1 KURINTUS 14:26 - PEJANJIAN EMPAI CERITAU ILUAK

²⁶ Luak manau mbak kini, ui kantin-kantinku? Amun kamu betunggal, adau diau nyanyi, adau diau ngajagh, adau diau ngiciakka pengina'an Allah, adau diau ngiciak basau rua, adau diau meretika kici'antu. Anyautu gegalaunyautu mesti dikerjauka, supayau begunau batan endak gegalaunyau.

1 KURINTUS 14:26 ပူးပေါင်းရင်းမြစ်များ

RUM 1:13

Kantin-kantinku, aku endak, supayau kamu keruan, bansau la rajin aku endak nian berayak ngan kamu, anyautu maju adau alangan. Aku endak, supayau di guak kamutu pulau kerjauku buasil, luak kerjauku buasil di guak jemau bangsau lain.

RUM 12:7

Jemau diau pacak nulung jemau mesti nulung nian. Jemau diau pacak ngajagh mesti ngajagh nian.

RUM 14:19

Itula sebapau kitau mesti beusaha, supayau idup suijauan ngan sangi teguaka.

RUM 15:2

Bilang kitau mesti melemakka ati kantin kitau batan endak keilu'annyau, mangku diau tamba percayau.

1 KURINTUS 14:15

Mangku tuapau diau mesti kukerjauka? Ini diau kukerjauka: Aku endak bedu'a ngan ruaku, tapitu aku pulau endak bedu'a ngan rupu'anku. Aku endak benyanyi ngan muji ngan ruaku, tapitu aku pulau endak benyanyi ngan muji ngan rupu'anku.

1 KURINTUS 14:2

Jemau diau ngiciak basau rua, ukan ngiciak ngan manusiau, tapitu ngan Allah. Nidau bediau jemau diau terti setu diau dikiciakkanyautu, karnau Rua Allah mbuat diau ngiciakka setu diau cuman dikeruani Allah.

1 KURINTUS 14:27

Amun adau jemau diau endak ngiciak basau rua, nengkela duau ughang, sebanyak-banya'au tigau ughang, sejagh sughang, mangku mesti adau jemau diau meretikanyau.

1 KURINTUS 14:40

Tapitu gegalaunyau mesti dikerjauka iluak-iluak.

2 KURINTUS 12:19

Apu kamu ngirau selamau ini kami beusaha endak mbenaghka diri kami tuadap kamu? Dikit kiala nidau! Allah ngeruani, bansau gegalaunyau diau kami kiciakkatu nurut kendak Keristus. Gegalaunyau diau kami kerjaukatu endak neguaka kamu mangku tamba percayau.

2 KURINTUS 13:10

Itula sebapau aku nulis surat ini, masau aku gi jawua ngan kamu. Mangku amun aku datang guak kamu, aku nidau nanti ngukum nurut kuasau diau dienjuakka Tuhan ngan aku. Aku endak majuka kamu ukan endak ngancurka.

IPISUS 4:12

Gegalaunyau dikerjaukaNyau, supayau umat Allah didandani galau, mangku pacak bekerjau batan endak Tuhan, mangku badan Keristus, diautu jemau percayau, diteguaka.

IPISUS 4:16

Diautu mimpin kitau galau, mangku gegalau badan tesusun iluak ngan sendi-sendi tesusun pulau. Mangku amun bilang anggutatu bekerjau ngan semestiau, gegalau badantu ka tumbua ngan diteguaka njadi wagat karnau sangi sayangi.

IPISUS 4:29

Jangan kiciakka kici'an kumua. Kiciakkala katau diau meriangka ngan nulung jemau. Kici'an luak itu nimbulka keilu'an ngan jemau diau ndengaghau.

IPISUS 5:19

Amun ngiciak ngan kantin, kiciakkala katau masmur, pujian ngan nyanyian ruhani. Nyanyila ngagungka Tuhan ngan ati riang.

1 TESALUNIKA 5:11

Itula sebapau kamu mesti sangi tulungi ngan teguaka ati kamu, luak diau la kamu kerjauka.