1 KURINTUS 15:19 - PEJANJIAN EMPAI CERITAU ILUAK

¹⁹ Amun kitau ngaghapka Keristus cuman batan endak idup di deniauni ajau, mangku jak di gegalau manusiau kitauni diau malang sekali.

1 KURINTUS 15:19 ပူးပေါင်းရင်းမြစ်များ

MATIUS 24:9

Masau itu kamu ka ditangkap ngan diseraka endak disaraui ngan dibunua. Kamu ka diluatka gegalau jemau, karnau kamu percayau ngan Aku.

LUKAS 21:34

“Sepepadaula, jangan kamu banyak merupuakka kerjau deniauni, jamu-jamuan ngan memabu'an, mangku aghi Tuhan jangan ndatangi kamu endiak keruan. Karnau luak kenau perangkap,

LUKAS 8:14

Benia diau tumban di pugan ghumput bedughi ibarat jemau diau ndengagh kici'an itu. Anyautu diau ghegak ngan idupau, endak idup lemak ngan riang ajau di deniau ini. Mangku kici'an Allah nidau pacak mendam di atiau, mangku nidau ngasilka bua diau iluak.

YUHANIS 16:2

Kamu ka dikeluaghka jak di ghuma sembayang, mangku ka sampai masaunyau, jemau diau mbunua kamu, nyangkau diau melemakka ati Allah.

YUHANIS 16:33

Gegalaunyautu Kukiciakka ngan kamu, mangku kamu tenang sempernau, karnau seghundak ngan Aku. Di deniau kamu ka sengsarau, anyautu beghanikala ati kamu. Aku la ngalaka deniau.”

RASUL 14:22

Di kuta itu duau rasultu neguaka ati jemau diau percayau ngan Yesus ngan ngajung ughangtu, supayau maju percayau. Rasultu bekatau, “Kitau mesti sengsarau kudai, mangku kitau pacak njadi angguta umat Allah.”

1 TESALUNIKA 1:3

Kami maju teghingat ngan kamu di adapan Allah Bapak kitau, bansau dalam kerjau kamu kina'an kamu percayau nian, kamu iluak ngan jemau ngan galak bekerjau nulung jemau. Kami teghingat pulau, bansau kamu tekun ngaghapka Tuhan kitau Yesus Keristus.

2 TIMUTIUS 1:12

Itula sebapau aku nanggungka gegalaunyautu, tapitu aku nidau maluan, karnau aku keruan diau kupercayauitu. Aku yakin, bansau setu diau la dipercayauka ngan aku pacak Diau jagaui enggut aghi kiamat.

2 TIMUTIUS 2:4

Sughang tentera diau dang bejuang nidau merupuakka diriau ngan pengidupannyau, karnau diau endak melemakka ati kumandanau.

2 TIMUTIUS 3:12

Nyela, bilang jemau diau endak idup ta'at ngan Allah ngan idup seghundak ngan Yesus Keristus ka dianiayau.

1 PITRUS 1:21

Karnau Diau kamu percayau ngan Allah diau la ngidupkaNyau jak di mati ngan ngagungkaNyau, mangku kamu percayau ngan ngaghapka Allah itula.

PENGINA'AN 14:13

Mangku aku ndengagh suarau jak di sergau ngiciak, “Tuliskala! Mulai mbak kini riangla jemau mati diau mati la percayau ngan Tuhan.” “Nyela!” Katau Rua Allah, “Mangku ughangtu pacak gheghadu jak di kerjaunyau diau ngeriakatu, karnau asil kerjau ughangtu ka maju ngikut ughangtu.”