1 KURINTUS 15:2 - PEJANJIAN EMPAI CERITAU ILUAK

² Amun kamu nuruti nian setu diau kukiciakka ngan kamu, mangku ceritau iluaktu ka nyelamatka kamu. Amun kamu nidau nurutinyau, nidau bediau gunaunyau kamu njadi jemau percayau.

1 KURINTUS 15:2 ပူးပေါင်းရင်းမြစ်များ

LUKAS 8:13

Benia diau tumban di tana bebatu-batu itu ibarat jemau diau ndengagh kici'antu, nerimaunyau ngan riang, anyautu ceritautu nidau mendam di atiau. Ughangtu percayau jerang ajau, mangku amun diuji, diau ngelipat agi.

RASUL 2:47

Ughangtu maju ngagungka Allah, mangku gegalau jemau riang ngan ughangtu. Mangku idang aghi ughangtu maju betamba, karnau Tuhan ngenju'i jemau diau diselamatkaNyau.

RASUL 8:13

Simuntu pulau percayau. Diau dibaptis mangku maju seghundak ngan Pilipus. Diau kepagauan nginak tandau nyelia diau dibuat Pilipustu.

RUM 1:16

Aku percayau nian ceritau iluak itu, karnau di ceritau iluaktu adau kuasau Allah diau nyelamatka gegalau jemau diau percayau, jemau Yahudi kudai, mangku jemau bangsau lain pulau.

RUM 11:22

Kitau nginak keilu'an Allah ngan ketegasan Allah. Diau tegas ngan jemau diau bedusau, tapitu iluak ngan kamu, amun kamu maju idup pantas nerimau keilu'anNyau. Amun nidau, kamu pulau ka dicapakka.

1 KURINTUS 1:18

Ceritau Yesus mati di kayu salip dianggap mbu'ung ngan jemau diau ka benasau, anyautu ngan kitau diau ka diselamatka, itu kuasau Allah.

1 KURINTUS 1:21

Luak manau kila pintar manusiau, diau nidau ka pacak keruan Allah ngan kepintarannyautu. Anyautu karnau Allah bepengertian, Diau endak nyelamatka jemau diau percayau ngan Diau karnau ceritau iluak diau dianggap deniau kici'an bigal.

1 KURINTUS 11:2

Aku endak muji kamu, karnau kamu maju ngingatka ngan nuruti ajaghan diau la kuajaghka ngan kamu.

1 KURINTUS 15:14

Mangku misalau Keristus nidau idup agi, nidau bediau gunaunyau kami ngiciakkanyau, mangku pulau nidau bediau gunaunyau kamu percayau.

2 KURINTUS 2:15

Karnau kami luak embau ghum diau asalau jak di Keristus batan endak Allah di guak jemau diau diselamatka ngan diau benasau.

2 KURINTUS 6:1

Kamini sesamau bekerjau ngan Allah, mangku kami mintak nian, supayau jangan kamu mbuat keilu'an ati Allah diau la kamu ghasauka nidau begunau agi.

GALATIA 3:4

Apu nidau bediau gunaunyau ngan gegalaunyau diau la kamu ghasauka itu? Baghia nidau bediau gunaunyau.

IPISUS 2:8

Allah sayang nian ngan kamu. Karnau itu Diau nyelamatka kamu, karnau kamu percayau ngan Yesus. Keselamatan kamutu ukan karnau usaha kamu. Itu pengenjuak Allah,

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

2 TESALUNIKA 2:15

Karnau itu majula percayau ngan maju nuruti ajaghan diau la kami ajaghka ngan kamu, empuak diau kami kiciakka, empuak diau kami tuliska.

2 TIMUTIUS 1:9

Allahtu nyelamatka kitau ngan milia kitau, supayau njadi umatAu. Titu dikerjaukaNyau ukan karnau setu diau kitau kerjauka, tapitu karnau rencanauNyau ngan keilu'anNyau itula. Keilu'anNyautu dienjuakka ngan kitau karnau Yesus Keristus, antak ka deniauni dijadika.

IBRANI 10:23

Mela kitau maju ngaghapka setu diau la kitau aku'i, karnau Allah diau la njanjikanyau pacak dipercayaui.

IBRANI 2:1

Itula sebapau kitau mesti meratika nian ajaghan diau la kitau dengagh, mangku kitau jangan ngikut anyut.

IBRANI 3:14

Kitau la bulia bagian ngan Keristus, amun kitau maju tegua percayau enggut mati luak senitu.

IBRANI 3:6

Tapi Keristus itu Anak diau ngepala'i ghuma Allahtu ngan ta'at. Mangku kitau inila ghuma Allah, amun kitau tegua ngan maju percayau ka bulia setu diau kitau aghapka.

IBRANI 4:14

Mela kitau maju ngandalka ngan kepercayauan kitau, karnau kitau adau Imam Besak diau agung diau la sampai guak Allah, diautu Yesus, Anak Allah.

YAKUBUS 2:14

Kantin-kantinku, tuapau gunaunyau jemau bekatau, “Aku percayau”, anyautu peremba'au nidau nunjuakkanyau? Apu percayau luak itu pacak nyelamatka?

YAKUBUS 2:17

Luak itula pulau, amun percayau. Amun nidau dinyatauka di perembak, mangku percayautu nidau bediau gunaunyau.

YAKUBUS 2:26

Na, luak badan nidau bediau rua mati, luak itu pulau percayau nidau bediau kerjau nidau bediau gunaunyau.