1 KURINTUS 1:20 - PEJANJIAN EMPAI CERITAU ILUAK

²⁰ Mangku tuapau retiau jemau pintar? Tuapau retiau jemau beilmu ngan jemau pintar ngiciak? Allah la nyatauka, bansau kepintaran manusiau nidau bediau retiau.

1 KURINTUS 1:20 ပူးပေါင်းရင်းမြစ်များ

MATIUS 13:22

Benia diau tumban di pugan ghumput bedughi ibarat jemau diau ndengagh kici'an itu. Anyautu diau ghegak ngan idupau, endak idup lemak ngan riang ajau di deniau ini. Mangku kici'an tadi nidau pacak mendam di atiau, mangku endiak bebua.

YUHANIS 12:31

Mbak kini la masaunyau deniau diukum, mbak kini penguasau deniau ka dicapakka keluagh.

RASUL 17:18

Adau pulau guru-guru ajaghan Ipikurus ngan Setua diau peragau ngan Paulus. Adau jemau diau bekatau, “Tuapau diau endak dikiciakka tukang mbu'ung ini?” Adau pulau jemau lain diau bekatau, “Upaunyau diauni ngiciakka diwau bangsau lain.” Karnau Paulus ngiciakka ceritau Yesus ngan ceritau ngulang idup jak di mati.

RUM 1:20

Jak Allah njadika deniau, manusiau pacak ngeruani, bansau Diaula Allah ngan kuasauNyau nidau ka udim-udim. Empuak titu nidau kina'an, tapitu pacak dikeruani, karnau setu diau dijadikaNyau, mangku dikit kia nidau bediau tapakan manusiau endak mbenaghka diriau.

RUM 1:22

Ughangtu nganggap diriau pintar, awuak bigal.

1 KURINTUS 1:19

Dalam Injil Allah bekatau, “Kepintaran jemau bepengertian ka Kuabiska. Rupu'an jemau beilmu ka Kukacauka.”

1 KURINTUS 1:26

Cubau ingatka, luak manau idup kamu masau kamu dipilia Allah. Gi dikit ajau jak di kamu diau bepengertian nurut pandangan manusiau. Gi dikit diau bekuasau ngan bepangkat tinggi.

1 KURINTUS 1:27

Allah sajauka milia diau dianggap bigal di deniauni, supayau jemau diau pintar dimaluka. Allah milia pulau diau dianggap deniau litak, supayau jemau diau gaga dimaluka.

1 KURINTUS 1:28

Allah milia diau dianggap deniau inau ngan diau nidau bediau retiau, supayau diabiska diau diregaui deniau.

1 KURINTUS 11:32

Anyautu amun kitau diukum Allah, Diau endak ngajagh kitau, mangku kitau nidau diukum serempak ngan deniauni.

1 KURINTUS 2:6

Empuak luak itu, ngan jemau diau la tegua imanautu nyela aku ngajaghka bepengertian, anyautu pengertiantu ukan pengertian deniau, ukan pulau jak di penguasau-penguasau deniauni, jemau diau kuasaunyau ka lengit.

1 KURINTUS 2:8

Nidau sughang kia jak di penguasau mbak kini diau keruan pengertian itu, karnau amun ughangtu la ngeruaninyau, cengki ughangtu nidau makuka Tuhan diau agungtu di kayu salip.

1 KURINTUS 3:18

Jangan sughang kia nipuka diriau. Amun adau jak di kamu diau meghasau pintar nurut deniauni, nengkela diau njadi bigal, mangku diau bepengertian nian.

1 KURINTUS 3:19

Setu diau dianggap deniau pintar dikiciakka Allah bigal. Dalam Injil ditulis, “Allah ngenangka manusiau tetangkap ngan kepintarannyau.”

1 KURINTUS 6:2

Apu kamu endiak keruan, bansau jemau percayau ka ngadili deniau ini? Mangku amun kamu ngadili deniau ini nian, apu kamu nidau pacak ndamaika pekarau diau nidau bediau retiau?

YAKUBUS 4:4

Ui, kamu jemau diau nidau ta'at! Apu kamu nidau keruan, amun bekantin ngan deniau, njadi musua Allah? Jemau diau bekantin ngan deniau bemusuan ngan Allah.