1 KURINTUS 3:13 - PEJANJIAN EMPAI CERITAU ILUAK

¹³ Mangku kerjau bilang jemau ka kina'an, masau Keristus ngulang datang nanti, karnau ka dinyatauka ngan api. Aghi itu kerjau bilang jemau ka diuji ngan api, mangku keruan regaunyau.

1 KURINTUS 3:13 ပူးပေါင်းရင်းမြစ်များ

MATIUS 10:15

Keruanila, masau aghi kiamat banyakla tanggungan kuta itu sangkan Sudum ngan Gumura.”

MATIUS 16:27

Karnau Anak Manusiau ka datang agi nanti ngan kuasau Bapa'Au, dikantini malaikat-malaikatAu. Masau itu Diau ka mbalas bilang jemau nurut kerjaunyau.

LUKAS 2:35

mangku isi ati jemau banyaktu keruan. Anyautu ati kaba ka pedia, luak lukau ngan pedang diau tajam.”

RUM 2:16

Nurut ceritau iluak diau kukiciakkatu, gegalaunyau ka tejadi nanti masau aghi itu, amun Allah ngajung Yesus Keristus ngukum gegalaunyau diau tebuni dalam ati jemau.

RUM 2:5

Anyautu kamu maju melawan, enggup beghuba. Karnau itu kamu itula diau mbuat ukuman kamu tamba beghat masau aghi kiamat nanti, amun Allah nyatauka maraHau ngan ukumanNyau diau adil,

1 KURINTUS 1:8

Diau pulau ka neguaka ngan njagaui kamu enggut pengabisan, mangku kamu nidau becacat masau aghi Tuhan kitau Yesus Keristus datang.

1 KURINTUS 3:12

Adau diau negakka ghuma di pucuak pelapiaktu makai emas, pirak ngan permatau, madak kayu, ghumput ngan jeghami.

1 KURINTUS 4:5

Itula sebapau, jangan kamu cepat ngakimi jemau, amun lum masaunyau, antak ka Tuhan datang. Diautu ka nginakka gegalaunyau diau dibunika di keleman. Diau ka ngancakka gegalaunyau diau direncanauka dalam ati manusiau. Masau itula bilang jemau ka nerimau jak di Allah pujian diau pantas diterimau.

2 TIMUTIUS 1:12

Itula sebapau aku nanggungka gegalaunyautu, tapitu aku nidau maluan, karnau aku keruan diau kupercayauitu. Aku yakin, bansau setu diau la dipercayauka ngan aku pacak Diau jagaui enggut aghi kiamat.

2 TIMUTIUS 1:18

Diau pulau banyak nulung aku masau di Ipisus. Ceritau itu kaba keruan. Aku bedu'a, supayau Tuhan iluak ngan diau masau aghi kiamat.

2 TIMUTIUS 3:9

Ughangtu nidau ka maju buasil, karnau kerjau ughangtu ka dikeruani gegalau jemau, luak la dighasauka Yanis ngan Yamberis.

2 TIMUTIUS 4:8

Mbak kini adia menang la nunggu aku, karnau idupku la dibenaghka Allah. Masau aghi kiamat, Tuhan akim diau adil ka nyeraka adiatu ngan aku. Ukan aku ajau diau ka nerimau adiatu, tapitu gegalau jemau diau nungguka nian Tuhan datang.

IBRANI 10:25

Mela kitau rajin betunggal endak sembayang, jangan kitau malas luak bebeghapau jemau. Mela kitau sangi ingatka ngan tamba rajin ngerjaukanyau, karnau nidau lamau agi Tuhan ka datang.

1 PITRUS 1:7

Tujuan gegalaunyautu endak nguji iman kamu. Emas diau pacak ghemas diuji pulau ngan api. Beregaula iman kamu sangkan emas, mangku imantu mesti diuji pulau, supayau njadi tegua. Mangku kamu ka dipuji, diregaui ngan diagungka, amun Yesus Keristus datang agi.

1 PITRUS 4:12

Kantin-kantinku diau kusayangi. Mbak kini kamu banyak penanggungan ikak diuji. Nidau nanti kemangan, karnau setu diau tejadi di kamu nidau sebeghapau.

2 PITRUS 3:10

Anyautu aghi Tuhan datang ka sampai nidau disangkau, luak pemaling. Masau itu langit ka lengit ngan muni gurua diau besak. Setu diau adau di langit ka abis galau mutung ngan api. Deniau ngan gegalau isiau ka abis galau.

2 PITRUS 3:7

Anyautu langit ngan deniau diau adau mbak kini disayia ngan katau Allah, ka dibenasauka pulau ngan api. Diau gi nunggu enggut masau jemau diau nidau keruan Allah diukum ngan dibenasauka.

PENGINA'AN 20:12

Mangku aku nginak jemau mati, besak-keciak, betegak di adapan kerusi rajautu. Gegalau kitab dibukak, dibukak pulau sebua kitab lain, diautu kitab jemau idup. Mangku gegalau jemau diadili nurut perembak sesughangan, luak ditulis dalam kitab-kitabtu.