Psalmyn 93:1 - Lioar ny Psalmyn 1765 (Pointed)

¹ Ta’n Chiarn ny Ree, as er choyrt mysh coamrey gloyroil: ta’n Chiarn er choyrt er e gharmad, as er chomm'rey eh hene lesh niart.

Yn Vible Casherick 1775 1819

¹ Ta’n Chiarn ny Ree, as er choyrt mysh coamrey gloyroil: ta’n Chiarn er choyrt er e gharmad, as er choamrey eh-hene lesh niart.

Psalmyn 93:1 ပူးပေါင်းရင်းမြစ်များ

Psalmyn 103:19

Ta’n Chiarn er hoiaghey seose e stoyl-reeoil ayns niau: as ta e reeriaght reill harrish ooilley.

Psalmyn 145:13

Ta’n reeriaght ayds reeriaght dy-bragh farraghtyn: as ta dty ard-reill er-mayrn trooid dy-chooilley heeloghe.

Psalmyn 18:32

She Jee ta dy my eïllaghey lesh niart caggee: as ta jannoo my raad jeeragh.

Psalmyn 59:13

Cur mow ad ayns dty chorree, cur mow ad, dy vod ad cherraghtyn: as toiggal dy nee Jee ta reill ayns Jacob, as gys khing y theihll.

Psalmyn 65:6

Ta ayns e niart soiaghey ny sleïtyn dy-shickyr: as t’er ny chomm'rey lesh pooar.

Psalmyn 65:7

Ta kuinaghey sterrym ny marrey: as feiyr ny tonnyn echey, as mee-reilltys y pobble.

Psalmyn 75:3

Tra hig chaglym cooidjagh y pobble reesht ayns m’enish: nee’m briwnys cordail rish cairys.

Psalmyn 96:10

Insh-jee mastey ny ashoonyn, dy nee yn Chiarn y Ree: as dy nee eshyn eh t’er n’yannoo yn seihll rhunt cha shickyr nagh vod eh ve er ny scughey, as kys dy jean eh yn pobble y vriwnys dy-cairagh.

Psalmyn 97:1

Ta’n Chiarn yn Ree, foddee’n seihll goaill boggey jeh: dy-jarroo, foddee ny ymmodee ellanyn boggey ’ghoaill jeh.

Psalmyn 99:1

She yn Chiarn y Ree, lhig da’n pobble girree magh myr sailliu: t’eh ny hoie eddyr ny cherubimyn ga dy vel y seihll cha anveagh.