1 KURINTUS 2:10 - PEJANJIAN EMPAI CERITAU ILUAK

¹⁰ Allah la ngajung RuaHau nyataukanyau ngan kitau, karnau Ruatu ngeruani gegalaunyau, lagi pulau rencanau Allah diau tebuni.

1 KURINTUS 2:10 ပူးပေါင်းရင်းမြစ်များ

MATIUS 13:11

Katau Yesus, “Ngan kamu la dinyatauka resiau ngeruani Allah njadi rajau ngan kekuasauanNyau tapitu ngan ughangtu nidau.

MATIUS 16:17

Katau Yesus ngan diau, “Riangla kaba Simun anak Yuna, karnau ukan manusiau diau ngiciakka titu ngan kaba, tapitu Bapakku diau di sergau.

LUKAS 10:21

Masau itu pulau Yesus injiak nianan, karnau dikuasaui Rua Allah sampai bekatau, “Bak, Aku ngagungka Dighi, Tuhan langit ngan deniau, karnau gegalaunyautu Dighi resiauka ngan jemau pintar ngan jemau beilmu. Anyautu Dighi nyataukanyau ngan jemau biasau. Itula diau melemakka ati Dighi.

LUKAS 2:26

Rua Allahtu la nyatauka ngan diau, bansau diau nidau ka mati, amun lum nginak Rajau Penyelamat diau dijanjika Tuhan itu.

YUHANIS 14:26

Anyautu Rua Allah, Penulung diau ka diajung Bapak atas namauKu, diautu ka ngajaghka gegalaunyautu ngan kamu ngan ngingatka gegalaunyau diau la Kukiciakka ngan kamu.

YUHANIS 16:13

Amun Rua Allah itu datang, Diau nyatauka Allah itu benagh. Kamu ka dibimbingAu ngeruani gegalaunyau diau benagh. Diau nidau ka ngiciak jak di diriAu, anyautu Diau ka ngiciakka setu diau didengaghAu, mangku Diau ka ngiciakka ngan kamu setu diau ka tejadi nanti.

1 KURINTUS 14:30

Anyautu amun adau jemau lain diau duduak di situ bulia katau Allah, jemau diau ngiciak tadi mesti diam.

1 KURINTUS 2:11

Diau ngeruani isi ati sughang jemau, rua jemau itula. Luak itu pulau ngan Allah, diau ngeruani isi ati Allah, Rua Allah itula.

GALATIA 1:12

Aku nidau nerimaunyau jak di manusiau. Nidau sughang kia ngajaghkanyau ngan aku, tapitu Yesus Keristus nyataukanyau ngan aku.

IPISUS 3:3

Allah la nyatauka resiau rencanauNyau ngan dikiciakka ngan aku. Ceritau itu tadi la kutuliska dikit.

IPISUS 3:5

Timpau senitu resiautu nidau dikiciakka ngan jemau, anyautu mbak kini la dinyatauka Rua Allah ngan rasul-rasul ngan nabi-nabiAu.

1 TIMUTIUS 4:1

Rua Allah ngiciakka nian, bansau nanti ka adau jemau diau ngelipat, nidau agi ngikut Yesus. Ughangtu ka ngikut rua ja'at diau nyesatka ngan ngikut ajaghan iblis.

1 PITRUS 1:12

Ngan nabi-nabi itu la dikiciakka, bansau setu diau ughangtu kerjauka ukan batan endak kepentingan ughangtula, tapitu batan endak kamu. Setu diau kamu dengagh mbak kini jak di jemau diau ngiciakka ceritau iluak nceritauka Yesus Keristus. Ughangtu ngiciakka itu ngan kamu ngan kuasau Rua Allah diau dienjuakka jak di sergau. Malaikat-malaikat pulau endak ngeruani ceritau diau dikiciakka ughangtu.

1 YUHANIS 2:20

Kamu la nerimau Rua Allah jak di Keristus, mangku kamu la keruan diau benagh.

1 YUHANIS 2:27

Mangku kamu la nerimau Rua Allah diau dienjuakka ngan kamu. Karnau itu nidau nanti kamu diajaghi jemau lain, karnau Ruatu ngajaghka gegalaunyau ngan kamu. Setu diau diajaghkatu benagh ukan mbu'ung. Mangku kamu mesti ta'at ngan setu diau diajaghkaNyautu. Luak itula kamu maju seghundak ngan Keristus.

PENGINA'AN 1:1

Inila ceritau diau dinyatauka Yesus Keristus nceritauka setu diau ka tejadi. Allah ngiciakkanyau ngan Keristus, mangku diancakkaNyau ngan budak-budak Allah setu diau mesti tejadi. Diautu ngajung malaikatAu endak nyataukanyau ngan Yuhanis, buda'Autu.

PENGINA'AN 2:24

Anyautu kamu diau lain diau adau di Tiatira nidau ngikut ajaghan itu ngan nidau melajaghi ajaghan diau dikiciakka Ilmu Iblis. Ngan kamutu Aku bekatau, Aku nidau endak nambai beban kamu.