1 KURINTUS 14:4 - PEJANJIAN EMPAI CERITAU ILUAK

⁴ Jemau diau ngiciak basau rua cuman neguaka diriau, tapitu jemau diau ngiciakka katau Allah majuka iman jemau Keristen.

1 KURINTUS 14:4 ပူးပေါင်းရင်းမြစ်များ

MARKUS 16:17

Jemau diau percayau ka mbuat tandau nyelia. Ughangtu ka ngisitka iblis ngan kuasauKu. Ughangtu ka ngiciak ngan basau diau nidau keruan ngan ughangtu.

RUM 14:19

Itula sebapau kitau mesti beusaha, supayau idup suijauan ngan sangi teguaka.

1 KURINTUS 12:10

Diau sughang dienjuakka kuasau ngadauka tandau nyelia, diau lain dienjuakka kuasau ngiciak luak sughang nabi. Adau diau dienjuakka kuasau mbidaka, manau diau Rua Allah manau diau ukan. Adau diau dienjuakka kuasau bekiciak basau rua. Adau pulau diau dienjuakka kuasau ngiciakka reti basau ruatu.

1 KURINTUS 12:28

Mangku Allah la netapka mecam-mecam jemau di guak jemau Keristen, diau dulu sekali rasul, mangku nabi, mangku guru, mangku adau pulau diau pacak mbuat tandau nyelia ngan diau pacak meghaduka jemau buidapan, mangku diau pacak nulung jemau lain ngan diau pacak mimpin, mangku pulau diau pacak ngiciak basau rua.

1 KURINTUS 13:1

Empuak aku pacak ngiciak serbau mecam basau manusiau ngan basau malaikat pulau, anyautu amun aku nidau nyayangi jemau lain, aku semegi ngan gung ngan canang diau dimunika asal ajau.

1 KURINTUS 13:2

Empuak aku pacak ngiciakka katau Allah ngan ngerti gegalau resiau Allah ngan ngeruani gegalaunyau, empuak aku percayau nian ngan Allah, mangku pacak ngaliaka gunung, anyautu aku nidau nyayangi jemau, dikit kia aku nidau begunau.

1 KURINTUS 14:12

Luak itu pulau kamu: Nyela, kamu beusaha bulia kuasau Rua Allah, anyautu kamu mesti beusaha makaiau, supayau begunau batan endak jemau Keristen.

1 KURINTUS 14:22

Amun luak itu, kuasau pacak ngiciak basau rua itula tandau batan endak jemau diau nidau percayau, ukan batan endak jemau percayau. Mangku kuasau ngiciak katau Allah itula tandau batan endak jemau percayau, ukan batan endak jemau diau nidau percayau.

1 KURINTUS 14:26

Luak manau mbak kini, ui kantin-kantinku? Amun kamu betunggal, adau diau nyanyi, adau diau ngajagh, adau diau ngiciakka pengina'an Allah, adau diau ngiciak basau rua, adau diau meretika kici'antu. Anyautu gegalaunyautu mesti dikerjauka, supayau begunau batan endak gegalaunyau.

1 KURINTUS 14:3

Anyautu jemau diau ngiciakka katau Allah ngan manusiau, jemautu nulungi ngan neguaka ngan ngenjuakka semangai.

1 KURINTUS 14:5

Alaka iluak, amun gegalau kamu pacak ngiciak basau rua, anyautu iluakla, amun kamu pacak ngiciakka katau Allah. Jemau diau ngiciakka katau Allah, begunaula diau sangkan jemau diau ngiciak basau rua, lain amun jemau diau ngiciak basau ruatu pacak meretika setu diau dikiciakkanyautu, supayau begunau batan endak gegalau jemau Keristen.