Psalmyn 75:1 - Lioar ny Psalmyn 1765 (Pointed)

¹ Dhyts, O Yee, ta shin cur booise: dy-jarroo dhyts ta shin cur booise.

Yn Vible Casherick 1775 1819

¹ Dhyt’s, O Yee, ta shin cur booise: dy jarroo dhyt’s ta shin cur booise.

Psalmyn 75:1 ပူးပေါင်းရင်းမြစ်များ

Psalmyn 138:2

Nee’m ooashley ’choyrt kiongoyrt rish dty hiamble casherick, as dt’Ennym y voylley, er coontey dty chenjallys-ghraihagh as dt’ynrickys: son t’ow er ghloyraghey dt’Ennym as dty Ghoo er-skyn dy-chooilley nhee.

Psalmyn 145:18

Ta’n Chiarn er-gerrey dauesyn ooilley ta geamagh er: dy-jarroo, dauesyn ooilley ta geamagh er ayns ynrickys.

Psalmyn 44:1

Ta shin er chlashtyn lesh nyn gleayshyn, O Yee, ta nyn ayraghyn er n’insh dooin: cre ny obbraghyn ren uss ayns y traa ocsyn ’sy chenn earish;

Psalmyn 50:1

Ta’n Chiarn, dy-jarroo yn Jee smoo niartal, er loayrt: as er choyrt eam da’n seihll veih irree seose ny greïney gys y gholl sheese echey.

Psalmyn 57:1

Bee myghinagh dooys, O Yee, bee myghinagh dou, son ta m’annym treishteil ayn-yd: as fo scaa dty skainyn vees my chemmyrk derrey vees y tranlaase shoh er n’gholl shiagh-ym.

Psalmyn 58:1

Vel nyn aignaghyn soit er cairys, O shiuish phobble: as vel shiu briwnys shen ta cairagh, O shiuish cloan gheiney?

Psalmyn 76:1

Ayns Judea ta enney er ny choyrt er Jee: ta’n Ennym echey mooar ayns Israel.