1 KURINTUS 1:9 - PEJANJIAN EMPAI CERITAU ILUAK

⁹ Allah ka ngerjaukanyau. Diautu pacak dipercayaui nian. Diaula milia kamu njadi seghundak ngan Ana'Au Yesus Keristus, Tuhan kitau.

1 KURINTUS 1:9 ပူးပေါင်းရင်းမြစ်များ

MATIUS 24:35

Langit ngan deniau ka lengit, tapitu kici'anKu nidau ka lengit, ka tetap selelamaunyau.”

YUHANIS 17:21

Bak, Aku mintak, supayau gegalau ughangtu njadi seghundak, luak Dighi seghundak ngan Aku, Aku seghundak ngan Dighi. Aku endak ughangtu seghundak ngan kitau, mangku deniau percayau, bansau Dighi ngajung Aku.

RUM 11:17

Separau cangka kayu saitun diau iluak diau diumpamauka jemau Yahudi la ditetak. Mangku cangka kayu diau karut dicangkuakka di guak teta'an tadi. Kamu diumpamauka cangka cangku'antu, mangku kamu idup jak di batang diau iluak.

RUM 8:28

Kitau keruan, bansau Allah ngatur gegalaunyau, mangku ngasilka diau iluak batan endak jemau diau nyayangi Diau, jemau diau la dipilia nurut kenda'Au.

RUM 8:30

Luak itula Allah milia ughangtu diau la dulu ditetapkaNyau, mangku ughang diau la dipiliatu pulau la seilu'an ngan Diau. Mangku ughang diau la seilu'antu ka diagungka pulau.

RUM 9:24

kitau diau la dipilia ukan cuman jak di jemau Yahudi, tapitu jak di jemau bangsau lain pulau.

1 KURINTUS 1:30

Kamu seghundak ngan Keristus karnau Allah. Kitau bepengertian karnau Keristus. Diautu mbenaghka kitau ngan njadika kitau umat Allah ngan mbibaska kitau.

1 KURINTUS 10:13

Amun kamu dicubaui, ingatkala, bansau jemau lain pulau meghasaukanyau luak itu. Allah nepati janjiau. Diau nidau ngenangka kamu dicubaui lebia jak di kekuatan kamu. Masau kamu dicubaui, masau itu pulau Diau ngenjuakka jalan keluagh ngan kamu ngan neguaka kamu mangku pacak ta'an.

1 KURINTUS 10:16

Mangkuak diau kitau pakai masau kitau minum anggur ngan beterimau-kasia ngan Allah, apu ukan titu nunjuakka kitau seghundak ngan Keristus dalam kematianNyau? Ruti diau kitau agia-agiaka masau kitau makanau serempak, apu ukan titu nunjuakka, bansau kitau seghundak ngan badan Keristus?

2 KURINTUS 1:18

Demi Allah diau pacak dipercayaui janjiku ngan kamu ukan “au” ngan “nidau”.

GALATIA 1:15

Anyautu karnau keilu'an atiAu Allah milia aku, antak ka aku adau mangku ngajung aku bekerjau batan endak Diau.

GALATIA 2:20

Mbak kini ukan agi aku diau idup, tapitu Keristus idup dalam diriku. Mangku mbak kini aku idup karnau percayau ngan Anak Allah diau la nyayangi aku ngan nyeraka nyawauNyau batan endak aku.

IPISUS 3:6

ResiauNyau luak ini: karnau ceritau iluak itu, mangku jemau ukan Yahudi ngikut meghasauka keilu'an Allah, mangku njadi angguta badan diau semegi ngan nerimau setu diau dijanjika Allah karnau Yesus Keristus.

KULUSI 1:24

Mbak kini aku riang sengsarau batan endak kamu. Mangku ngan sengsarautu aku nepati di badanku setu diau lum ditanggung Keristus batan endak jemau Keristen. Ughangtu umpamau badanAu.

1 TESALUNIKA 2:12

Kami ngajagh kamu, neguaka ati kamu ngan ngajung kamu, supayau kamu idup melemakka ati Allah. Karnau Allah ngajak kamu njadi angguta umat Allah ngan ngikut meghasauka keagunganNyau.

2 TESALUNIKA 2:14

Batan endak itula kamu diajak karnau ceritau iluak diau la kami kiciakka ngan kamu, mangku kamu ngikut meghasauka keagungan Yesus Keristus, Tuhan kitau.

2 TESALUNIKA 3:3

Tuhan pacak dipercayaui nian. Diau ka neguaka ati kamu ngan njagaui kamu jak di diau ja'at.

2 TIMUTIUS 1:9

Allahtu nyelamatka kitau ngan milia kitau, supayau njadi umatAu. Titu dikerjaukaNyau ukan karnau setu diau kitau kerjauka, tapitu karnau rencanauNyau ngan keilu'anNyau itula. Keilu'anNyautu dienjuakka ngan kitau karnau Yesus Keristus, antak ka deniauni dijadika.

2 TIMUTIUS 2:13

Amun kitau nidau setia, Diau maju setia, karnau Diau nidau pacak nidau ngaku'i diriAu.”

TITUS 1:2

Kitau ngaghapka idup selelamaunyau. Allah la njanjika idup itu, antak ka deniau dijadika, mangku Allah nidau ka adau mbu'ung.

IBRANI 10:23

Mela kitau maju ngaghapka setu diau la kitau aku'i, karnau Allah diau la njanjikanyau pacak dipercayaui.

IBRANI 11:11

Karnau percayau, diautu ngan Sara adau anak, empuak ughang duautu la tuau nian. Diautu percayau nian, bansau Allah ka nepati janjiAu padau masaunyau.

IBRANI 2:17

Itula sebapau Diau mesti njadi semegi nian ngan manusiau, mangku Diau njadi Imam Besak diau iluak ngan nyialka jemau ngan pacak dipercayaui, bekerjau batan endak Allah. Mangku dusau manusiau pacak diabiska.

IBRANI 3:1

Kantin-kantinku jemau Keristen, kamu pulau dipilia Allah. Rupuakkala nian ceritau Yesus. Diautu diajung Allah njadi Imam Besak di agamau diau kitau percayaui.

IBRANI 3:14

Kitau la bulia bagian ngan Keristus, amun kitau maju tegua percayau enggut mati luak senitu.

IBRANI 6:18

Duau mecamtu nidau pacak beghuba, diautu janji ngan sumpa. Allah nidau ka adau mbu'ung ceritautu. Mangku kitau diau la njenguak Allah endak selamat diteguaka nian, supayau maju ngaghapka setu diau dijanjikatu ngan kitau.

1 PITRUS 5:10

Udim kamu sengsarau jerang, mangku Allah ka ndandani kamu. Diau ka ngenjuakka pelapiak diau kuat ngan neguaka ati kamu, karnau Allahtu iluak. Diautu la milia kamu endak seghundak ngan Keristus, mangku kamu meghasauka keagunganNyau diau nidau ka udim-udim.

1 YUHANIS 1:3

Setu diau la kami kinak ngan dengagh, itu pulau kami kiciakka ngan kamu, supayau kamu pulau suijauan ngan kami, ngikut idup seghundak ngan Bapak ngan Ana'Au Yesus Keristus.

1 YUHANIS 1:7

Anyautu amun kitau idup dalam terang, luak Allah adau dalam terang, kitau idup suijauan sughang ngan diau lain, mangku dagha Yesus, Ana'Au, mbasua kitau jak di gegalau dusau.

1 YUHANIS 4:13

Allah la ngenjuakka ngan kitau RuaHau, mangku kitau keruan, bansau kitau idup seghundak ngan Allah, Allah seghundak ngan kitau.

PENGINA'AN 19:11

Mangku aku nginak sergau tebukak, ngenian adau sikuak kudau putia. Jemau diau nayi'inyau benamau “Diau Setia ngan Benagh”. Diautu ngukum ngan beperang adil.