1 KURINTUS 4:1 - PEJANJIAN EMPAI CERITAU ILUAK

¹ Anggapla kami pekerjau Keristus diau dipercayauka ngiciakka rencanau Allah diau lum keruan ngan deniau.

1 KURINTUS 4:1 ပူးပေါင်းရင်းမြစ်များ

MATIUS 13:11

Katau Yesus, “Ngan kamu la dinyatauka resiau ngeruani Allah njadi rajau ngan kekuasauanNyau tapitu ngan ughangtu nidau.

MATIUS 24:45

Katau Yesus agi, “Budak diau manau, diau pacak dipercayaui mangku diau dijadika tuanau kepalak jak di gegalau buda'au, supayau ngenju'i ughangtu makanan padau masaunyau?

MARKUS 4:11

Katau Yesus, “Ngan kamu la dinyatauka resiau ngeruani Allah njadi rajau. Anyautu ngan jemau lain gegalaunyautu dikiciakka ngan cuntau ceritau,

LUKAS 1:2

Ughangtu nulis luak diau diceritauka ngan kitau jak di jemau diau la nginak nian ceritau itu tejadi jak di penembaiau, mangku disiarkanyau.

LUKAS 12:42

Katau Tuhan, “Jadila luak budak diau iluak ngan pacak dipercayaui, mangku diau dijadika tuanau kepalak jak di gegalau buda'au, supayau ngenju'i ughangtu makanan padau masaunyau.

LUKAS 8:10

Katau Yesus, “Ngan kamu la dinyatauka resiau ngeruani Allah njadi rajau ngan kekuasauanNyau. Anyautu ngan jemau lain dikiciakka ngan umpamau, mangku ughangtu nginak anyautu nidau kina'an, ughangtu ndengagh anyautu nidau terti.

RUM 11:25

Kantin-kantinku, mangku supayau kamu jangan nganggap kamu la keruan gegalaunyau, aku endak supayau kamu ngeruani resiau ini: Separau jak di jemau Israil melawan, anyautu cuman enggut bilangan jemau bangsau lain diau percayau la cukup.

RUM 16:25

Tepujila Allah! Diau bekuasau neguaka kamu nurut ceritau iluak jak di Allah diau kuceritauka ngiciakka Yesus Keristus. Aku ngiciakka titu nurut setu diau dinyatauka Allah ceritau rencanau Allah diau buabad-abad nidau dikeruani jemau.

1 KURINTUS 2:7

Pengertian diau kukiciakkatu pengertian jak di Allah. Pengertiantu nidau dikeruani deniau. Allah la nyediaukanyau batan endak keriangan kitau, antak ka deniau dijadikaNyau.

1 KURINTUS 3:5

Sebenaghau sapau Apulus, sapau Paulus? Kamini cuman pekerjau Allah diau mbimbing kamu percayau ngan Keristus. Kami cuman ngerjauka tugas diau diajungka Allah ngan kami sesughangan.

1 KURINTUS 4:13

Amun jemau ngarutka kami, kami nimbal ngan katau iluak. Kami nidau lebia jak di sesara deniau, luak kapaghan enggut mbak kini.

1 KURINTUS 4:2

Diau penting, supayau pekerjautu pacak dipercayaui.

2 KURINTUS 11:23

Apu ughangtu bekerjau batan endak Keristus? Aku ngiciak luak jemau gilau, iluakla aku sangkan gegalau ughangtu. Nemanla aku bekerjau, rajinla aku dijilka. Banyakla aku disaraui ngan rajin sengkiap mati.

2 KURINTUS 12:6

Misalau aku endak muji diriku, aku nidau ka mbu'ung, aku ka ngiciakka diau benagh. Anyautu aku na'an diriku, supayau jangan adau jemau diau nganggap aku lebia jak di setu diau dikinak di aku ngan didengagh jak di aku.

2 KURINTUS 4:5

Ceritau diau kami kiciakkatu ukan nceritauka kaminila. Ceritautu nceritauka Yesus Keristus, bansau Diautu Tuhan, mangku kamini njadi budak kamu karnau Keristus.

2 KURINTUS 6:4

Anyautu gegalau kerjau kami nunjuakka kami bekerjau batan endak Allah. Kami la nanggungka gegalau sengsarau ngan penanggungan ngan ngaligh nian.

IPISUS 1:9

Diau la nyatauka ngan kitau resiau rencanauNyau, karnau Diau endak nyataukanyau. Rencanautu la direncanauka jak di penembai endak diudimi Keristus.

IPISUS 6:19

Du'akala pulau aku, supayau amun aku ngiciak, Allah ngenjuakka aku katau diau tepat, mangku aku ngiciakka resiau ceritau iluak ngan beghani.

KULUSI 2:2

Aku ngerjauka titu, supayau ughangtu diteguaka ngan sangi sayangi, mangku ughangtu besatu. Ngan carau luak itu ughangtu ngerti nian ngan yakin ngan ngeruani resiau Allah, diautu Keristus.

KULUSI 4:3

Du'akala pulau kami, supayau kami pacak ngiciakka ceritau resiau Keristus. Ikak aku ngerjauka titu, aku dijilka.

1 TIMUTIUS 3:16

Agung nianan resiau agamau kitau, Diau ngancakka diriAu ngan rupau manusiau, dibenaghka Rua Allah, dikinak malaikat-malaikat, dikiciakka ngan bangsau-bangsau diau nidau keruan Allah, dipercayaui di gegalau deniau, diangkat ke sergau bada diau agung.

1 TIMUTIUS 3:6

Jangan milia jemau diau empai percayau, mangku diau jangan njadi geduak ngan diukum luak iblis.

1 TIMUTIUS 3:9

Ughangtu mesti maju percayau nian ngan ajaghan Keristus ngan ati diau beresia.

TITUS 1:7

Pengulu jemau Keristen jemau diau ngerjauka kerjau Allah, mangku diau nidau bulia besala, geduak, pemara, memabu'an, galak belagau, ngan tetancian.

1 PITRUS 4:10

Bilang kamu la bulia pengenjuak diau bebida jak di Allah, mangku jadila pengurus pengenjuak Allahtu diau iluak ngan makaiau endak nulungi jemau.