1 KURINTUS 5:10 - PEJANJIAN EMPAI CERITAU ILUAK

¹⁰ Diau kukiciakkatu ukan jemau diau nidau keruan Allah diau menaugawia, jemau selak, penipu ngan jemau diau nyemba patung. Ukan ughangtu diau kukiciakka, karnau amun kamu endak njawuhi ughangtu, cengki kamu ngeluagh nian jak di deniauni.

1 KURINTUS 5:10 ပူးပေါင်းရင်းမြစ်များ

LUKAS 18:11

Jemau Parisitu betegak ngadap Allah ngan bedu'a dalam atiau, ‘Allah, aku beterimau-kasia, karnau aku nidau luak jemau lain diau selak, nidau jujur, menaugawia, ngan pulau nidau luak tukang tagia cuki itu.

YUHANIS 15:19

Misalau kamu semegi ngan jemau di deniau, cengki deniau ka nyayangi kamu, karnau kamu semegi ngan deniau. Anyautu karnau Aku la milia kamu jak di deniauni, kamu ukan semegi ngan deniau. Itula sebapau deniau luat ngan kamu.

YUHANIS 17:6

Aku la nyatauka namau Dighi ngan gegalau jemau jak di deniauni diau la Dighi enjuakka ngan Aku. Dighitu ngempu ughangtu, mangku Dighi la ngenjuakka ughangtu ngan Aku. Ughangtu la nuruti kici'an Dighi.

YUHANIS 17:9

Aku ndu'aka ughangtu, Aku ukan ndu'aka deniau, anyautu Aku ndu'aka jemau diau la Dighi enjuakka ngan Aku, karnau Dighi ngempu ughangtu.

YUHANIS 8:23

Yesus bekatau agi ngan ughangtu, “Asal kapu dighi itu jak di bawa, asal Akuni jak di atas. Kapu dighi jak di deniauni, Akuni ukan jak di deniauni.

1 KURINTUS 1:20

Mangku tuapau retiau jemau pintar? Tuapau retiau jemau beilmu ngan jemau pintar ngiciak? Allah la nyatauka, bansau kepintaran manusiau nidau bediau retiau.

1 KURINTUS 10:27

Amun kamu dipantau makan di ghuma jemau diau nidau percayau, mangku kamu pegi, makanla setu diau dienjuakka ngan kamu, nidau nanti nanyauka jak di manau makanan itu, mangku kamu nidau ghibal.

1 KURINTUS 5:11

Diau kukiciakka, supayau kamu jangan bekantin ngan jemau diau ngakuak diriau jemau Keristen, anyautu jemau itu nidau senangaian, selak, nyemba patung, ngarutka jemau, tukang mabuak ngan pemaling. Serempak makan ajau jangan ngan jemau luak itu.

1 KURINTUS 5:9

Di suratku empaini la kukiciakka ngan kamu, supayau kamu jangan bekantin ngan jemau diau ngerjauka setu diau ja'at.

2 KURINTUS 4:4

Ughangtu nidau percayau, karnau rua iblis diau nguasaui deniauni ngalangi rupu'an, supayau nidau ngerti ngan nidau nginak terang jak di ceritau iluaktu, ceritau keagungan Keristus diau luak gambaran Allah.

IPISUS 2:2

Masau itu kamu nuruti carau deniau. Kamu ta'at ngan penguasau diau adau di awang-awang, diautu rua diau mbak kini nguasaui ati jemau diau nidau ta'at ngan Allah.

PILIPI 2:15

Mangku kamu nidau besala, luak anak-anak Allah diau nidau becacat ngan idup ngan benagh di guak jemau diau ja'at ngan bedusau. Mangku kamu luak bintang diau besinagh di langit nerangi deniau,

1 YUHANIS 4:5

Ughangtu asalau jak di deniau. Ughangtu ngiciakka setu diau adau di deniauni, mangku deniau ndengaghka kici'an ughangtu.

1 YUHANIS 4:7

Kantin-kantinku diau kusayangi. Mela kitau sangi sayangi, karnau sayang asalau jak di Allah. Jemau diau nyayangi, jemautu anak Allah ngan keruan Allah.

1 YUHANIS 5:19

Kitau keruan, bansau kitauni asalau jak di Allah, empuak gegalau deniauni dikuasaui Iblis.

PENGINA'AN 12:9

Mangku nagau besaktu dicapakka keluagh. Diautu ulagh tuau diau dikiciakka Iblis ngan Sitan diau nyesatka gegalau deniau. Mangku diau diumbanka ke deniau. Luak itu pulau anak-buahautu.