1 KURINTUS 4:12 - PEJANJIAN EMPAI CERITAU ILUAK

¹² Kami mbanting tulang. Amun kami didawaika, kami mbalaska ngan du'a. Amun kami disaraui, kami ngaligh.

1 KURINTUS 4:12 ပူးပေါင်းရင်းမြစ်များ

MATIUS 5:11

Riangla kamu, amun kamu digelakka dianiayau, diburuakka ikak Aku.

MATIUS 5:44

Anyautu mbak kini Aku bekatau ngan kamu: Sayangila musua kamu ngan du'akala jemau diau meluatka kamu.

LUKAS 23:34

Yesus bekatau, “Bapak, ampunila ughangni, karnau ughangni nidau keruan tuapau diau dikerjaukanyautu.” Baju Yesus diagiaka ughangtu ngan disuntinkanyau.

LUKAS 6:28

Mintak selamat batan endak jemau diau ndawaika kamu. Bedu'ala batan endak jemau diau nggelakka kamu.

YUHANIS 15:20

Ingatkala setu diau la Kukiciakka ngan kamu: Sughang budak nidau lebia bekuasau jak di tuanau. Amun ughangtu la nganiayau Aku, ughangtu ka nganiayau kamu pulau. Amun ughangtu la nuruti kici'anKu, ughangtu ka nuruti kici'an kamu pulau.

RASUL 18:3

Ughang duautu tukang kima semegi ngan Paulus. Karnau itu Paulus mendam di situ ngan bekerjau ngan ughangtu.

RASUL 20:34

Kapu dighini keruan, mbak bansau aku rajin bekerjau ngan tangankunila batan endak pengidupanku ngan kantin-kantinku diau ngikut aku.

RASUL 7:60

Mangku diau nunduak ngan tegauk, “Tuhan, dusau ini jangan ditanggungka ngan ughangni.” Udim ngiciakka luak itu diau mati.

RUM 12:14

Mintak ngan Allah setu diau iluak batan endak jemau diau meluatka kamu, du'akala, jangan didawaika.

RUM 12:20

Anyautu amun musua kamu lapagh, enju'i diau makan. Amun diau aus, enju'i diau minum. Ngan carau luak itu diau ka maluan.

RUM 8:35

Tuapau pacak ngalangi Keristus nyayangi kitau? Apu Diau dialangi, amun kitau bingung ngan nanggung, amun kitau diluatka, amun kelapaghan ngan serik, amun adau bayau, lagi mati?

1 KURINTUS 9:6

Apu cuman ughangtu diau behak nidau nanti kerjau batan endak pengidupan? Apu Barnabas ngan aku nidau pacak?

2 KURINTUS 11:8

Masau aku kerjau batan endak kamu, aku dibayighi jemau Keristen lainau. Pacak dikiciakka aku merugika jemautu, mangku pacak nulung kamu.

IPISUS 4:28

Jemau diau pemaling jangan agi maling. Diau mesti bekerjau nian, mangku bulia pengidupan diau benagh ngan pacak nulung jemau diau kurangan.

1 TESALUNIKA 2:9

Cengki kamu gi teghingat, luak manau kami bekerjau mati-matian. Siang-malam kami bekerjau, supayau kami nidau ngeriaka sughang kia jak di kamu, masau kami ngiciakka ceritau iluak jak di Allah itu ngan kamu.

2 TESALUNIKA 3:8

Kami nidau makan makanan jemau ngan nidau dibayighi. Siang-malam kami bekerjau mbanting tulang, supayau kami jangan merugika sughang kia jak di kamu,

1 TIMUTIUS 4:10

Itula sebapau kitau bejuang ngan bekerjau nian, karnau kitau ngaghapka nian Allah diau idup. Diautu pacak nyelamatka gegalau jemau, terutamau jemau diau percayau.

1 PITRUS 2:23

Masau Diau digelakka ngan ditulak, Diau nidau mbalas. Masau Diau nanggung, Diau nidau ndendam, tapitu Diau nyeraka pekarauNyau ngan Allah, akim diau adil.

1 PITRUS 3:14

Anyautu amun nyela kamu sengsarau karnau ngerjauka setu diau iluak, riangla kamu. Jangan kamu takut ngan sapau kila, jangan ghegak.

1 PITRUS 3:9

Jangan mbalas setu diau ja'at ngan ja'at, apu maki ngan maki. Anyautu balaskala ngan mintak setu diau iluak jak di Allah. Karnau batan endak itula kamu dipilia Allah, supayau kamu nerimau setu diau iluak jak di Diau.

1 PITRUS 4:19

Itula sebapau amun adau jemau diau sengsarau karnau Allah ngenda'i luak itu, jemau itu mesti maju ngerjauka diau iluak, mangku nyeraka diriau ngan Allah diau njadikanyau. Diau cetau nepati janjiAu.

YUDAS 1:9

Mikail, pengulu malaikattu, nidau pulau ngerjauka titu. Masau diau bebala ngan Iblis mbalaka sapau diau ka dapat mayat Musa, nidau beghani nggelakka Iblis ngan kici'an. Diau cuman ngiciakka, “Tuhan ka marai kaba!”