 2:6

Kami nidau kekela mintak dipuji manusiau, empuak jak di kamu, empuak jak di jemau lain. Sebenaghau kami behak mintak setu jak di kamu, karnau kamini rasul Keristus.