1 KURINTUS 10:13 - PEJANJIAN EMPAI CERITAU ILUAK

¹³ Amun kamu dicubaui, ingatkala, bansau jemau lain pulau meghasaukanyau luak itu. Allah nepati janjiau. Diau nidau ngenangka kamu dicubaui lebia jak di kekuatan kamu. Masau kamu dicubaui, masau itu pulau Diau ngenjuakka jalan keluagh ngan kamu ngan neguaka kamu mangku pacak ta'an.

1 KURINTUS 10:13 ပူးပေါင်းရင်းမြစ်များ

MATIUS 6:13

Jangan enangka kami dicubaui, anyautu ilakkala kami jak di diau ja'at. [Karnau Dighila rajau diau bekuasau ngan agung selelamaunyau. Amin.’]

LUKAS 11:4

Ngabiska dusau kami, karnau kami pulau ngabiska bilang jemau diau besala ngan kami. Mangku jangan ngenangka kami dicubaui.”

LUKAS 16:26

Lagi di entaghau kaba ngan kami adau badas diau dalam nian, mangku jemau jak di sini nidau pacak ke situ, jemau jak di situ nidau pacak ke sini.’

LUKAS 22:46

Mangku Yesus ngiciak ngan ughangtu, katauNyau, “Ngapau kamu tiduak? Bangunla, bedu'ala, supayau kamu jangan bedusau, amun dicubaui.”

RASUL 27:44

Diau lainau diajungau ngikut makai papan ngan pecahan kapaltu. Luak itula kami selamat galau sampai ke daghat.

1 KURINTUS 1:9

Allah ka ngerjaukanyau. Diautu pacak dipercayaui nian. Diaula milia kamu njadi seghundak ngan Ana'Au Yesus Keristus, Tuhan kitau.

2 KURINTUS 1:10

Diautu la nyelamatka kami jak di bayau maut diau nakutka. Diau pulau ka nyelamatka kami nanti, karnau Diau itula kami aghapka.

1 TESALUNIKA 5:24

Allah itu setia, Diau milia kamu, mangku Diau pulau ka ngerjaukanyau.

2 TESALUNIKA 3:3

Tuhan pacak dipercayaui nian. Diau ka neguaka ati kamu ngan njagaui kamu jak di diau ja'at.

2 TIMUTIUS 4:18

Tuhan ka ngilakka aku jak di gegalau rencanau diau ja'at. Diau ka mbatak aku ke sergau ngan selamat. Diautu mesti dipuji selelamaunyau. Amin.

IBRANI 10:23

Mela kitau maju ngaghapka setu diau la kitau aku'i, karnau Allah diau la njanjikanyau pacak dipercayaui.

IBRANI 11:11

Karnau percayau, diautu ngan Sara adau anak, empuak ughang duautu la tuau nian. Diautu percayau nian, bansau Allah ka nepati janjiAu padau masaunyau.

IBRANI 12:4

Kamu lum bejuang melawan jemau bedusau, lum enggut mati dibunua.

IBRANI 6:18

Duau mecamtu nidau pacak beghuba, diautu janji ngan sumpa. Allah nidau ka adau mbu'ung ceritautu. Mangku kitau diau la njenguak Allah endak selamat diteguaka nian, supayau maju ngaghapka setu diau dijanjikatu ngan kitau.

1 PITRUS 4:19

Itula sebapau amun adau jemau diau sengsarau karnau Allah ngenda'i luak itu, jemau itu mesti maju ngerjauka diau iluak, mangku nyeraka diriau ngan Allah diau njadikanyau. Diau cetau nepati janjiAu.

2 PITRUS 2:9

Tuhan pacak nyelamatka jemau diau benagh, amun adau pencubauan. Diau pacak pulau na'an jemau diau ja'at endak disiksau di aghi pengadilan nanti,

1 YUHANIS 1:9

Anyautu amun kitau ngaku'i gegalau dusau kitau ngan Allah, Diau ka nepati janjiAu ngan ngerjauka setu diau adil, mangku Diau ka ngabiska dusau kitau ngan mbasua kitau jak di gegalau perembak diau ja'at.

PENGINA'AN 19:11

Mangku aku nginak sergau tebukak, ngenian adau sikuak kudau putia. Jemau diau nayi'inyau benamau “Diau Setia ngan Benagh”. Diautu ngukum ngan beperang adil.

PENGINA'AN 2:10

Nidau nanti takut ngan setu diau mesti kaba tanggungka. Ingatkala separau jak di kamu ka dimasuakka iblis dalam jil endak nguji kamu. Kamu ka sengsarau selamau sepulua aghi. Kamu mesti tekun enggut mati, mangku Aku ka ngenjuakka ngan kamu idup selelamaunyau njadi adia menang ngan kamu.

PENGINA'AN 3:10

Kaba la nuruti kici'anKu endak nantika Aku ngan tekun. Karnau itu Aku ka njagaui kaba jak di masau penanggungan, masau gegalau jemau di deniau ka dicubaui.