1 KURINTUS 10:32 - PEJANJIAN EMPAI CERITAU ILUAK

³² Jangan nyinggung peghasauan jemau, empuak jemau Yahudi empuak jemau Yunani empuak jemau percayau.

1 KURINTUS 10:32 ပူးပေါင်းရင်းမြစ်များ

RASUL 20:28

Jagauila diri kapu dighi ngan jagauila pulau gegalau jemau Keristen diau la dipercayauka Rua Allah ngan kapu dighi, supayau dijagaui, karnau kapu dighi la dijadika tukang sayia jemau Keristen. Allahtu diau njadika ughangtu hak Allah, karnau Ana'Autu la mati batan endak ughangtu.

RASUL 24:16

Karnau itu aku beusaha, supayau aku maju idup ngan ati beresia di adapan Allah ngan manusiau.

RUM 14:13

Karnau itu jangan agi kitau sangi salaka. Anyautu beusahala, supayau kamu jangan mbuat kantin kamu bedusau ngan nyesatka diau.

1 KURINTUS 1:2

batan endak jemau Keristen di Kurintus, jemau diau la dipilia Allah njadi umatAu ngan melemakka atiAu karnau Keristus Yesus, ngan gegalau jemau di manau ajau diau nyemba Tuhan kitau Yesus Keristus, Tuhan ughangtu ngan Tuhan kitau pulau.

1 KURINTUS 10:33

Idupla luak aku. Aku beusaha endak melemakka ati gegalau jemau ngan carau luak manau kila, ukan batan endak kepentingan akunila, tapitu supayau banyak jemau diselamatka.

1 KURINTUS 11:22

Ngapau pulau luak itu? Apu kamu nidau beghuma? Kamu pacak makan-minum di situ. Apu kamu endak nggelakka umat Allah? Apu endak maluka jemau diau nidau bediau tuapau-apau? Tuapau diau mesti kukiciakka ngan kamu? Apu aku mesti muji kamu? Nidau! Aku nidau ka muji kamu.

1 KURINTUS 12:28

Mangku Allah la netapka mecam-mecam jemau di guak jemau Keristen, diau dulu sekali rasul, mangku nabi, mangku guru, mangku adau pulau diau pacak mbuat tandau nyelia ngan diau pacak meghaduka jemau buidapan, mangku diau pacak nulung jemau lain ngan diau pacak mimpin, mangku pulau diau pacak ngiciak basau rua.

1 KURINTUS 15:9

Akuni rasul diau nidau nian bereti jak di rasul lain, karnau aku nyaraui umat Keristen.

1 KURINTUS 7:17

Bilang jemau mesti maju idup luak la ditetapka Tuhan ngan diau, luak masau diau empai percayau ngan Allah. Inila peraturan diau kukiciakka ngan gegalau jemau Keristen.

1 KURINTUS 8:13

Itula sebapau amun makan daging diau mbuat kantinku bedusau, aku enggup agi nian makanau, mangku jangan kantinku bedusau karnau aku.

2 KURINTUS 1:1

Jak di aku, Paulus diau njadi rasul Yesus Keristus karnau kendak Allah, jak di kantin kitau Timutius, batan endak jemau Keristen di Kurintus ngan gegalau jemau percayau diau adau di Akaya.

2 KURINTUS 6:3

Kami nidau endak, kerjau kami disalaka jemau, mangku kami beusaha supayau nidau bediau tapakan jemau nyalaka kami.

GALATIA 1:13

Cengki kamu la ndengagh ceritau idupku senitu. Aku sughang diau ngikut agamau Yahudi ngenianau. Ngan kejam aku nganiayau jemau Keristen ngan beusaha ngabiskanyau.

PILIPI 1:10

Mangku kamu pacak milia diau iluak sekali, mangku idup kamu ka beresia ngan nidau becacat ngan nidau bediau buru'an tuapau kila, amun Keristus datang nanti.

PILIPI 3:6

Aku ta'at tegalau, mangku nganiayau jemau Keristen. Ceritau ukum agamau Yahudi aku nidau becacat.

1 TESALUNIKA 2:14

Kantin-kantinku, setu diau kamu ghasauka la dighasauka jemau Keristen di Yudia diau la njadi hak Yesus Keristus. Kamu dianiayau bangsau kamutula. Titu semegi ngan diau dighasauka jemau Keristen di Yudiatu jak di jemau Yahudi.

1 TIMUTIUS 3:15

Mangku amun aku lambat sampai, kaba la keruan, luak manau kitau anak-anak Allah mesti idup. Kitauni anak Allah diau idup diau njadi tiang penegak, njadi pelapiak ajaghan diau benagh jak di Allah.

1 TIMUTIUS 3:5

Amun jemau nidau pacak ngurus ghuma-tanggaunyau, luak manau diau pacak ngurus Ghuma Allah?