Psalmyn 86:2 - Lioar ny Psalmyn 1765 (Pointed)

² Freill uss m’annym, son ta mee ynrick: my Yee, saue dty harvaant ta coyrt e hreishteil ayn-yds.

Yn Vible Casherick 1775 1819

² Freill uss m’annym, son ta mee ynrick: my Yee, saue dty harvaant ta coyrt e hreishteil aynyd’s.

Psalmyn 86:2 ပူးပေါင်းရင်းမြစ်များ

Psalmyn 119:94

Ta mee lhiats; O saue mee: son ta mee er hirrey lurg dt’annaghyn.

Psalmyn 13:5

Agh ta my hreishteil ayns dty vyghin: as nee my chree boggey ’ghoaill ayns dty haualtys.

Psalmyn 143:12

As jeh dty vieys giare sheese my noidyn: as stroie adsyn ooilley ta jannoo tranlaase er m’annym, son mish dty harvaant.

Psalmyn 16:1

Jean m'y choadey, O Yee: son ayn-yds ta mee er choyrt my hreishteil.

Psalmyn 18:19

Hug eh lesh mee magh neesht gys boayl dy reamys: hug eh lesh mee magh, dy-jarroo son dy row foayr echey dou.

Psalmyn 25:2

Son cha bee veg jeusyn ooilley ta treishteil ayn-yds er nyn naaraghey: agh bee nyn lheid as ta girree-magh gyn oyr er nyn ghoyrt bun-ry-skyn.

Psalmyn 31:1

Ayn-yds, O Hiarn, ta mee er choyrt my hreishteil: ny lhig dou dy-bragh v’er my choyrt gys nearey; livrey mee ayns dty chairys.

Psalmyn 31:14

Ta mee dy-bollagh er my yarrood, myr dooinney marroo ass cooinaghtyn: ta mee coontit myr saagh brisht.

Psalmyn 37:28

Son shynney lesh y Chiarn shen ny ta cairagh: cha vel eh treigeil e vooinjer chrauee hene, agh t’ad er nyn goadey er son dy-bragh.

Psalmyn 4:3

Toigg-jee shoh neesht, dy vel y Chiarn er reih da hene yn dooinney ta crauee: tra nee’m geamagh er y Chiarn, nee eh clashtyn rhym.

Psalmyn 50:5

Chaggle-jee my nooghyn cooidjagh hyms: ad shen ta er n’yannoo conaant rhym lesh oural;