1 KURINTUS 13:2 - PEJANJIAN EMPAI CERITAU ILUAK

² Empuak aku pacak ngiciakka katau Allah ngan ngerti gegalau resiau Allah ngan ngeruani gegalaunyau, empuak aku percayau nian ngan Allah, mangku pacak ngaliaka gunung, anyautu aku nidau nyayangi jemau, dikit kia aku nidau begunau.

1 KURINTUS 13:2 ပူးပေါင်းရင်းမြစ်များ

MATIUS 13:11

Katau Yesus, “Ngan kamu la dinyatauka resiau ngeruani Allah njadi rajau ngan kekuasauanNyau tapitu ngan ughangtu nidau.

MATIUS 17:20

Diau nimbali ughangtu, “Karnau kamu nidau percayau nian. Ingatkala, amun kamu adau iman sebesak ijat sawi ajau, kamu pacak ngajung gunung ini, ‘Ngaliala jak di sini ke situ.’ Cetau gunung ini ka ngalia. Nidau bediau setu diau nidau pacak kamu buat.

MATIUS 21:19

Diau nginak sebatang aghau di tepi jalan, dijengu'Au batang aghau itu. Diau nidau tekinak sebua kia buahau, cuman daunau ajau. Mangku Diau bekatau ngan batang aghautu, “Kaba nidau ka bebua agi selelamaunyau.” Mangku batang aghautu layu.

MATIUS 21:21

“Ngenian,” katau Yesus, “Amun kamu percayau ngan nidau asau-asau, kamu pacak ngerjauka setu diau la kukerjauka ngan batang aghau ini. Ukan itu ajau, kamu pulau pacak bekatau ngan bukit ini, ‘Tuangkatla ngan tecapakla ke dalam laut!’ Mangku titu ka tejadi.

RASUL 13:1

Di jemau Keristen di Antiukia adau bebeghapau nabi ngan guru agamau. Namaunyau Barnabas, Simiun diau pulau dikiciakka Nigir, Lukius, jemau Kirini, ngan Menahim diau diajagh serempak ngan gubernur Herudis, ngan Saulus.

RUM 11:25

Kantin-kantinku, mangku supayau kamu jangan nganggap kamu la keruan gegalaunyau, aku endak supayau kamu ngeruani resiau ini: Separau jak di jemau Israil melawan, anyautu cuman enggut bilangan jemau bangsau lain diau percayau la cukup.

RUM 15:14

Kantin-kantinku, aku keruan, bansau kamutu iluak. Kamutu pulau la keruan gegalaunyau, mangku pacak sangi ajaghi.

RUM 16:25

Tepujila Allah! Diau bekuasau neguaka kamu nurut ceritau iluak jak di Allah diau kuceritauka ngiciakka Yesus Keristus. Aku ngiciakka titu nurut setu diau dinyatauka Allah ceritau rencanau Allah diau buabad-abad nidau dikeruani jemau.

1 KURINTUS 11:4

Amun jemau lanang diau dang bedu'a ngan ngiciakka katau Allah di adapan jemau banyak, mangku nudungi pala'au, jemautu nggelakka Keristus diau ngepala'inyau.

1 KURINTUS 12:28

Mangku Allah la netapka mecam-mecam jemau di guak jemau Keristen, diau dulu sekali rasul, mangku nabi, mangku guru, mangku adau pulau diau pacak mbuat tandau nyelia ngan diau pacak meghaduka jemau buidapan, mangku diau pacak nulung jemau lain ngan diau pacak mimpin, mangku pulau diau pacak ngiciak basau rua.

1 KURINTUS 13:1

Empuak aku pacak ngiciak serbau mecam basau manusiau ngan basau malaikat pulau, anyautu amun aku nidau nyayangi jemau lain, aku semegi ngan gung ngan canang diau dimunika asal ajau.

1 KURINTUS 13:3

Empuak gegalau retauku kuenjuakka ngan jemau serik, ngan pulau nyeraka badanku disilap, anyautu aku nidau nyayangi jemau, mangku gegalaunyautu nidau bediau gunaunyau.

1 KURINTUS 13:8

Kasia nidau ka abis. Ngiciakka katau Allah ka udim. Ngiciak basau rua ka mandak. Kepintaran ka lengit pulau.

1 KURINTUS 14:29

Enangka duau apu tigau ughang ngiciakka katau Allah, penarau diau lain merupuakka setu diau dikiciakkatu.

1 KURINTUS 14:39

Mangku, kantin-kantinku, beusahala bulia kuasau ngiciakka katau Allah. Anyautu jangan negahi jemau ngiciak basau rua.

1 KURINTUS 14:4

Jemau diau ngiciak basau rua cuman neguaka diriau, tapitu jemau diau ngiciakka katau Allah majuka iman jemau Keristen.

1 KURINTUS 15:51

Ndengaghla resiau ini: Nidau gegalau kitau ka mati, anyautu kitau ka beghuba galau,

1 KURINTUS 16:22

Jemau diau nidau nyayangi Tuhan Yesus nengkela diukum Allah. Maranata – Tuhan datangla!

1 KURINTUS 4:1

Anggapla kami pekerjau Keristus diau dipercayauka ngiciakka rencanau Allah diau lum keruan ngan deniau.

1 KURINTUS 7:19

Besunat ngan nidau besunat nidau penting. Diau penting nuruti perinta Allah.

1 KURINTUS 8:4

Kitau keruan, ceritau makan daging diau disiwauka, diumpamauka setu diau sebenaghau nidau bediau. Kitau keruan Allah itu sughang, nidau bediau diau lain.

2 KURINTUS 12:11

Nyela, aku la njadi luak jemau bigal. Kamutu mbuat aku luak itu. Sebenaghau kamu diau mesti muji aku. Karnau empuak aku nidau bediau retiau, dikit kiala aku nidau kala ngan rasul diau hibattu.

GALATIA 5:16

Diau endak kukiciakka ini: Idupla dibimbing Rua Allah, mangku kamu nidau ka nuruti serilau manusiau.

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

GALATIA 6:3

Amun sughang nyangkau diriau penting awuak nidau, jemautu mbu'ungi diriau.

IPISUS 3:4

Amun kamu mbacaunyau, kamu ka keruan resiau Keristus luak aku ngeruaninyau.

IPISUS 6:19

Du'akala pulau aku, supayau amun aku ngiciak, Allah ngenjuakka aku katau diau tepat, mangku aku ngiciakka resiau ceritau iluak ngan beghani.

KULUSI 1:26

Ceritautu diresiauka Allah buabad-abad, mbak kini la dinyatauka ngan umatAu.

1 TIMUTIUS 3:16

Agung nianan resiau agamau kitau, Diau ngancakka diriAu ngan rupau manusiau, dibenaghka Rua Allah, dikinak malaikat-malaikat, dikiciakka ngan bangsau-bangsau diau nidau keruan Allah, dipercayaui di gegalau deniau, diangkat ke sergau bada diau agung.

1 YUHANIS 4:8

Jemau diau nidau sayang nidau keruan Allah, karnau gegalau kerjau Allah dikerjaukaNyau, karnau Diau sayang.