Psalmyn 70:2 - Lioar ny Psalmyn 1765 (Pointed)

² Lhig dauesyn v’er nyn goyrt gys nearey, as er nyn gastey cooidjagh, ta shirrey lurg m’annym dy stroie eh: lhig daue v’er nyn imman gour nyn drommey dy-scammyltagh, ta wooishal olk dou.

Yn Vible Casherick 1775 1819

² Lhig dauesyn v’er nyn goyrt gys nearey, as er nyn gastey cooidjagh, ta shirrey lurg m’annym dy stroie eh: lhig daue v’er nyn imman gour nyn drommey dy scammyltagh, ta wooishal olk dou.

Psalmyn 70:2 ပူးပေါင်းရင်းမြစ်များ

Psalmyn 109:29

Er my hon’s, ver-ym mooarane booise da’n Chiarn lesh my veeall: as nee’m eshyn y voylley mastey earroo yn pobble.

Psalmyn 141:1

Hiarn, ta mee geamagh ort, jean siyr hym: as cur geill da my choraa, tra ta mee jannoo m’accan hood.

Psalmyn 22:12

Ta ymmodee dew er jeet mygeayrt-y-moom: ta terriu lajer Vasan er hoiaghey orrym er dagh cheu.

Psalmyn 22:20

Livrey m’annym veih’n chliwe: as my ynrycan bioys veih pooar y voddey.

Psalmyn 35:26

Bee ad er nyn ghoyrt bun-ry-skyn as gys nearey cooidjagh ta goaill boggey jeh my heaghyn: bee ad er nyn goodaghey lesh oghsan as mee-ooashley ta boggyssagh m’oï.

Psalmyn 35:4

Bee ad er nyn gastey, as er nyn goyrt gys nearey, ta shelg lurg m’annym: ver ad cooyl, as bee ad er nyn goyrt mow, ta kiarail olk m’oï.

Psalmyn 40:14

Ny tayrn dty vyghin ersooyl voym, O Hiarn: lhig da dty chenjallys-ghraihagh as dty irriney dy-kinjagh mish y choadey.

Psalmyn 6:10

Bee ooilley my noidyn er nyn stroie as dy-trome seaghnit: chyndaa-ee ad nyn gooyl, as hig ad gys nearey doaltattym.

Psalmyn 71:12

Agh er my hon’s, nee’m dy-meen farkiaght dy-kinjagh: as moyll-ym oo ny smoo as ny smoo.

Psalmyn 71:13

Loayr-ee my veeall dagh-laa jeh dty chairys as jeh dty livrey-ys: son cha nione dou yn earroo oc.