1 KURINTUS 4:10 - PEJANJIAN EMPAI CERITAU ILUAK

¹⁰ Karnau Keristus kamini bigal, kamutu pintar; kami litak, kamu kuat; kami digelakka, kamu dipuji.

1 KURINTUS 4:10 ပူးပေါင်းရင်းမြစ်များ

MATIUS 24:9

Masau itu kamu ka ditangkap ngan diseraka endak disaraui ngan dibunua. Kamu ka diluatka gegalau jemau, karnau kamu percayau ngan Aku.

MATIUS 5:11

Riangla kamu, amun kamu digelakka dianiayau, diburuakka ikak Aku.

LUKAS 10:16

Mangku Yesus bekatau ngan anak-buaHau, “Jemau diau ndengaghka kamu ndengagh Aku. Jemau diau nidau nerimau kamu nidau nerimau Aku, mangku jemau diau nidau nerimau Aku, nidau pulau nerimau Allah diau ngajung Aku.”

LUKAS 18:9

Ceritau ini diceritauka Yesus ngan jemau diau nganggap diriau nidau besala ngan nganggap diriau lebia jak di jemau lain.

LUKAS 6:22

Riangla kamu, amun kamu diluatka, ditulak, digelakka ngan diburuakka jemau karnau Anak Manusiau.

RASUL 17:18

Adau pulau guru-guru ajaghan Ipikurus ngan Setua diau peragau ngan Paulus. Adau jemau diau bekatau, “Tuapau diau endak dikiciakka tukang mbu'ung ini?” Adau pulau jemau lain diau bekatau, “Upaunyau diauni ngiciakka diwau bangsau lain.” Karnau Paulus ngiciakka ceritau Yesus ngan ceritau ngulang idup jak di mati.

RASUL 17:32

Satu ughangtu ndengagh, bansau jemau mati ka ngulang idup, adau diau nawauka Paulus. Adau pulau diau bekatau, “Nanti ajau kami ndengagh kici'an kaba agi.”

RASUL 26:24

Penarau Paulus ngiciakka gegalaunyautu endak mbenaghka diriau, Pestus tegauk, kataunyau, “Kaba gilau, Paulus! Kepintaran kaba mbuat kaba gilau.”

RASUL 9:16

Akunila ka nunjuakka ngan diau banyak sengsarau diau mesti dighasaukanyau karnau Aku.”

1 KURINTUS 1:21

Luak manau kila pintar manusiau, diau nidau ka pacak keruan Allah ngan kepintarannyautu. Anyautu karnau Allah bepengertian, Diau endak nyelamatka jemau diau percayau ngan Diau karnau ceritau iluak diau dianggap deniau kici'an bigal.

1 KURINTUS 1:23

Kamini ngiciakka Keristus mati di kayu salip. Ceritau itu nyinggung jemau Yahudi, jemau ukan Yahudi nganggap itu bigal.

1 KURINTUS 1:25

Karnau setu diau kina'an bigal di Allah, pintarla titu sangkan kepintaran manusiau; diau kina'an litak di Allah, teguala titu sangkan manusiau.

1 KURINTUS 10:12

Mangku jemau diau nyangkau diau tegua, sepepadaula, supayau jangan benasau.

1 KURINTUS 2:14

Jemau diau nidau bediau Rua Allah nidau pacak nerimau setu diau dinyatauka Rua itu. Jemau luak itu nidau pacak ngerti, karnau nganggap titu bigal, karnau titu cuman pacak dikeruani, amun diajagh Rua Allah.

1 KURINTUS 2:3

Masau aku guak kamu, aku litak ngan gemetagh ketakutan.

1 KURINTUS 3:18

Jangan sughang kia nipuka diriau. Amun adau jak di kamu diau meghasau pintar nurut deniauni, nengkela diau njadi bigal, mangku diau bepengertian nian.

1 KURINTUS 3:2

Puan kuenjuakka ngan kamu senitu, ukan makanan jemau besak, karnau kamu lum pacak nerimaunyau. Mbak kini kamu lum pulau pacak nerimaunyau,

1 KURINTUS 4:8

Nyela, kamu la puas, nidau endak tuapau-apau agi. Kamu la kayau, la njadi rajau, kami nidau. Alaka ilu'au, amun kamu la njadi rajau nian, mangku kami pulau pacak njadi rajau ngan kamu.

2 KURINTUS 10:10

Jemau bekatau, “Surat Paulus itu tegas ngan keghas. Anyautu amun adau guak kitau, diau lemas ngan kici'annyau nidau bediau retiau.”

2 KURINTUS 11:19

Kamu ngaligh nian ngan jemau bigal, karnau kamu meghasau pintar.

2 KURINTUS 11:29

Amun adau diau nidau tegua, aku meghasau pulau nidau tegua. Amun adau diau celakau ngan dusau, atiku madak nian karnau maluan.

2 KURINTUS 13:9

Kami riang, amun kami litak ngan kamu kuat. Kami bedu'a pulau, supayau kamu njadi iluak agi.

2 KURINTUS 4:12

Kami maju dalam bayau maut, mangku kamu bulia idup.

2 KURINTUS 6:8

Kami diregaui empuak digelakka. Kami dipuji empuak diburuakka. Kami dikiciakka pembu'ung, empuak kamini jujur.

1 TESALUNIKA 4:8

Karnau itu, jemau diau enggup nerimau ajaghan ini, ukanau enggup nerimau manusiau, tapitu enggup nerimau Allah diau ngenjuakka RuaHau diau beresia ngan kamu.

1 PITRUS 4:14

Mujurla kamu, amun digelakka mbak kini karnau percayau ngan Keristus. Titu ngancakka, bansau Rua diau bekuasau, diautu Rua Allah, adau di kamu.