Psalmyn 9:2 - Lioar ny Psalmyn 1765 (Pointed)

² Bee’ms gennal as goym boggey ayn-yds: dy-jarroo, my arraneyn nee’m y yannoo jeh dt’Ennym, O Uss smoo Ard.

Yn Vible Casherick 1775 1819

² Beem’s gennal as goym boggey aynyd’s: dy jarroo, my arraneyn nee’m y yannoo jeh dty Ennym, O Uss smoo Ard.

Psalmyn 9:2 ပူးပေါင်းရင်းမြစ်များ

Psalmyn 138:1

Ver-ym booise dhyt, O Hiarn, lesh ooilley my chree: dy-jarroo fenish ny ainleyn goym arraneyn-moyllee hoods.

Psalmyn 26:7

Dy voddym fockley magh yn coraa dy wooise: as soilshaghey ooilley dty obbraghyn yindyssagh.

Psalmyn 27:6

As nish troggee eh seose my chione: er-skyn my noidyn mygeayrt-y-moom.

Psalmyn 28:7

Moylley dy row da’n Chiarn: son t’eh er chlashtyn coraa my aghinyn imlee.

Psalmyn 43:4

Dy voddym goll gys altar Yee, dy-jarroo gys y Jee jeh my voggey as my yennallys: as er y chlaasagh ver-yms booise dhyts, O Yee, my Yee.

Psalmyn 5:11

Stroie uss adsyn O Yee; lhig daue cherraghtyn liorish nyn goyrlyn hene: tilg ad magh ayns ymmodee nyn mee-chraueeaght; son t’ad er n’irree-magh dt’oï.

Psalmyn 7:17

Son hig e obbyr er e chione hene: as tuittee yn olkys echey er e vollag hene.

Psalmyn 83:18

As bee fys oc, dy nee uss ta’n Ennym ayd Jehovah: yn ynrycan Er smoo syrjey harrish ooilley yn seihll.

Psalmyn 86:12

Ver-ym booise dhyts, O Hiarn my Yee, lesh ooilley my chree: as nee’m dt’Ennym y voylley son dy-bragh.

Psalmyn 92:1

Te red gerjoilagh dy chur booise da’n Chiarn: as dy ghoaill arraneyn-moyllee gys dt’Ennym’s, O Uss smoo syrjey;

Psalmyn 92:4

Son t’ow uss, Hiarn, er my yannoo gennal trooid dt’obbraghyn: as goym boggey ayns coyrt moylley son obbraghyn dty laueyn.

Psalmyn 96:3

Jean-jee e onnor y hoilshaghey da ny ashoonyn-quaagh: as e yindyssyn da dy-chooilley phobble.

Psalmyn 97:12

Gow-jee boggey ayns y Chiarn, shiuish sleih ynrick: as cur-jee booise ayns cooinaghtyn jeh e chasherickys.

Psalmyn 97:9

Son t’ow uss, Hiarn, ny syrjey na adsyn ooilley t’er y thalloo: t’ow er dty hoiaghey seose foddey er-skyn dy-chooilley Yee.