1 KURINTUS 3:10 - PEJANJIAN EMPAI CERITAU ILUAK

¹⁰ Ngan pengertian diau dienjuakka Allah, aku luak tukang negakka ghuma la mbuat pelapiak batan endak ghuma itu, mangku jemau negakka ghuma di pucuak pelapiaktu. Bilang jemau mesti ngeruani, luak manau negak di pucu'autu.

1 KURINTUS 3:10 ပူးပေါင်းရင်းမြစ်များ

MATIUS 24:45

Katau Yesus agi, “Budak diau manau, diau pacak dipercayaui mangku diau dijadika tuanau kepalak jak di gegalau buda'au, supayau ngenju'i ughangtu makanan padau masaunyau?

MATIUS 7:24

“Bilang jemau diau ndengagh kici'anKu ini ngan nurutinyau, jemautu umpamau jemau bepengertian diau negakka ghumahau bepelapiak batu.

LUKAS 11:35

Karnau itu sepepadaula, supayau terang diau adau di ati kamu nidau njadi keleman.

LUKAS 21:8

Yesus bekatau, “Sepepadaula, jangan kamu tetipu. Banyak jemau ka datang makai namauKu ngan bekatau, ‘Akula diau’ lagi, ‘La masaunyau’. Jangan kamu ngikut ughangtu.

RASUL 18:27

La udim itu, Apulus endak pegi ke Akaya. Mangku jemau percayau di Ipisus nyurati jemau diau percayau di Akaya, supayau ughangtu nerimau Apulus ngan riang. Apulus la sampai di Akaya, mangku nulung nian jemau percayau karnau keilu'an Allah.

RUM 1:5

Karnau Diau pulau kami disayangi Allah mangku dijadika rasul endak meregaui Keristus ngan mbimbing jemau jak di gegalau bangsau, supayau percayau ngan ta'at ngan Keristus.

RUM 12:3

Allah la ngenjuakka pengertian ngan aku, mangku aku ngici'i gegalau kamu, jangan nganggap diri kamu lebia jak di sebenaghau. Anyautu kamu mesti merupuakka diri kamu ngan ngensian, bilang ughang nurut kesanggupan percayau diau dienjuakka Allah ngan kamu.

RUM 15:15

Mangku dalam surat ini aku beghani nulis bebeghapau petua-peturun ngan kamu, karnau titu la ditugaska Allah ngan aku.

RUM 15:20

Tujuanku jak di senitu endak ngiciakka ceritau iluak jak di Allah di guak jemau diau lum ndengaghka ceritau Keristustu, karnau aku enggup ndalak untung jak di kerjau jemau.

1 KURINTUS 3:11

Karnau nidau sughang kiala pacak mbuat pelapiak lain jak di diau la dibuat Allah, diautu Yesus Keristus.

1 KURINTUS 9:2

Empuak jemau lain nidau endak ngaku'i aku rasul, cengki kamu ngaku'i aku rasul, karnau idup kamu jemau Keristen mbuktika, bansau aku rasul.

2 KURINTUS 10:15

Kami nidau muji diri kami ngan kerjau jemau diau adau di luagh batas diau ditetapka Allah batan endak kami. Kami ngaghapka kamu tamba percayau ngan Keristus, mangku kami pacak ngerjauka kerjau diau lebia besak agi di guak kamu. Kerjau itu maju adau dalam batas diau ditetapka Allahtu.

IPISUS 2:20

Kamu umpamau ghuma diau ditegakka di pelapiak diau dibuat rasul-rasul ngan nabi-nabi ngan Keristus njadi batu pelapiak diau penting sekali.

KULUSI 1:29

Batan endak itula aku bekerjau mati-matian. Aku beusaha ngan gegalau tenaga diau dienjuakka Keristus ngan aku diau kuat bekerjau di aku.

KULUSI 4:17

Kiciakka ngan Arkipus, bansau diau mesti ngudimka kerjau diau diajung ngan diau batan endak Tuhan.

1 TESALUNIKA 3:2

mangku kami ngajung Timutius, ading kitau. Diautu bekerjau ngan kami batan endak Tuhan ngiciakka ceritau Keristus. Kami ngajung Timutius, supayau diau neguaka ati kamu ngan ngajung kamu tamba percayau nian ngan Keristus,

1 TIMUTIUS 4:16

Jagauila diri kaba ngan jagauila ajaghan kaba. Kaba mesti tekun ngerjauka gegalaunyautu, karnau ngan carau luak itu kaba ka nyelamatka diri kaba ngan gegalau jemau diau ndengaghka kaba.

2 TIMUTIUS 2:15

Usahakala, supayau kaba dianggap pantas bekerjau batan endak Allah, mangku nidau nanti maluan karnau kerjau kaba. Anyautu ajaghka nian ajaghan diau benaghtu.

YAKUBUS 3:1

Kantin-kantinku, nidau nanti banyak jak di kamu diau endak njadi guru. Kitau keruan, bansau kitau diau njadi guru ka diadili lebia beghat jak di jemau lain.

1 PITRUS 4:11

Jemau diau beketuba mesti ngiciakka katau Allah. Jemau diau nulungi jemau mesti ngerjaukanyau ngan kekuatan jak di Allah, mangku Allah maju diregaui karnau Yesus Keristus. KuasauNyau ngan keagunganNyau nidau ka udim-udim selelamaunyau. Nyela nian.

2 PITRUS 3:15

Tuhan kitau ngaligh. Anggapla masau ini diau dienjuakka ngan kitau, supayau pacak selamat. Paulus, kantin kitau diau disayangi, la nulis pulau luak itu ngan kamu. Diau nulis titu nurut pengertian diau dienjuakka Allah ngan diau.

PENGINA'AN 21:14

Di dinding kutatu adau duau belas batu pelapiak, mangku di batutu ditulis namau duau belas rasul Anak Bebiritu.

PENGINA'AN 21:19

Batu pelapiak kutatu diperiasi ngan gegalau mecam permatau. Pelapiak diau petamau diperiasi batu yaspis, diau keduau batu nilam, diau ketigau batu mira, pelapiak diau keempat batu samrut,