1 KURINTUS 2:14 - PEJANJIAN EMPAI CERITAU ILUAK

¹⁴ Jemau diau nidau bediau Rua Allah nidau pacak nerimau setu diau dinyatauka Rua itu. Jemau luak itu nidau pacak ngerti, karnau nganggap titu bigal, karnau titu cuman pacak dikeruani, amun diajagh Rua Allah.

1 KURINTUS 2:14 ပူးပေါင်းရင်းမြစ်များ

MATIUS 16:23

Yesus nulia mangku bekatau ngan Pitrus, “Laratla iblis! Kaba ngalangi Aku. Rupu'an kabatu rupu'an manusiau, ukan rupu'an Allah.”

YUHANIS 10:20

Banyak jemau ngiciakka, “Diauni diarung iblis, Diau gilau. Ngapau kamu ndengaghka Diau?”

YUHANIS 12:37

La banyak tandau nyelia dikerjauka Yesus di mukau ughangtu. Empuak luak itu ughangtu nidau kila percayau ngan Diau.

YUHANIS 14:17

Diau itu Rua Allah diau ka nyatauka, sapau Allah sebenaghau. Deniau nidau pacak nerimau Diau, karnau deniau nidau nginak Diau ngan ngeruani Diau. Anyautu kamuni ngeruani Diau, karnau Diau di guak kamu ngan mendam dalam kamu.

YUHANIS 14:26

Anyautu Rua Allah, Penulung diau ka diajung Bapak atas namauKu, diautu ka ngajaghka gegalaunyautu ngan kamu ngan ngingatka gegalaunyau diau la Kukiciakka ngan kamu.

YUHANIS 15:26

Aku ka ngajung Penulung njenguak kamu diau asalau jak di Bapak. Diau ka nyatauka Allah sebenaghau. Amun Diau datang, Diau ka ngiciakka Aku.

YUHANIS 5:44

Kapu dighi ndalak puji jak di sughang ngan diau lain, nidau beusaha ndalak puji jak di Allah diau Esa. Luak manau kapu dighi pacak percayau?

YUHANIS 8:43

Tuapau sebapau kapu dighi nidau ngerti setu diau Kukiciakka? Karnau kapu dighi enggup nerimau kici'anKu.

RASUL 16:14

Adau sughang jak di tinautu, namaunyau Lidia, asalau jak di Tiatira. Diautu tukang dagang kain ungu diau besak regaunyau. Diautu nyemba Allah. Tuhan mbukakka atiau, mangku diau nerimau kici'an Paulus,

RASUL 17:18

Adau pulau guru-guru ajaghan Ipikurus ngan Setua diau peragau ngan Paulus. Adau jemau diau bekatau, “Tuapau diau endak dikiciakka tukang mbu'ung ini?” Adau pulau jemau lain diau bekatau, “Upaunyau diauni ngiciakka diwau bangsau lain.” Karnau Paulus ngiciakka ceritau Yesus ngan ceritau ngulang idup jak di mati.

RASUL 17:32

Satu ughangtu ndengagh, bansau jemau mati ka ngulang idup, adau diau nawauka Paulus. Adau pulau diau bekatau, “Nanti ajau kami ndengagh kici'an kaba agi.”

RASUL 18:15

Anyautu ikak bebala mbalaka katau-katau ngan namau ngan ukum kapu dighi, mangku kapu dighila mesti ngurusau. Aku enggup ngadili pekarau luak itu.”

RASUL 25:19

Ughangtu cuman bebala mbalaka ceritau agamau ngan ceritau sughang jemau diau benamau Yesus diau la mati. Anyautu Paulus ngiciakka, bansau Diau idup nian.

1 KURINTUS 1:18

Ceritau Yesus mati di kayu salip dianggap mbu'ung ngan jemau diau ka benasau, anyautu ngan kitau diau ka diselamatka, itu kuasau Allah.

1 KURINTUS 1:21

Luak manau kila pintar manusiau, diau nidau ka pacak keruan Allah ngan kepintarannyautu. Anyautu karnau Allah bepengertian, Diau endak nyelamatka jemau diau percayau ngan Diau karnau ceritau iluak diau dianggap deniau kici'an bigal.

1 KURINTUS 1:23

Kamini ngiciakka Keristus mati di kayu salip. Ceritau itu nyinggung jemau Yahudi, jemau ukan Yahudi nganggap itu bigal.

1 KURINTUS 1:25

Karnau setu diau kina'an bigal di Allah, pintarla titu sangkan kepintaran manusiau; diau kina'an litak di Allah, teguala titu sangkan manusiau.

1 KURINTUS 15:44

Badan diau ditanam badan jak di deniau, badan diau idup agi badan diau dienjuakka Rua Allah. Adau badan jak di deniauni, mangku adau pulau badan jak di Rua Allah.

1 KURINTUS 15:46

Diau datang dulu sekali ukan badan jak di rua, tapitu badan jak di deniau. Diau jak di rua datang mendian.

1 KURINTUS 2:12

Kitau nidau nerimau rua deniau, tapitu Rua diau asalau jak di Allah, mangku kitau keruan gegalaunyau diau la dienjuakka Allah ngan kitau.

1 KURINTUS 3:1

Mangku aku, kantin-kantinku, aku nidau pacak ngiciak ngan kamu luak ngiciak ngan jemau diau adau Rua Allah. Anyautu aku cuman pacak ngiciak ngan kamu luak ngan jemau diau gi idup nurut serilau manusiau, luak gi kupiak dalam iman Keristen.

YAKUBUS 3:15

Pengertian luak itu ukan asalau jak di sergau. Diau asalau jak di deniau, jak di serilau manusiau, jak di iblis.

1 YUHANIS 2:20

Kamu la nerimau Rua Allah jak di Keristus, mangku kamu la keruan diau benagh.

1 YUHANIS 2:27

Mangku kamu la nerimau Rua Allah diau dienjuakka ngan kamu. Karnau itu nidau nanti kamu diajaghi jemau lain, karnau Ruatu ngajaghka gegalaunyau ngan kamu. Setu diau diajaghkatu benagh ukan mbu'ung. Mangku kamu mesti ta'at ngan setu diau diajaghkaNyautu. Luak itula kamu maju seghundak ngan Keristus.

1 YUHANIS 5:20

Kitau keruan, bansau Anak Allah la datang ngan ngenjuakka pengertian ngan kitau, mangku kitau ngeruani Allah diau benagh. Kitau idup seghundak ngan Allah diau benagh ngan idup seghundak ngan Ana'Au Yesus Keristus. Diautu Allah diau benagh ngan ngenjuakka idup sejati selelamaunyau.

YUDAS 1:19

Ughang itula diau mbuat pecelikaian. Ughangtu dikuasaui serilau deniauni, ukan dikuasaui Rua Allah.