1 KURINTUS 2:13 - PEJANJIAN EMPAI CERITAU ILUAK

¹³ Mangku, amun kami ngiciakka Allah ngan jemau diau adau Rua Allah, kami nidau ngiciakkaNyau nurut rupu'an jemau, tapitu nurut ajaghan Rua Allah.

1 KURINTUS 2:13 ပူးပေါင်းရင်းမြစ်များ

LUKAS 12:12

karnau setu diau mesti kamu kiciakka itu ka diajaghka Rua Allah ngan kamu masau itu pulau.”

RASUL 2:4

Ughang u dikuasaui Rua Allah, mangku mulai ngiciak ngan serbau basau. Ughangtu ngiciak luak la dienjuakka Ruatu.

1 KURINTUS 1:17

Keristus ngajung aku ukan endak mbaptiska jemau, tapitu endak ngiciakka ceritau iluak jak di Allah. Itu pulau mesti kukerjauka, ukan karnau pintar ngiciak, supayau kematian Keristus di kayu salip jangan kesesiau ajau.

1 KURINTUS 14:2

Jemau diau ngiciak basau rua, ukan ngiciak ngan manusiau, tapitu ngan Allah. Nidau bediau jemau diau terti setu diau dikiciakkanyautu, karnau Rua Allah mbuat diau ngiciakka setu diau cuman dikeruani Allah.

1 KURINTUS 2:1

Kantin-kantinku, luak itu pulau, timpau aku datang guak kamu endak ngiciakka ngan kamu rencanau Allah, aku endiak ngiciak ngan katau pintar, nidau pulau makai kepintaran manusiau.

1 KURINTUS 2:14

Jemau diau nidau bediau Rua Allah nidau pacak nerimau setu diau dinyatauka Rua itu. Jemau luak itu nidau pacak ngerti, karnau nganggap titu bigal, karnau titu cuman pacak dikeruani, amun diajagh Rua Allah.

1 KURINTUS 2:4

Ceritau diau kukiciakka ngan kamu nidau kukiciakka ngan katau kepintaran manusiau, anyautu ceritautu kukiciakka ngan carau diau mbuktika kuasau Rua Allah.

1 KURINTUS 9:11

Kami la ngamburka benia ruhani dalam idup kamu. Apu ka banyak igau, amun kami mintak bagian asil deniau jak di kamu?

IPISUS 5:19

Amun ngiciak ngan kantin, kiciakkala katau masmur, pujian ngan nyanyian ruhani. Nyanyila ngagungka Tuhan ngan ati riang.

KULUSI 3:16

Ajaghan Keristus mesti bekerjau dalam ati kamu ngan carau diau iluak. Mangku sangi ajaghila ngan sangi retika ngan bepengertian nian. Nyanyikala masmur ngan pujian ngan lagu ruhani batan endak Allah sampai beterimau-kasia dalam ati.

1 PITRUS 1:12

Ngan nabi-nabi itu la dikiciakka, bansau setu diau ughangtu kerjauka ukan batan endak kepentingan ughangtula, tapitu batan endak kamu. Setu diau kamu dengagh mbak kini jak di jemau diau ngiciakka ceritau iluak nceritauka Yesus Keristus. Ughangtu ngiciakka itu ngan kamu ngan kuasau Rua Allah diau dienjuakka jak di sergau. Malaikat-malaikat pulau endak ngeruani ceritau diau dikiciakka ughangtu.

2 PITRUS 1:16

Masau kami ngiciakka ngan kamu kuasau ngan keagungan Tuhan kitau Yesus Keristus diau ka datangtu, kami nidau nceritauka andai-andai manusiau. Keagungan Keristus itula diau la kami kinak nian ngan matau kaminila.