1 KURINTUS 7:34 - PEJANJIAN EMPAI CERITAU ILUAK

³⁴ Mangku rupu'annyau tebagi-bagi. Sughang tinau diau nidau belaki ngan budak gadis ka merupuakka kerjau Tuhan, karnau diau endak, supayau gegalau idupau njadi hak Allah. Tinau diau la belaki banyak merupuakka deniauni, karnau endak melemakka ati lakiau.

1 KURINTUS 7:34 ပူးပေါင်းရင်းမြစ်များ

YUHANIS 10:13

Jemau tadi larat, karnau diau jemau upahan, nidau nyanauka bebiritu.

RUM 6:13

Jangan agi kamu nyeraka dandanan badan kamu ngan kuasau dusau endak ngerjauka setu diau ja'at. Anyautu serakala diri kamu ngan Allah karnau kamu la ngalia jak di mati mangku ngulang idup. Mangku serakala gegalau diri kamu ngan Allah batan endak ngerjauka setu diau benagh.

1 KURINTUS 6:20

Kamu la dibeli, regaunyau la dibayighi galau. Karnau itu regauila Allah ngan badan kamu.

1 KURINTUS 7:33

Jemau diau la bebunting, banyak merupuakka deniau, karnau endak melemakka ati buntingau.

1 KURINTUS 7:35

Gegalaunyautu kukiciakka batan endak keilu'an kamu, ukan nidau ngajung itu-ini, tapitu supayau ngerjauka setu diau benagh ngan iluak, mangku kamu pacak musatka rupu'an kamu ngan Tuhan.

2 KURINTUS 11:28

Lain jak di gegalaunyautu aku idang aghi temas merupuakka gegalau jemau Keristen.

2 KURINTUS 8:16

Terimau-kasia ngan Allah! Diautu mbuat Titus endak nian nulung kamu luak kami endak nulung kamu.

PILIPI 1:20

Aku endak nian ngan ngaghapka, supayau aku maju ngerjauka diau benagh. Aku ngaghapka, supayau luak jak di senitu mangku pulau mbak kini Keristus diregaui ngan gegalaunyau diau kukiciakka ngan kukerjauka, empuak aku idup empuak aku mati.

1 TESALUNIKA 5:23

Aku bedu'a, supayau Allah ngenjuakka kamu damai ngan njadika kamu jemau diau idup nian batan endak Allah. Aku bedu'a, supayau Allah njagaui gegalau idup kamu, rua ngan jiwa kamu, mangku amun Tuhan kitau Yesus Keristus datang agi, kamu nidau bediau cacatau.

1 TIMUTIUS 3:5

Amun jemau nidau pacak ngurus ghuma-tanggaunyau, luak manau diau pacak ngurus Ghuma Allah?

1 TIMUTIUS 5:5

Randau diau nian idup sughang ngan nidau bediau jemau nyayiau cuman ngaghapka Allah. Siang malam diau maju bedu'a ngan mintak tulung jak di Allah.

TITUS 3:8

Kici'an itu benagh. Mangku aku endak, supayau kaba nekanka kici'antu, mangku jemau diau la percayau ngan Allah beusaha nian ngerjauka setu diau iluak. Itula diau iluak ngan begunau batan endak gegalau jemau.