Psalmyn 71:3 - Lioar ny Psalmyn 1765 (Pointed)

³ Livrey mee, O my Yee, veih pooar ny mee-chrauee: veih laue yn dooinney neu-chairagh as dewill.

Yn Vible Casherick 1775 1819

³ Livrey mee, O my Yee, veih pooar ny mee-chrauee: veih laue yn dooinney neu-chairagh as dewil.

Psalmyn 71:3 ပူးပေါင်းရင်းမြစ်များ

Psalmyn 144:2

My varrant as my hoor lajer, my chashtal as m’er-livreyee, my endeilagh ayn ta mee treishteil: ta smaghtaghey yn pobble ta fo my reill.

Psalmyn 18:2

Nee’ms geamagh er y Chiarn, ta feeu dy ve er ny voylley: myr shen bee’m sauchey veih my noidyn.

Psalmyn 18:3

Haink angaishyn y vaaish mygeayrt-y-moom: as ren ny thooillaghyn dy vee-chraueeaght m'y agglaghey.

Psalmyn 42:8

My Yee, ta m’annym seaghnit cheu-sthie jee’m: shen-y-fa nee’ms cooinaghtyn orts mychione thalloo Yordan, as cronk beg Hermon.

Psalmyn 44:4

Agh dty laue yesh, as dty roih, as soilshey dt’eddin: son dy row aigney mie ayd daue.

Psalmyn 68:28

Ta dty Yee er choyrt magh niart er dty hon’s: jean y red y hickyraghey, O Yee, t’ow er n’obbraghey aynin.

Psalmyn 89:27

Nee eh geamagh hym, She uss my Ayr: my Yee, as my haualtys lajer.

Psalmyn 90:1

Hiarn, t’ow uss er ve nyn gemmyrk: veih sheeloghe gys sheeloghe.

Psalmyn 91:9

Son t’ow uss, Hiarn, my yerkal: t’ow er hoiaghey yn thie ayd dy chemmyrk feer ard.