1 KURINTUS 16:16 - PEJANJIAN EMPAI CERITAU ILUAK

¹⁶ Aku ngajung kamu nian, supayau kamu nurut nian ajaghan jemau luak itu ngan jemau lainau diau bekerjau ngan diau ngenian.

1 KURINTUS 16:16 ပူးပေါင်းရင်းမြစ်များ

RUM 16:12

Pesanku ngan Teripina ngan Teripusa diau mbanting tulang bekerjau batan endak Tuhan. Pesanku ngan Persis diau kusayangi diau pulau mbanting tulang nian bekerjau batan endak Tuhan.

RUM 16:3

Sampaika pesanku ngan Periska ngan Akwila, kantin sekerjauku batan endak Keristus.

RUM 16:6

Pesanku pulau ngan Maria diau la bekerjau nian batan endak kamu.

RUM 16:9

Pesanku ngan Urbanus, kantin sekerjau kitau batan endak Keristus ngan pulau Setakis diau kusayangi.

1 KURINTUS 12:28

Mangku Allah la netapka mecam-mecam jemau di guak jemau Keristen, diau dulu sekali rasul, mangku nabi, mangku guru, mangku adau pulau diau pacak mbuat tandau nyelia ngan diau pacak meghaduka jemau buidapan, mangku diau pacak nulung jemau lain ngan diau pacak mimpin, mangku pulau diau pacak ngiciak basau rua.

1 KURINTUS 3:9

Kamini semegi ajau bekerjau batan endak Allah. Kamuni umpamau umau Allah, kamu pulau umpamau ghuma Allah.

IPISUS 5:21

Kamu mesti sangi ta'ati. Ngan carau luak itula kamu meregaui Keristus.

PILIPI 4:3

Ngan kaba Sunsugus, kantinku diau pacak dipercayaui, aku mintak, supayau kaba nulung ughang duautu. Ughang duautu la sesamau bekerjau ngan aku endak ngiciakka ceritau iluak jak di Allah luak Kelimines ngan gegalau jemau lainau diau bekerjau ngan aku. Namau ughangtu la adau di buku jemau idup.

1 TESALUNIKA 1:3

Kami maju teghingat ngan kamu di adapan Allah Bapak kitau, bansau dalam kerjau kamu kina'an kamu percayau nian, kamu iluak ngan jemau ngan galak bekerjau nulung jemau. Kami teghingat pulau, bansau kamu tekun ngaghapka Tuhan kitau Yesus Keristus.

1 TESALUNIKA 2:9

Cengki kamu gi teghingat, luak manau kami bekerjau mati-matian. Siang-malam kami bekerjau, supayau kami nidau ngeriaka sughang kia jak di kamu, masau kami ngiciakka ceritau iluak jak di Allah itu ngan kamu.

1 TESALUNIKA 5:12

Kami ngajung kamu nian, kantin-kantinku, supayau kamu meregaui jemau diau bekerjau guak kamu, jemau diau la dipilia Tuhan njadi pengulu kamu ngan ngajaghi kamu.

1 TIMUTIUS 5:17

Pengulu diau iluak kerjaunyau pantas diregaui duau kali lipat, terutamau jemau diau rajin beketuba ngan ngajagh.

IBRANI 13:17

Ta'ati pengulu kamu ngan tunduak ngan ughangtu, karnau ughangtu maju njagaui kamu ngan nanggung-jawabkanyau ngan Allah. Amun kamu ta'at, ughangtu pacak bekerjau ngan riang. Amun nidau, ughangtu bekerjau ngan dayi mangut, mangku carautu nidau nulung kamu.

IBRANI 13:24

Sampaikala pesan kami ngan gegalau pengulu kamu ngan gegalau jemau Keristen. Adau pulau pesan jak di kantin-kantin kitau di Italia.

IBRANI 6:10

Allah ukan Allah nidau adil. Diau maju teghingat kerjau kamu senitu batan endak Diau. Diau teghingat pulau sayang kamu diau kamu nyatauka ngan carau kamu nulung kantin-kantin diau percayau. Mangku kamu maju ngerjaukanyau enggut mbak kini.

1 PITRUS 5:5

Luak itu pulau kamu diau gi mudau, tunduakla ngan jemau tuau, mangku gegalau kamu sangi tulungila ngan nganggap jemau lain lebia penting. Karnau di Injil ditulis luak ini, “Allah melawan jemau geduak, tapitu nyayangi jemau ngensian.”

3 YUHANIS 1:8

Itula sebapau kitauni mesti nulung kantin kitau diau ngerjauka titu, mangku kitau ka ngikut dalam kerjau ughangtu endak ngiciakka ceritau diau benagh jak di Allah.

PENGINA'AN 2:3

Kaba maju ngaligh ngan sengsarau karnau Aku, mangku kaba nidau kekela tekedan.